السلام عليكم كل من بالمنتدى والحقيقه استفدت من الاعضاء جميعا الحمدالله لنا الان اسبوع راجعين من سفرتنا الى لندن والنمسا وحبيت اقول ملاحظاتي بهاالسفره سفرتنا كانت اسبوعين بلندن واسبوعين بالنمسا صراحه لندن ما عليها اي كلام حتى غلاء الاسعار ماحسينا فيه للانه كنا نشتري من البقالات العربيه واكل المطاعم كان قليل اللهم الا من الصب واي اللي بالاجوررود لندن ممتعه بكل الاحوال مدينه لاتمل حتى اطفالي استانسوابكل شي فيها نجي للنمسا رحنا لفيينا وسالزبورغ وزيلامسي البلد مره هاديه ورايقه احسها ميته من بعد الساعه 5 العصرفي فييناصراحه سكنا بملاهي براتر اللي عيالي انهبلو عليه سالزبورغ لاتعليق اما زيلامسي فهي السبب برجعتنا للسعوديه قبل موعد حجزنا باسبوع لانه ولدي الكبير انمرض فجاه ولاندري ايش اللي فيه اخذناه لمستوصف زيلامسي الدكتوره ماعرفت ايش اللي فيه وحولته لمستشفى يبعد 80 كيلو عن المدينه راح ابوه معه وتنوم بالمستشفى 3 ايام وظليت انا وولدي الصغير 2 سنتين بفندق قراند هوتيل صراحه ارعب ايام حياتي هذيك الايام الحمدالله طلع فيه التهاب بالدم خفيف والان الحمدالله كويس وعلى طول حجزنا للسعوديه بس على جده مو الرياض الحين اقول لزوجي لو الولدانمرض بلندن كان اخف شوي ولو طلعنا ماكنا رجعنا للسعوديه صراحه النمسا ماتصلح الا للمعاريس اواللي مامعهم اطفال صغار مره الدوله قد مااقول هاديه وبارده وميته فهي شويه فيها صراحه هذي وجهت نظر وان شاء الله لندن راح يكون لها زياره خاصه بها من دون اي دوله ثانيه دمتم بود