غالي هواك
22-12-2022 - 04:23 am
السلام عليكم ورحمة الله وبركاته
كل عام وأنتم والأمة الأسلامية بألف خير
اليوم مريت على مكتبة جرير الي بين مخرج 5 ومخرج 6 بدائري الرياض ابي خريطة لأوروبا وخرائط لبعض المدن الأوروبيه
لكن المفاجأة انهم قالو ماعندنا الا للسعودية وامريكا وكندا طلعت من عندهم وانا شبه متحطم لكن باقي عندي أمل في مكتبة العبيكان وانا أشغل سيارتي وعلى مكتبة العبيكان الي بمخرج 28 طريق المدينة المنورة سألتهم عن طلبي قالو للأسف ماعندنا الا للسعودية فقط !!!!!!!!! ياناس ياهوه قالو تبيها ولا لا تزعجنا ما حنا فاضين لك
طبعآ لقيت لأطلس لكن خرائط تجي بكتب وغير واضحة يعني مابي كتب ابي خريطة خفيفه لطيفه وتكون باللغة الأنجليزية او العربية
لأني هالأيام أجهز لرحلة ان شاء الله اوروبية لكن بعد كم شهر وابي اكون جاهز بكل شي من الآن لأن رحلتي هناك بتكون بالسيارة بعد وصولي طيران
المهم اللي يعرف مكان لبيع هذه الخرائط بالرياض يفيدني بارك الله فيكم .
وبالتوفيق