يحتقرونا؟؟!
ماصادني موقف سلبي منهم يدل على الأحتقار.. عاملهم بمثل معاملتهم لك..
خلك طيب مع الطيبين .. وخلك قنيط مع اللكيعين

نقل التلفزيون الاندونيسي قبل يومين من أن سعوديا اطلق عليه النار
في الشارع من قبل شخص أندونوسي وارداه قتيلا ولم يوضح زميلي
ناقل الخبر اين ولماذا ؟

انا في بلاد العمه الحين
و لا اشوف من معاملتهم شي
الا وش زينها
بس ابعد عن اماكن تجمعات العرب الي مالها سنع وتمشي امورك احلى من العسل

والله يااخي Aston صادق في كلامك انا زرت اندونيسيا تقريبا سبع مرات بدايه من سنه 1990 م وانتهت منها في اخر زياره لها سنه 1998م ومنها ماطبيت هذي الديره والاسباب كثيره ومنها تغير معامله الشعب الاندونيسي من المطار الي اغلب الاشخاص الذين نتعامل معهم من سواق ,جزار,بقال وغيرهم ولكن ايش الاسباب التي غيرت بعض الاندونيسيين للاسوء .طبعا بلا شك في رائيي شبابنا وبعض شيابنا الله يهديهم:112: .ومنها اللي يلعب بالدراهم ويرميها يمين وشمال بدون فايده الا للفشخره والخربطه الفاضيه واللي تلاقيه سكران ويسب هذا ويضرب هذاك واللي تلاقيه مشغل الاغاني ومطول علي حده واالناس تصلي الفجر وهذي خاصه في الجبل واللي طول سفرته جالس بالغرفه مايتعداها والاسباب معروفه واشياء كثيره لو اكتبها يبغي لهامجلد وما يكفي بعد.هاه شرايك بعد كل هذا تسال ليه تغيروا .....؟؟؟؟؟
طيب شرايك اول ماعرفنا اندونيسيا تصدق انه في المطار اول مايعرفون اننا سعوديين يفتحون لنا كونتر خاص فينا بس عشان اننا سعوديين ومن كثر احترامهم لنا ....؟؟؟
طيب هالحين كيف المعامله ...؟؟؟ طبعا هديه من اول ماتقبل صح ... طيب ليه علينا بس ؟؟؟؟ وتري هذا شي بسيط ربك يعدل الاحوال وااسف علي الاطاله

abbas1955
غير صحيح لم يحصل هذى نهائيآ وأن أكد أن هذي تسبب أشاعه

alfahad-15
لافض فوك اخي ...................... كلام في الصميم ............ ولكن من دون تعميم فليس كل من سافر من السعوديين او الخليجيين او الاخوه العرب من هذه النوعيه ......بل يوجد الكثير فيهم خير عظيم

شكرا اخي فينيسيا علي ردك وارجع اقول الغالبيه من الشباب الله يهديهم وليس الكل ولا تلومني كان ودي ان الشباب يغيرون من اطباعهم وتصرفاتهم الغير مقبوله كليا لانه للاسف تصرفاتهم هذي اكيد مئه بالمئه اضرت بسمعه الخليجيين جدا جدا وخاصه السعوديين والواحد لما يغلط يتعلم من غلطاته ولا يتعودها لكن اللي اشوفه للاسف انهم تمادوا في تصرفاتهم الغبيه واكيد رايح يخربونها مثل ماخربوا تايلند من قبل وخربوا علينا اندونيسيا وتركنا لهم الجمل بما حمل ولا تقول لي انصحهم لانهم لاينتصحون ولا يسمعون و شكرا لك

alfahad-15
أخي الحبيب فهد
كلامك جميل و رائع و يلامس الحقيقة ...
و لكن لا ينبغى أن نتغافل عن كثير من العينات الاندونيسية التي أصبحت
تعامل السعوديين بجفاء و ترفع و استغلال ...
طبعا السعودي يتحمل جزءا كبيرا لا باس به من أسباب تلك المعاملة ...
بالنسبة لي : لم أواجه مشاكل كبيرة تذكر .. بل الأوضاع طيبة رغم بعض
المشاكل و التجاوزات التي تحصل أمامي من السعوديين و الاندونيسيين ..

اخي العزيز ..الطائر الجريح .. اولا شكرا علي تفاعلك معنا في الموضوع لكن هذي العينات الاندونيسيه التي تكلمت عنها كانت موجوده ولكن تصرفات واوضاع بعض الشباب هي التي غيرتهم صح ولا لا.؟؟ طبعا انا مثلك في كل سفراتي لم اواجه اي مشكله بتاتا لاني والحمد لله اعامل الناس بالطيب وايا كانت الدوله واحترم قوانينهم وعشان كذا ماواجهتني اي مشكله والحمد لله ويمكن يرد علي واحد من الشباب ويقول انه ماواجهتني مشاكل لاني يمكن ماتعديت العاصمه . واقوله غلطان لاني زرت الجبل ,بوقور ,سوقابومي ,باندونق جوكجاكرتا ,سمرانق سلاتيقا ,سورابايا ,تريتوس , وبالي .
وكان ودي اكرر الزياره لاندونيسيا لكن لما اسمع الاخبار عن اوضاع شبابنا ومعامله الاندونيسيين لهم اغير رائيي لو اروح الواق واق ولا اروح اندونيسيا وربك يسهل