يعطيك العافيه
هذا الي كان مكان الدانه وماصارله فتره فاتح
مشاله وايد حلوو

يعطيج العافيه يالغاليه
أنا تعقدت من المطاعم اللي تجيني دعاياتها على الايميل .. من عقب التسيمو ههه
خلي احد يجربه و يمدحه و ان شاء الله نروح له اولما نرجع الكويت

اي سبق واختي وراحت له تقول اكلهم لذيذ وسعرهم معقول
مو غالي ..
الف شكر لج

ان شاءالله في رحلتي القادمه للكويت ، راح أزور هالمطعم ، (تم تسجيل المطعم في جدول الرحلة )
الف شكر لك

الحقيقة أنا حاب أسجل نقطة إعتراض على هالمطعم
رحت له قبل إسبوعين بالويك إند ( السبت) وقالولي بالريسيبشين الطاولات فل ممكن تنتظر 45 دقيقة ؟؟؟
وقالي قبل لا تحضر لازم تحجز المهم مشيت منه وقلت مرة ثانية اروح له وأحجز قبلها
المهم الجمعة الماضي إتصلت قبل صلاة الجمعة (11:30 تقريبا) وكلمتني الفلبينية قلت لها أبي أحجز والعدد 3 قالت لي بالويك إند ما في حجز إنت تحضر للمطعم وتدخل وإذا توفرت طاولة تقعد قلت لها الغسبوع الماضي قالوا غير هالكلام
فسجلتني على مضض والله قلت لها 1:30 الموعد قالت حدك تتأخر 15 دقيقة قلت أوكي
المهم حضرت بالموعد وأول ما رحت الريسيبشن قالي إسمك مو مسجل ؟؟
شلون أنا مسجل .. ومني ومناك دخلني فوق
واله كانت هناك طاولات فاضية المهم إنتظرت أكثر من 10 دقايق فوق كل ما اقول حق واحد يالله ابي طاولة يتصددون أو واحد يقول أوكي ويسحب علي شي موطبيعي المعاملة صفر
المهم كلمت المدير وأنا معصب راح يبي يحل المشكلة قال إسمك مو مسجل قلت له والله أنا كنت مسجله بس الظاهر الفلبينية ما سجلته شسوي وبعدين حتى لو إفترضنا جدلا ما كنت مسجل في طاولات فاضية ..
قال إنزين وصعدت فوق مرة ثانية وأنا أعصابي مفورة والصغير أحمداني يوعان مسكين المهم ونفس السالفة غنتظرت يمكن 5 أو7 دقايق محد عبرني المهم قطيت عليهم من الكلام الطيب ومشيت ولا أظن إني راح ارجع لهالمطعم مرة ثانية
بصراحة الأخلاق صفر

هلا اختى همبكة ،،، يعطيج العافية علي نقل الموضوع والله اللحين الكل هااب لج في مطعم الصنوبر وايد يمدحونة وخاصة الأكل اللبناني مايبيلة كلام ،، ولا عاد إذا يالج الحمص والمقبلات يا سلالالالالالالالالالالالالالام بس يعت واايد
وبالنسبة حق اخوي فهد الأحمد ،، تري انا صارت نفس الحركة لازم حجز حق مطعم ميجانا بالكوت وقالوا مافي اماكن لازم حجز والله رحنى ولا شنو نشوف الكراسى فاضية والوقت اللي اخترناه 1:30 ظ حق الغدا والله العظيم بس افا عليك ما خليناها في قلبنى ولا نقولة اشلون تقولون لازم حجز ويطلع المطعم فااضي ما اقولك فااضي وايد يعنى فيه ناس ،، بس اللي موحابته في الموضوع ليش يسوون لهم ابرستيج اساسا المطعم بروحة زحمة اصلا يخلون الناس تغير فكرها عنه ،،،،
وعليكم بالف عافية

أنا رحت المطعم مرتين بصراحه أكله روعه وايد لذيذ لي درجة ان أكلهم ينافس الأكل اللبناني في مطعم الطربوش في الشيراتون.
من الأكل الي طلبناه :
كبه برغل
تبوله
فتوش
ورق عنب
عرايس لحم
بطاطا حره
حمص
كبدة دحاح
شيش طاووق
والحساب كان 15 دينار تقريبا
المطعم أكله روعه وقعدته حلوه وايد وأسعاره جدا رخيصه

المطعم مبين عليه من الصور حلو وفي ناس وايد امدحو لي اكله
انشالله اجربه واقولكم رايي فيه
ماقصرتي همبكة على الصور الحلوة ويعطيج الف عافية

يعطيك العافيه على هذا الموضوع ولكن انا جربت هذا المطعم قبل ثلاث اشهر وبالنسبه لموقع هذا المطعم رائع جدا جدا والديكور هم حلو ولكن الاكل عادي والمنيو قليل اللي فيه