1. اول شي السفره كانت سريعه جدا لمدة ليلتين اذا مو اقل

السلام عليكم
يعطيكم العافيه اخواني متابعين بوابة سوريا
بس حبيت انقلكم الوضوع التعبان في مطار سوريا التعيس عشان تديرون بالكم في سفركم

اول شي السفره كانت سريعه جدا لمدة ليلتين اذا مو اقل

وصلت مطار سوريا الي كان بدائي ومعاملة اغلب الموظفين تعيسه بس الحمدالله مشى الحال بالروحه
بطريق الرده الى الديره الحبيبه لكويت دخلت المطار وطبعا فوضى عارمه بجهة المغادرون الشرطي الي هناك مسوي زحمه مو طبيعيه ويتناجر مع الناس ويزرع الي واقفين على الرغم ان في باب لدرجة الاعمال والدرجة الاولى ومسكر !!
عدينا من الشرطي الغير محترم ودخلنا صوب التفتيش ونفس الحال زحمه والناس كلها تتذمر فاتحين بس ممرين ويفتشون بطريقه استفزازيه ومو هامتهم الزحمه وماكو عمال يساعدون يشيلون لجناط وشكثر حريم ونساء تاذوا وطفنا من التفتيش البايخ و الله الحمد
الطامه الكبرى الحين بروح كاونتر البوردينغ ماكو مكان لدرجةالاولى ورجال الاعمال على رقم تذكرتي على الاولى وصرت افتر اقولهم وين مكان الدرجه الاولى بكل بساطه خلوني اخطر الناس الي بالسياحيه وطبعا احس ان الناس تسب بقلوبهم عبالهم مخطرهم واهو يقول هذا مكان الاولى بس بالغلط كاتبين سياحيه والناس تتذمر فتكيت من البوردينغ والحمدالله
رحت لختم الجوازات وصل دوري وكان وراي وايد ناس بكل بساطه شرطي الجوازات يقول حق الناس الي واقفين بالطابور روحوا الكاونترات الثانيه انا دوامي خلص والناس متذمرين يقولون احنا ماخذين دور وناطرين ويقولهم كيفكم روحوا ليمن طفشهم الا واحد ما رضا يروح فقاله كيفك انطر ابي مصلحتك
المهم طلع دوامه مو مخلص ولا شي وخر الناس كلهم عشان يبي بخشيش قالي ظبطني وانا ما فهمته قلتله شلون قال ظبطني طنشته ولا يقولي بكل وقاحه ابي اكراميه قلتله ماعندي فلوس لنه شفته مايستحي وقلت مابيه اعطيه ولا قالي اعطيك الجواز وحط في بطنه فلوس قلتله ماعنذي من وين اجيبلك فلوس ويتحلم ويسوي روحه يطول طنشته وعطاني الجواز
بختصار الديره مايبيلها واحد حار لنه اكثر من مره اتناجر معاهم معاملتهم شينه كل شي بالبخشيش
كليت بمطعم سفير قاعد الموظف يطنش رحتله قلتله تعال بعطيك اكراميه اهتم فيني وليمن رحت فتحلي الباب ونطرني اروح ولا قبلها منزرع بطواله خمس دقايق كل ما اناديه يطنش
وللاسف الشي هذا يكون بدوله عربيه ينفرون السواح منهم والله ماعندهم ثقافه يحافظون على السواح
وهذا ما يقلل ان في اماكن حلوه بس في دول ثانيه احلى
ويعطيكم العافيه وديروا بالكم
واسف على الاطاله لنه توني واصل ومحتر من المعامله التعيشه