وعليكم السلام
فكرة إقتصادية حلوة أختي شعنونة
قصدك مطاعم للفطور ولا للفطور والغداء والعشاء ؟

صادقة والله كورنيش جدة سيئ جدا لازم يشوفون له حل

اي فكرة اخي رحال
مثلا مكان في البحر يكون نظيف انا كل مااسال احد يقولي ثوول عسفان وهذي يبغالها ناس كثير ولمه
مثلا مطاعم ابوزيد اللي على البحر رخيصه https://artravelers.com/p/re/172803
مطعم نكهة زمان https://artravelers.com/p/re/435446
ايش فيه افكار عشان العيد مو لازم نخسر 700 او 1000 الذكي اللي ينبسط بااقل التكاليف
عندكم ملاهي ايس لاند 20ريال والعب وتزلج وبولينق واو

هلا وغلا فيك عزيزتي
فكره جميلة ان تكون هناك مدونة للاماكن والمطاعم الاقتصادية بجده ،،،
لانهآ تفك زنقه اخر الشهر . واوقات الزنقه .
عندك ملاهي الامواج للاطفال حلوه ورخيصه
الدخول ب 10 ريال للشخص تشمل كل الالعاب ،،,
من المطاعم عندك مطعم فيروز التركي ما ياخذوا خدمه على الطلبات
وبعد النابلسي للفطور على شارع حراء ( طعمية / فول / مناقيش )
مطعم لاثاني ( باكستاني + هندي )
عندهم بوفيه غداء ب 40 ريال للشخص
بعد مطعم فادان ودندن الاندونيسي ،، رخيصه .
مطعم غوزي كبسات ومشاوي ..
هذآ اللي اذكره الحين
لو تذكرت شئ ثاني بعد بقوله ان شاء الله ،،،،,

مطعم بيتوتي دلفيري رخيص وجيد يفك أزمة آخر الشهر

المطبخ: صيني
رقم الهاتف: 6916548
العنوان: رقم ، شارع عبد الرحمن بن أحمد السدير
المدينة: جدة، السعودية

جنب بيتنا في شارع ام القرى مطعم تركي اسمه اسطنبول هوا مافيه عوايل بس فيه توصيل واسعارة مرة معقوله واكله طيب التلفون6781101 عنده فطاير ومشويات وشاورما

- صهاريج عدن (مطعم يمني) : على شارع الأمير ماجد ، مقابل عزيز مول

• نكهة زمان : على شارع متفرع من شارع فلسطين ، خلف سوبرماركت بن داود ، مقابل مركز الجمجوم التجاري

وعليكم السلام ورحمة الله وبركاته
الله يعطيك العافية على الفكرة الحلوة
فيه مطعم آسيا -تايلندي في شارع صاري
بوتري سري ويجايا -جاوي في طرق المدينة النازل
صيادية اكسبريس - مأكولات بحرية وله عدة فروع في الروضة -سطان مول -الاندلس مول