jojjoj
18-07-2022 - 08:17 pm
السلام عليكم ورحمة الله وبركاته
اخوكم داخ وهو يقرأ بهالمواضيع ولاني ما اعرف بلبنان اي شي ولا اعرف الخريطه دخت مافهمت وش لون اسوي برنامج لرحله بعد يومبن يعني 30-1-2009 العصر بكون بلبنان تقريبا خمس الا
وبرجع يوم 5-2-2009
تكفون ابي برنامج سياحي يخليني ادعيلكم بالسفره وترا دعاء المسافر مستجاب
وابي تقولون لي ايهم احسن هولدي ان بالفردان ولا كراون بلازا بالحمراء من ناحية الاماكن اللي بزورها
والخدمات قريبه ولا بعيده والسلدير ينفع لعوائل ولا كله شباب عشان اصرف الاهل واروح بروحي ولا اخذهم معاي ههه
ملاحظه : انا شخص اتبع التعليمات اي شي تكتبونه بسويه حتى لو قلتولي لازم تاكل وانت رافع يد ورجل ههه يعني هلله هالله بالبرنامج بالتفصيل الممل
هوليدي ان احلى كمنظر ..
والسولدير يصلح للعوايل عادي
حبيبي شوف صعبه احد يحط لك جدول وتلتزم فيه لأن الرغبات تختلف ..من جدول سياحي الى جدول تسوق وجذي
لكن شوف دامك العصر بتوصل ..خلك بيروت روح السولدير وتقهوى فيه عقب تمش على الكورنيش وشوف صخرة الروشه ..ولا جا الليل مر على مطعم البلد بالسولدير وادعيلي ..،،
يوم الاحد طال عمرك روح صوب على متحف المشاهير بزوق مصبح وبنفس الطريق مر على مغارة جعيتا ..وارجع جونية اركب التلفيرك للجبل واستمتع بمنظر جونية من مقام السيدة حريصا ..عقب روح شارع المعاملتين بجونية وتغد بمنويلا ..وتمش عقب بجونية
يوم الاحد نفس طريق جعيتا كمل وراح يوديك لمنطقة فاريا ..قمة التزلج واستمتع بالثلج خله من الضحى للعصر
يوم الاثنين زيارة الشوف ..وهي تضم " مغارة كفر حيم وقصر موسى وبيت الدين "
يوم الثلاثاء خلها شمالية ..اطلع على طرابلس ولاخلصت منها كمل على زغرتا ..وقبل زغرتا دش اسأل عن منطقة بخعون فيها قصر الاحلام خيالي ..
الاربعاء زيارة صيدا وصور زيارة الجنوب ومطعم فضل شاكر بصيدا اسمه الحان ودش صيدا تشرى من ذيك القلوبات الحلوة والحلويات اللي يحبها قلبك
بالتوفيق ان شاء الله مايقصورن وياك