وعليكم السلام
عدد الليالي على حسب إفادتك 17 ليلة. انا اقترح التالي:
الوصول جنيف و المغادرة فرانكفورت ويتم الغاء باريس من المخطط مع الغاء لوزان والاكتفاء بزيارتها من جنيف وإلغاء يورب بارك والاكتفاء بزيارتها من بادن بادن

• جنيف 3 ليالي
• أنترلاكن 5 ليالي
• لوقانو ليلتين
• زيوريخ ليلتين
• بادن بادن 3 ليالي (ومنهايتم زيارة يورب بارك) المسافة 54 دقيقة فقط
• فرانكفورت ليلتين

ومنها الى ارض الوطن
بالتوفيق

طيب وش رايكم في التخطيط هذا :
الوصول لجنيف - ليله
انسي ليلتين ومنها زيارة شامونيه
لوزان ليله
انترلاكن 4 ليالي
لوقانو 3 ليالي ومنها زيارة ميلان
لوسيرن ليلتين ومنها زيارة انجل بيرغ
زيورخ 3 ليالي ومنها زيارة يورب بارك والعوده منها للوطن
هل الترتيب جيد ولا يحتاج تعديل؟
الله لا يهينكم اقتراحاتكم ومساعدتكم في الترتيب وترشيح الفنادق
نسيت اقول لكم حنا شخصين وتنقلاتنا راح تكون بالسيارة..

ايش رايك تحذف ليالي انسي ولوزان وتخلي اول اربع ايام بمنطقه قريبه من جنيف مثل ديفون
ومنها تقدر تزور انسي وشاموني وجنيف ولوزان ومونترو وايفيان
بعدها تطلع الى لوقانو
ومن لوقانو الى انترلاكن
وايضا ايش رايك بحذف ليالي لوزيرن وتضيفها لانترلاكن وتقدر تزور لوزيرن من انترلاكن
وبيساعدك هالشي بالبحث لسكن مناسب بانترلاكن لان غالبية الحجوزات يشترطون ست او سبع ايام
وتطلع من انترلاكن الى زيورخ
طبعا اقترحت عليك الغاء بعض الاقامه لعدة اسباب
اولها انها تكون قريبه من بعض
ثانيا الشيك ان والشيك اوت ممل جدا ومتعب
والامر والقرار عائد لك
موفقين ورحله سعيده

شاكر لكم تعاونكم ..
والشكر موصول ل عمر ابو ورين وابو نوره..
بعد قراءة اقتراحاتكم وكذلك قراءة بعض التقارير وحساب المسافات خرجت بهذا الجدول :
الوصول الى جنيف واستئجار سيارة والتوجه مباشره الى لوزان
لوزان ليلتين
انترلاكن 5 ليالي ( ومنها زيارة لوزيرن - انجل بيرغ )
لوقانو 3 ليالي ( ومنها زيارة ميلان )
زيورخ 3 ليالي ( في ثاني يوم سوف اذهب الى يورب بارك بعد قضاء اليوم الاول في المدينه وافكر اخذ ليله في فرايبورغ لقربها من الملاهي )
جنيف ليلتين
والعوده منها
وش رايكم ؟
طبعا انا يهمني ان المسافات ما تكون اكثر من ساعتين
خليت الذهاب و العوده من جنيف لتفادي ضريبة تسليم السيارة في دوله اخرى
وكذلك للاستفاده من عروض الطيران

معليش غثيتكم بكثر الاسئلة ..
وش رايكم بالتخطيط الاخير ؟
ولو سمحتوا..
يا ليت ترشحون لي فندق ريفي في انترلاكن ؟

بصراحه كخط سير الافضلية انه يكون دائري
لكن طبعا اهم واول واخر شي قناعتك
جدولكم جيد تجنباً للمسافات الطويلة
الفنادق كثيرة نصيحتي ابحث بنفسك
حط تاريخ الوصول لانترلاكن والمغادرة وعدد الاشخاص بموقع بوكينق
وبنفس الوقت راجع الموضوع المثبت (( الدليل السياحي )) الموجود في بوابة سويسرا الرئيسية وفيه خيارات للسكن

اشكر لكم تعاونكم اللي ساعدني كثير في تحديد ملامح الرحله
بس عندي كم طلب :
1 - يا ليت ترشحون لي فندق او فندقين في زيورخ وتحددون لي المنطقة السياحيه اللي يفضل السكن فيها..
2 - ايضا جنيف محتار بين بريستول , N’vY Manotel , وايستويست , وارويك , رويال مانوتيل
3 - ابغى رايكم بالفنادق هذي :
لوزان فندق موفنبيك ( ليلتين )
انترلاكن فنق برينزسي ( ليلتين )
غريندوالد فندق سباين 3 ليالي
لوقانو فندق دو لا بيه 3 ليالي
معليش كثرت عليكم

من فنادق جنيف ارشح لك بريستول وانسى الخيارات الثانيه اللي بجنيف