اهلين رواف
عندي بس أقتراح على الطاير وأعذرني حالياً لأني مستعجل ولي رجعة لموضوعك...
6 برشلونة
3 سان سيباستيان
7ماربيا
وبما أن وصولك على برشلونة أجلس فيها 6 أيام وبعدها أطلع بطيران سياحي إلى سان سيباستيان وأجلس فيها 3 أيام
وبعدها أطلع بطيران أقتصادي من سان سيباستيان إلى ماربيا.....
المطارات اللي راح تقدر تستخدمها
مطار برشلونة - مدينة برشلونة
مطار سان سيباستيان أو مطار بيلباو - للوصول إلى سان سيباستيان
مطار ملقا - للوصول إلى ماربيا

فعلا .. أنا أشوف " مدريد " مالها داعي ..
خاصة إنك راح توصل برشلونة .. دايركت ..
أنا أرشح لك .. مايوركا .. أو سان سيباستيان .. مكان مدريد
ولي رجعة لموضوعك .. بعد مااشوف ردك ..
وحبذا تكتب لي .. الفندق الي أخترته في برشلونة .. بحيث أعرف المنطقة الي أنت فيهاا .. لترتيب زيارة الاماكن منها

النسر المهاجر
شكرا لك النسر المهاجر
وأقدر وقفتك معي وألف شكر لك وربي يبارك لك في وقتك ومالك ورزقك.
مثل ما عودتني والاخوان ما تقصرون أبد.
أنا بصراحة قرأت عن سبان سباستيان.
لكن ما أشوف أني معجب بها كثير .. وفضلت مدريد لأنها العاصمة .. وتعرف أول روحه لي لأسبانيا وودي أزور العاصمة وبالذات طليطله .. مخطط لها يوم كامل.
بالنسبة لتوزيع الايام .. انا مضطر اجلس في برشلونه 8 ايام لانه عمل .. ثم بروح مدريد سياحة .. ثم بعدها 7 أيام ماربيا ومالقا والمدن اللي حولها.
التنقل من برشلونه إلى مدريد عن طريق أير أيروب .. ثم من مدريد إلى مالقا عن طريق القطار.
ننتظر منك طال عمرك توزيع الاماكن المهمة على المدن.
الف شكر لك النسر /.. وخصوصاً للتقرير حقك أستفدت منه كثير.
مع خالص احترامي

pure live
أهلا بيور .. وبصراحة ما توقعت وقفتكم معي أنت والنسر .. من أقوى الأعضاء في البوابة .. وفاجأتوني بالطله الحلوة منكم.
ألف شكر لك وللنسر.
بالنسبة لرأيك .. أقدره تماماً .. لكن خلاص ما ينفع أغير.
وخصوصاً أني ودي أشوف طليطله .. وتعتبر مهمة بالنسبة لي جداً.
أخترت فندق H10 Marina Barcelona .. في برشلونه.
وحسب خبرتك يا ليت يكون فيه تقسيم للأماكن مع الوقت المناسب لكل مكان كم يكفيه.
ألف شكر لك بيور.
مع خالص احترامي

mzoon
ألله يحيك مزون والبيت بيتك وللجميع الفائدة.
مع خالص احترامي

الأفضل أنك ترتب المدن على هذا الشكل .... برشلونة - ملقا - مدريد
وتحجز على تركية الرياض - برشلونة - مدريد - الرياض
أذا ودك تزور طليطلة ما يكفي يومين لمدريد لازم تزيد يوم ...
على فكرة كم شخص في سفر ؟

1. http://www.aesv.org/informacion/mapa/mapa.shtml

في البداية أحب أحيي الأخ بيور لايف والأخت مزون
اللي لهم وحشة بالمنتدى....
Rawwwaf
أبد يالغالي ما سوينا شي وراح أحاول أني أفيدك بالي أقدر عليه
وإن شاء الله الأخوان في المنتدى وخاصة بيور لايف راح يعطونا من خبراتهم في الموضوع....
أولاً بالنسبة للجدول ما أقدر أناقشك فيه والسبب أنت قلته لأنك مرتبط بعمل وهو جيد جداً ولا بأس فيه.....
وبالنسبة لما أقترحت عليك أنا وبيور لايف لسبب أن العاصمة أقل سياحياً من بقية المدن الاسبانية لكن المدة التي أخترت يومين فقط فأعتقد أنها غير مناسبة تماماً وخاصة أنك ستقضي يوم كامل في طليطلة....
لذا أرى أنك لابد من زيادة يوم فيها لتصبح ثلاث أيام,,,,
أنا لا أعلم ما هو برنامجك فيها ولكني قدرت ذلك لأنك قد لا تستطيع الذهاب لها من أول يوم وصولك لمدريد وقد يحدك وقت المغادرة من مدريد من زيارة المدينة التي تحب......
وأنا بعطيك رابط فيه خارطة أسبانيا يمكن يفيدك

http://www.aesv.org/informacion/mapa/mapa.shtml

وبالنسبة للتنقل من برشلونة إلى مدريد فأفضل ما اخترت عن طريق الطيران ولديك عدة شركات تستطيع أختيار منها الأنسب,,,
وبالنسبة للتنقل من مدريد إلى ملقا بالقطار فهذا أخيار من وجهة نظري لا أنصح فيه لأن المسافة ليست بالقليلة تصل ل 550 كم والأمر الآخر أن أتجاهك للجنوب والجنوب منطقة جبلية ولا توجد طبيعه خلابه تمتعك أثناء الرحلة لذا انصحك باستخدام الطيران من مدريد إلى ملقا
وهذا موقع فيه روابط لأغلب خطوط الطيران العالمية وسوف تجد الشركات الاسبانية من ضمنها تستطيع البحث من عدة شركات عن أنسب الاسعار والمواعيد وكلما بكرت في الحجز كلما حصلت على سعر أفضل.....
الموقع فيه جميع الشركات العالمية وليست فقط الشركات الخليجية كما هو موضح عليه
شركات الطيران الخليجية http://home.btconnect.com/jclass/air2.htm
وبالنسبة لتوزيع الاماكن المهمة راح نتفرغ لها بعد ما نخلص من الجدول وترتب جحز الطيران..

هلا وغلا .. بالنسر
شخبارك .. شوو هالغيبة يازلمه
أشتقنا لك .. ولابداعاتك
ونتمنى .. دوم تطل علينا ..
نرجع لموضوعنا ياروواف ..
أنا فكرت من ناحية البرنامج .. قلت خلني ابدا في برشلونة أول شئ ..
سويت برنامج .. ل 8 ايام .. ووزعت الاماكن عليها ..
بس .. بالاخير أحترت كثير .. لان الناس تختلف اذواقهم ..
فقلت .. حبيت تساعدني شووي .. بحيث انت من تضع البرنامج بنفسك ..
أنا بكتب لك أهم الاماكن .. الي ينصح بزيارتها .. وودي منك .. تشووف الي يعجبك ..
أو استفسار عن مكانهاا .. وكيفية الوصول لها .. واي شئ يتعلق فيها ..
واذا اخذت فكرة شاملة عنها .. رتبها على الايام .. وانا راح اساعدك فيها
شارع الرامبلا
ساحة كاتالونيا
الحي القوطي ( خلف شارع الرامبلا )
سوق لابوكوريا ( موجود في الرامبلا )
بابلو اسبانيول ( جنادرية أسبانيا )
النوكامب
ساقاردا فاميليا ( الكنيسة العملاقة )
شاطئ برشلونة
منجويك ( التلفريك )
القرية الاولمبية
ساحة اسبانيا ( مشاهدة نافورة السحر .. الموجودة فيها )
شارع باسيج دي غارسيا ( مقاهي وماركات تجارية عالمية )
بارك قويل ( حديقة)
ملاهي فنتورا ( خارج برشلونة .. يلزم لها يوم كامل للزيارة اقل شئ )
حديقة Zoo للحيوانات
هذا من دون الاسواق .. لانك قلت مو مهمة بالنسبة لي .. لكن اذا احتجتهاا .. راح اكتبها لك
أنا حاليا .. أشتغل على موضوع راح انزله قريبا في المنتدى ..
قريبا هذي ( يبغلها سنة .. يمكن )
يتكلم عن أهم الاماكن والمجمعات والفنادق في برشلونة .. مع خرائط لها .. وكيفة الوصول لها ..
مع ان الموضوع .. يمكن مكرر كثير .. لكن لكثرة الاسئلة والاستفسارات ..
حبيت أوضح أكثر .. وأكثر
على العمووم .. هالاماكن الي كتبتها لك .. اذا في اي شئ منها .. غامض عليك ..
لاتتردد ..
واذا حبيت صوور لكل منطقة .. فابشر فيها ..