السلام عليكم ورحمة الله وبركاتة
اليوم يايبتلكم مطعم johnny Rockets بالافنيوز طبعا تصويري رحت انا واختي طبعا انا طلبت بروحي واختي كانت شبعانة يعني الزبدة طلبت همبرغر وبطاط مع الجبن نص وحلقات بصل نص
اخليكم مع الصور
هذا شكل المطعم من برة بس الطاولات برة فاضية لان الجو ....... انتو اتعرفون الباقي بس بالشتا حلوة القعدة
هذا المنيو طبعا الهمبرجر انواع واحلى وحدة والمشهورة والي انا طلبتها اسمها همبرغر رقم 12 والفرايز الي فوقة جبن مع حلقات البصل والبيبسي هذا طلبي
هذا مثل الراديو تحطون فيه فلوس وتختارون الاغنية طبعا تكون اجنبية وتشتغل بصوت عالي بالمطعم
اول ما تطلبون ايبون لكم كتشب ويسوون لكم هابي فيس لول احب هالحركة
هذا المطبخ يسوون الاكل جدامكم
هذا الجرسون كان مستانس اني قاعدة اصور عاد ناديتة وصورتة على بالة صحفية لول
هذا البطاط مع الحلقات البصل نص بنص طبعا البطاط مع الجبن
هذه الهمبرغر الي اسمها number 12 اهي المشهورة وتقريبا احلى وحدة
هذه الفاتورة المبلغ طلع 4.450 دينار كويتي
1 همبرغر
1 بطاط بالجبن مع حلقات بصل
1 بيبسي
وسلامتكم وتعيشون
اهني بيفتحون مطعم شيليز بالافنيوز يم جوني روكيتس
اهني مدخل الافنيوز من صوب جوني روكيتس
ان شاء الله يكون التقرير عجبكم
الكاميرا المستخدمة نيكون
الصراحة المطع مو ذاك الزود انا وايد اروحله بس مايعجبني احس ان اهو وهارديز واحد
هني وعافية وما قصرتي