نشر في الكويت

مطعم زعتر و زيت بالصور

المرام

15-12-2022 - 04:02 pm

السلام عليكم ورحمة الله وبركاته
هلا فيكم بموضوعي اليوم...
اليوم جبت لكم صور مطعم....
زعتر وزيت.. موجود بالمارينا
ملاحظه مهممه:
مو معنى اني حطيت صور المطعم انه عجبني...بالعكس ما عجبني المطعم
يمكن لان طلبي مو حلو و... ذوقي يختلف عن ذوقكم
اللي عجبني بالمطعم: شكل المنيو + القعده ( الموقع)
المهم...طلبنا انا واختي:
انا طلبت: صاج حلوم بالخضروات
اختي طلبت: صاج قطع موز بالكاكاو اقولها: شنو هذا؟
تقول تغيير...اول مره خلينا نجربه
لكن الصراحه ما عجبني....سعر الصاجين ب 3 دنانير...أعتقد انه جيد
أخليكم مع الصور:
شكل المطعم من الخارج:

المنيو:

صاج الموز بالكاكاو:

منظر من فوق المطعم:

رحلتي الى الكويت

التعليقات (9)

Un6abe3y

15-12-2022 - 06:33 pm

زعتر و زيت
من المطاعم الحلوه واكلهم خفيف
واللي يعجبني بالمطعم شغلهم نظيف تدرون ليش ؟ الStuff لبناني :")
اتوقع هذا سر نجاح المطعم .. وماشالله فروع المطعم انتشرت بالكويت
وتسلم ايدج أختي / المرام
ودوم تتحفينا بالصور والطلعات الحلوه
وقواج الله ..

AL QANA9

15-12-2022 - 07:34 pm

مطعم حلو ومشهور
له فروع فى لبنان ودبي و الرياض وهو بلاصل لبنانى
ومن المطاعم الى ترتاح فيها لو ما تاكل
بس باين من موقعه على امااعتقد انه فى المرينا مول او انا غلاطان
على العموم مشكورر على الموضوع

روان بنت الكويت

15-12-2022 - 08:35 pm

تسلمين اختي المرام على التقرير الحلو
في عندهم صاج تشيكن نسيت اسمه موطبيعي
يبيله تجربينه بالافنيوز

روان بنت الكويت

15-12-2022 - 09:36 pm

al6lop
هلا اخوي al6lop
كلامك صح بالمارينا مول
ولهم فرع بجمعية الشاميه (بالشاميه مول)
ولهم فرع بالافنيوز

المرام

15-12-2022 - 10:37 pm

Traveler Q8i
هلا والله فيك
نورت الموضوع
مشكور على مرورك الحلو

المرام

15-12-2022 - 11:38 pm

al6lop
هلا والله فيك بموضوعي
و مشكور على المعلومات وعلى المرور
اي هو بالمارينا