وعليكم السلام ورحمة الله وبركاته
مطار جاتويك يبعد عن وسط المدينة (حي العرب) ب 24 ميل او 39 كيلو حوالي 30 دقيقة حسب الوقت وقد يصل الى 45 دقيقة فى وقت الازدحام والتكاسي (بلاك كاب) متوفرة ولكنها غالية
يمكنك استاجار سائق قبل الوصول (مني كاب) وسعره حوالي 50 جنيه للسيارة العادية
او القطار السريع وخدمته ممتازة فى 15 دقيقة بسعر 16.90 جنيه رحلة اتجاه واحد او 29 جنيه للذهاب واياب وهذه الاسعار للبالغين
اما الاطفال ف8 جنيه اتجاه واحد و14 جنيه ذهاب واياب
ونسال الله ان يكون هذا الرد كافي وانا متواجد للرد على اي استفسار

كويس يعني مو بعيد
طيب ياليت مقارنه بينه وبين هيثرو الحجم .. سهوله الاجرائات وكذا

وبغيت اعرف اذا فيه مكاتب التاكس فري
وليه ما عليه اقبال زي هيثرو؟

معقوله محد عرف عنه شي

السلام عليكم :8888:
هلا وغلا maay
مطار قاتويك كبير وفيه عيب واحد
مبنى المغادرون بروحه ومبنى القادمون بروحه ..
اذكر لما رحت اوصل اخوي مطار قاتويك وكنا رايحين بالقطار من محطة فيكتوريا من لندن ركبنا باص عشان ايوصلنا مبنى المغادرون ..
المطار كبير وفيه كل الخدمات ..
واي خدمه احنا في الخدمه

الله يعطيك العافيه القطري ماقصرت .. بس المبنى ماحسه مشكله اذا بنطلع من المطار بسياره مستاجره والعكس !
بس تتوقع التكلفه زي مطار هيثرو؟
انا لقيت رحله على جاتوك ورحله على هيثرو الفرق 1500 تقريبا ل5 اشخاص يسوى؟ اغير المطار عشانها او لا؟
وشكرا

ايه وبسال اذا فيه مكتب تاكس فري او لا

1500 تسوى الصراحه !!
اما التاكس فري اتوقع فيه لانه مطار دولي ..
والمعذره على التأخير

اخوي بإمكانك الدخول على الموضوع في توقيعي "القطارات من والى مطارات لندن"
وانا سبق اني استخدمته اكثر من مره وهو افضل من هيثرو لانه غير مزحوم انصحك فيه