إحساس هاديء
16-09-2022 - 01:02 pm
السلام عليكم ورحمة الله ,
أسأل الله دوام العافيه والسعاده للجميع ..
أتمنى منكم المشوره ,
في سفرة honeymoon لمدة 3 أسابيع ..
مبدأياً كانت المده مقسّمه مابين سويسرا و إيطاليا .. بس لاحظنا انه المده كثيره عليهم خاصة انه ايطاليا أسمع ذم كثير عليها وخايفه من المجازفه !! وسويسرا اغلبها طبيعه وخضآر ! فَ حبينا نضيف إما فرنسا ( كان ) لآني زرت باريس وماحبيتها ابداً .. أو أسبانيا ( برشلونه ) ..
ماعندي أي فكره عن تقسيم الايام والمسافات والذهاب من وين والعوده من وين !!!
اخترنا هالدول لآنها شي جديد علينا . ماحبينا نزور دول شفناها قبل كذآ ..
إذا فيه اقتراح ومخطط وترتيب آخر ماعندي مشكله ..
أتمنى مساعدة أهل الخبره بالتفاصيل ..
و 1000 عافيه وشُكر مقدماً ..
,
أختكم
حياك الله اختي ..ومبروك مقدما ...الله يتممها لكم على خير .
ايطاليا تعتمد في اي شهر راح تزورونها ..اذا في الصيف راح تكون الاجواء مائلة للحرارة .
والا ايطاليا تستحق التجربة.
على العموم راح اقترح عليكم مخطط ..بافتراض مبدئي ان معكم سيارة ...الاستلام والتسليم في مطار جنيف القسم الفرنسي .
الطيران :
الوصول الى جنيف والمغادرة من برشلونة .
>> هذا على غير الخطوط السعودية ..لأن مافي رحلات دايركت الا على مدريد .
الوصول الى جنيف والسكن في مونترو لمدة ثلاثة ايام
مدينة الالعاب اليوروب بارك يومين
انترلكن خمسة ايام .
ميلان اربعة ايام
جنيف والريف الفرنسي ثلاثة ايام
برشلونة اربعة ايام .
كل التنقلات بالسيارة ..ما عدا من جنيف الى برشلونة عبر الطيران الاقتصادي .
http://www.easyjet.com
وممكن تلغون برشلونة اذا كان ودكم زيارة كان ونيس ..لأن الطيران الاقتصادي ممكن يوصلكم من جنيف الى نيس ..والخطوط التركية والاماراتية والقطرية تعمل رحلات الى مطار نيس .
توزيعة ميلان :
يوم في لوقانو وكومو + يوم في فينيسيا (تروحون لها بالقطار ) + يوم في اوتلت سيرفاللي وجنوة + ويوم في نفس ميلان .
ممكن الاطلاع على دليل سويسرا السياحي لمزيد من التفاصيل .
travel.maktoob.com/vb/travel51030/
او على هذا الموضوع ..لمعرفة الانشطة الممكن زيارتها :
travel.maktoob.com/vb/travel785633/
واي استفسار اخر نحن حاضرين .
وفي انتظار رأيكم .