حياكم الله
السكن مابين الاجول رود و الاكسفورد و النيستبرج
بخصوص السياحة
https://artravelers.com/p/re/395938
وبخصوص الاطفال
https://artravelers.com/p/re/531370
واي خدمه

من بعد اذن صاحب الموضوع
بخصوص ليلة راس السنه ، شنو وضع المنطقه ؟؟؟؟
بنسافر باذن الله واختي مصره على الروحه للبيق بن بليلة راس السنه
ولكن احنا حريم ، امي واختي وانا ، الوضع يخوف ؟؟؟
واشلون الوضع بخصوص المواصلات تكاسي+باصات . اي شي غير الاندرجراوند
وشكرا

أنا بعد أبي أروح في انتظار الردود على موضوعك
يعطيكم العافية

العنود
مرحبا تجربتي من حضور راس السنه في لندن وخصيصا في منطقة ويست منيستر ( ساعة بيق بين )
اذا حابه تروحين لازم بدري يعني قبل الساعه 10 باليل عشان تكوني في مكان حلو ومناسب من الالعاب الناريه
الحقيقة الاجواء صاخبه من جدا كوني شاب انبسطت لاني ما في شي اخاف عليه لول
ام بالنسبة للمواصلات كان الاندرقراوند من الساعه 10 صار مجاني ولا فيه تذاكر اركب وامشي
اثناء الاحتفال الصراحه حوسه و اجواء مجنونه فعلا صاخبه بس فيها من المخاطر كثير كونكم بنات كلكم
على سبيل الاشياء اللي شفتها من المحتفلين التحرشات في البنات ... كثير ناس مخمورين اساسا ما يدرون وين هم فيه
ممكن تصير مضاربات وان وقفت على وحده منها حسيت انها مصارعة ثيران بجد
بعد الاحتفال هنا تجي المشكلة صدق لا باص تقدر تركب فيه ولا تاكسي تقدر تصيده .. بدون مبالغة في ليلة راس السنه ما قدرت ارجع للفندق حقي الا بعد 4 ساعات تخيلي
بس الحقيقة تستحق الحضور ..... وفي نفس الوقت الانتباه وترى التلفزيون الرسمي ينقلها مباشر ..
او اسكنوا قريب من ساعة بيق بين ويصير المشاهدة من شباك الاوتيل فكره حلو
اتمنى لجميع رحلة سعيدة

سلطان لندن
للاسف مثل ماسمعنا ، بس حسيت وايد بالغوا لكن طلع الكلام صحيح
فكرة السكن بفندق قريب حلوه ، بس احنا حاجزين عشر ايام بفندق وصعب التغيير
مشكور ماتقصر و يعطيك العافيه

ترى ما يمنع تسكنون يوم واحد فقط لليلة راس السنه وتكملوا الباقي في السكن للي حجزتوا عليه اذا مره متحمسين

شكرا لك سلطان لندن على الرد

طيب سلطان لندن يعطيك العافية تقدر ترشح لي فندق موقعه ممتاز لحضور الاحتفالات من البلكونة؟؟

أتمنى أحد يزودنا بأسماء الفنادق الموجوده بمنطقه الاحتفالات