حسسسام
28-05-2022 - 03:35 pm
السلام عليكم ورحمة الله وبركاته
أسعد الله مسائكم أخواني اخواتي ندخل في صلب الموضوع
أنا زواجي راح يكون في 13 مارس 2013
بالهجري 1/3/1433 ه
ونا محدد لشهر العسل 50000 الف ريال
لحد الحين حلو
نجي عند المشكله أن ماعند ام امي سالفه بلأنجليزي هذا أولن
ثانين ولا عمر ابوي طلعت برى المملكه حدي الرياض الشرقيه يعني مو بعيد ههه
والمشكله المدام عاد ولا عمرها طلعت برى بيت ابوها يعني كل واحد فينا يقول عندي الزود
وهنا المشكله ههه
أنا سبق وطرحت موضوعي هذا في قسم السفر والسياحه العامه
ووجهلي دعوه الأخ فيصل الله يجزاه خير ومن يشوف على قسم السفر الى فرنسا
ومن ناحية الفلوس حسبتها طلعتلي كل ال 50000 الف ريال باليورو 8 الف يورو
بالعقل هل بتكفي ..؟؟
وناس اشوف مخلي لسفره 26 الف ريال مدري وشلون تكفيهوم .؟
على العموم مالكم بالطويله فترة السفر تكون اسبوعين كم بتكلف أذا قلنا الفندق 3 نجوم
والتنقلات عن طريق سائق عربي
هل بتكفي يالله يافيصل تكفى وتكفوون ياناس ترو والله متوهق وخايف بنفس الوقت حطو مكانكم مكاني
تكفون
وأقترح عليك أن تكون وجهتكم الى شرق آسيا كونها المره الاولى اللي تسافر فيها
وكذلك يوجد معك الزوجه وهو عبء بحد ذاته , لا احد منا يتمنى الغلط او ضياع وقت الرحله
في الاسئله والتوهان في كل مشوار ومعه عائله , لو لوحدك تمشي الامور وتتحمل الحرج والتعب
أن بغيت رايي ونصيحتي وانا اخوك فاجعلوها الى اندنوسيا او احد جزر ماليزيا , ترى شرق آسيا له جوه برضه وله طبيعته المختلفه عن اوروبا واقل بكثير في المصاريف
مجرد وجهة نظر