1. جدول سياحي واختار منه اللي يعجبك


2. ممكن اضافات ع حسب الجدول بالقرب


3. سينما للأطفال افضل مكان لهم وكمان مكان للاطفال مميز وتنصحون فيه

جدول سياحي واختار منه اللي يعجبك

https://artravelers.com/p/re/487746
المطاعم (فريج صويلح -ميس الغانم-المطعم الدوار بالابراج-مقهى سليمان الشميمري) الدوار مسكر والابراج مسكره ماراح تفتح الا 2017 - breakfast club الاكل عنده لذيذ والريوق قوي موجود في شرق برج كيبكو لازم تتريقون فيه وتطلبون بان كيك كندر دمار - فيلا فيروز لبناني في الافنيوز واكله توب بعد - نينو ايطالي - كوكوروم وسلايدر ستيشن امريكي فيهم من الريوق لي العشا في منطقه السيف مقابل قصر السيف - p+f ,ولادوريه و كاكاو كلهم في 360 مول - شوكلت بار في منطقة البدع او سبونز المنقف - concept15 في الرايه - ميلنزاني ايطالي في البدع والافنيوز - مطعم الحمرا وطربوش في الافنيوز .. اذا تاكلون ياباني او صيني اعطيكم مطاعم ( ماكي - واسابي - ساتشي - لا سوشي بار ) في المباركية : دانه المباركيه - دلق سهيل - حليب وهيل - الشمم والخ

ممكن اضافات ع حسب الجدول بالقرب

المولات (المباركية -سوق شرق-الكوت-المارينا-السالمية-مجمع الاوقاف -مجمع البلوكات قالوفيه دراريع) المباركيه سوق قديم مو مول - سوق شرق والاوقاف والبلوكات كلهم يم بعض - الاوقاف شوي اتركوه الناس وماقاموا يتجهون له - برج التجارية وكيبكو وجاسم هذيل فيهم محلات مصممات كويتيات وعندهم اشياء حلوه بس اشوي الاسعار مرتفعه - جمعيه السلام في جنوب السره خلف بنك برقان في مول فيه 33 بوتيك - في (ردن) رودنيا الزامل مصممه كويتيه واشياءها حلووه في منطقه الشعب البحري شارع الخليج دانه بلازا - وفي هديل اشكناني في الشعب البحري قطعه 8 شارع بن سلام - المولات : الافنيوز - 360 - مارينا مول - الكوت - سوق شرق الماركات : الصالحيه - الافنيوز - برج الحمرا - الاسواق متناول الجميع - سوق السالميه - المهلب - مجمع النقره الشمالي والجنوبي - الحمرا في الفروانيه والعربيد للدراعات
(المركز العلمي يتكون من شنو بالضبط - ارض المعارض من شنو بالضبط ) المركز العلمي في الحياه البحريه احواض القروش والاسماك والبريه وصاله الاستكشاف للاطفال وسينما اي ماكس - ارض المعارض فيه قريه رمال منحوتات رملية من الف ليله وليله وعروض يوميه-

سينما للأطفال افضل مكان لهم وكمان مكان للاطفال مميز وتنصحون فيه

في ماجك بلانت وكيدزانيا في الافنيوز - في مجمع ديسكفري في الديره الكويت مقابل التأمينات - في حديقة الشعب - في حولي بارك - وفي 360 فوق العاب للاطفال السينمات كل المولات فيهم واتشوفون الافلام اللي تناسبكم هذا ردي كان لوحده من جم اسبوع ممكن يفيدك بعد اذا معاكم حريم

مشكورة اختيq8ya metnaqla
هل سوق المباركية يقفل وقت الظهر ام لا وماهي اوقات العمل
ماهي الاشياء القريبة من مجمع الكوت لاني احسه بعيد عن السالمية ( بودل )
ماهو افضل محل تفصيل عبايات للمدام
ماهي المعارض المشابهه ل ( بيت ديفا )
ماهي المسرحيات التي تعرض خلال تلك الفترة ( هل يوجد موقع يعرض المسرحيات )
ما هي اوقات عمل معارض المصممات ( واذا ممكن اين تقع تلك المعارض بالتفصيل )

المباركيه من 8:30 الى 1:30 تقريبا والعصر من 4 الى 11 او 10
الكوت صوبه كويت ماجيك وأسواق فحيحيل مااعر محل مخصص عبي بس أهناك وايد في محلات للعبي والفروانيه بعد فيها للعبي وسبونز مطاعم وكافيهات ومنيوز الخط الساحلي كل مطاعم وكافيهات يم بيت ديفا 3 نفس ألطريقه تقريبا مكانهم بجانب المستشفى الأميري في شرق وفي 52 degrees في الشويخ عند مجمع التلال هذا مكان كل شي فيه والمصممين كويتيين من الجنسين بس أسعاره مرتفعة وفي معارض احطها في موضوع الأنشطة المقامة واللي ذكرتهم فوق .
برج التجارية وكيبكو وجاسم هذيل فيهم محلات مصممات كويتيات وعندهم اشياء حلوه بس اشوي الاسعار مرتفعه
المولات : الأفنيوز قسم السوق في محلات مصممات كويتيات - 360 - مارينا مول - الكوت - سوق شرق
الماركات : الصالحيه - الافنيوز - برج الحمرا -
الاسواق متناول الجميع - سوق السالميه - المهلب - مجمع النقره الشمالي والجنوبي - الحمرا في الفروانيه والعربيد للدراعات
مسرحيات مافي في هالفتره
المحلات تقريبا من 9 الى 1 والعصر من 4 الى 10
أتمنى أني جاوبت على استفساراتك

نسيت شارع سالم المبارك في السالميه كله أسواق ومحلات

شاكر ومقدر لك ردودك وسعة صدرك
خدمك المال والبنون وسهل الله امرك