1. 1- حجز خطوط مؤكد

السلام عليكم ومرحبا تراحيب ,,,
قررت السفر بمشيئه الله الى النمسا ورحت لمكاتب السفريات وطرقت باب كذا مكتب عشان احصل على يوم الاقلاع اللي يناسبني وعائلتي ,,,
شفت الاسعار مره غاليه والسبب تاخيري للحجز علما بانه قررت اسافر في 20 يوليو ورايحه للمكتب حق الحجوزات في يوم 17 من يونيو ,,
بالعكس احسه الوقت مناسب ,,,بعد الشيل والحط حصلت على سعر معقول بس والله كان ودي اقل ,,السعر 3500 الف ريال ...
بالمره ان كان تعرفون مكتب ارخص بلغونى الله يعافيكم ,؟؟؟؟
بعدها جيت لمشكله الفيزا وكلفت مكتب يسويها لي والسعر برضه غالي 850 ريال
لكل شخص من افراد عائلتي الله يخليهم لي ويطرح فيهم البركه ...
الحين اتهقون انه الفيزا ابتخلص خلال الاسابيع الجايه علما بانه الذهاب في 20 يوليو والعوده في 10 اغسطس ؟؟؟
بالنسبه للحجز هذا متوقع لسبب التأخير
أنا حاجز من شهر January وكانت الاسعار حول ال 2850 ريال
بالنسبة للفيزة أنا انصح انكم انتو تروحون للسفارة وتلبون طلباتهم السهلة للتوفير وكذلك راحت البال، طلباتهم:

1- حجز خطوط مؤكد

2- حجوزات فنادق والافضل من موقع Booking.com ، أنا السفارة طلبو الحجز فقط بس بعض الاعضاء طلبو منهم فاكس من الفندق واللي هو سهل كلموهم أو ارسلو e-mail حتى يرسلون الفاكس (طبعا اذا الفندق مايعجبكم تقدرون تلغونة بعدين، انتبهو وانتم تعملون الحجز يكون الغاء من غير غرامات)
3- كشف حساب فية على الاقل 30 الف ريال
4- شهادة عمل مع الراتب
5- تأمين سفر يغطي فترة السفر
6- صور الجوازات وصور شخصية والجوازات طبعا
7- يفتحون من 9 - 11 صباحا والافضل بدري حتى تلحقون
أرجو ان هذا يفيدك وبالتوفيق
أبو بدر

أعتقد أن أفضل طريقة لاستخراج الفيزا هي الطريقة المباشرة مع السفارة ، فهي أكثر توفيرًا بكثير ، وطلباتهم معقولة جدًا .
أنا رحت للسفارة في الرياض قبل شهر تقريبًا ، واستلمت الفيزا خلال أسبوع واحد فقط .
بالنسبة للطيران احمد الله عليه ، أنا والله حاجز من شهرين وأكثر على طيران الإمارات والرحلة للشخص الواحد ب3700 ريال .
أنتم على أي طيران حاجزين ؟

الغامدي اشكرك على الرد اولا
وبالنسبه للتذكره حصلتها على الطيران المصري ولو حاجزه من شهرين مثلك كان حصلتها اب 2200 الف ريال
انا ما احب الطيران المصري بس انحديت عليه عشان المسافه بين مصر والنمسا اقرب من المسافه بين الامارات والنمسا
ماشالله عليك الفيزا خلصتها باسبوع كويس والله ..باي سفاره سويتها ؟؟

مشكور ابو بدر بالنسبة للحجز عن طريق البوكينج لازم فيزا او لازم تسجيل المبلغ وانا ما احمل بطاقة فيزا

ايه معروف انه اللي يحجز عن طريق البوكينغ لازم فيزا ,,,اجل كيف بالله يتم الحجز بدونه
ابوبدر ابحاول على السنه الجايه اتلافى اغلاط السنه هذي واحجز مبكر واحصل مبلغ مثلك مميز (لا يلدغ المؤمن من جحره مرتين ))
والله ولي التوفيق وبالسلامه للي مسافرين الله يحفظكم