هلا بالقانوني .. هذا وانت قانوني محنك..اجل وشلون نقول علي ارواحنا شكلهلم يبي يلعبون علينا ههه امزح معك اخوي ....المهم انا قريت مشكلتك ومتعاطف معك ..اعتقد والله اعلم ان المكتب ماتوفي معه الشغله لانك ماشاء الله مرتب كل شي ..المكاتب الثانيه تاخذ علي حجز طيران وهمي وحجز فنادق وتامين مبالغ وانت حجرت لهم ...انا رايي الشخصي انك دام اتفقت معاهم انكم تروحون سوا للسفاره .. ليش ماتاخذ اوراقك بنفسك وتروح من الساعه تسع الين ال 12 وتكلمهم بنفسك واعتبر نفسك شخص تقدم اول مره ولا تقول عطيت مكتب او خلافه .. قدم اوراقك بنفسك .. انا ادري انك في هم لانك خايف ان السفاره تصك علي الجواز ثلاث اسابيع بعدين يقولون لك اسفين مافيه..لكن اللي اعرفه ان السفارات الاوربيه ماترفض احد مهيب مثل بريطانيا وامريكا .. ولا اذا انت مشغول عندك مكتب الصرح بطريق الملك فهد الدور الثاني ياخذون مثل خويك مئه علي الجواز...جرب منت خسران شي ..لكن صدقني ماحك جلدك مثل ظفرك واذا تبيني اروح معك ماعندي مانع انت تامر امر .....اتمني لك التوفيق

نصيحه استخرج الفيزه بنفسك تتعب يوم لكن امن لك العام الماضي عطيت مكتب سياحي الجوازات وجميع الطلبات وقلت سفري بعد شهر قال اسبوعين وتطلع واساله بعد اسبوعين قال اعطيتها سوداني يصلحها وكل يوم اكلمه يوقول ما لقيت السوداني اصبر ومر شهر على تسليمي الجوازات وموعد سفري جاء واجازتي بدت والفيزه ماخلصت ولقيت الجوازات وصلحت الفيزه :112: وبعد اسبوعين طلعت وكرهت السفره بسببهم:112:

أخوي قانوني محنك السلام عليكم
كان الله في عونك واشعر بمحنتك ولكن كان من المفترض ان تقوم انت بنفسك بمراجعة السفارة النمساوية
انا راجعتهم شخصيا يوم الثلاثاء الماضي الموافق 205 الساعة 11,30 الصبح طبعا وماجت الساعه 2 الا وانا مقدم اوراقي ومخلص وميزة حضورك شخصيا انهم يبلغونك بأي نواقص موجوده عندك بالاوراق المطلوبه ويعطونك رقم طلب ورقم تلفونهم عشان تتصل عليهم بعد 10 ايام من تقديمك ويعطونك الاجابه بالموافقه او الرفض وعلى فكرة تعاملهم راقي جدا وستكون مرتاحا خلال وقت انتظارك
ومن يقول ان السفارة الالمانية اسهل غلطان انا رحت للسفاره الالمانية اولا ولقيت الناس ينتظرون بالشارع من كثرتهم وسوء تعامل السفاره معهم ثم ان السفارة الالمانيه لاتقبل بالحجوزات الخاصة بمكاتب الحجز او عن طريق النت وتطلب حجوزات مؤكدة من الفنادق الالمانية يتم ارسالها لك عن طريق الفاكس ولا تشيل هم اخوي قانوني بإذن الله راح يمديك تطلع تأشيرة

بيض الله وجوهكم
وفي انتظار الفرج بمشيئة العلي القدير
محبكم
قانوني

الاخ محنك اذا اوراقك كامله رح للسفاره بنفسك وهم يدققون على التصديق من الغرفه التجاريه اذا كان عملك قطاع خاص
او اذا كان فيه مده ماعندك فيها حجز فنادق
انا قدمت جوازي بنفسي يوم 26/5 واستلمته يوم 5/6 مع ان السفاره كانت في عطله يوم 27 و 28 يعني لو حسبت المده تطلع 6 ايام عمل
وحاول تروح الساعه 8 لانهم يبدون مع ان الاعمل الرسمي كاتبين من 9 - 12
المهم انا يوم رحت اقدم الجواز ما كان فيه الا واحد قبلي بس لما رحت اخذه لقيت الصاله مليانه معقبين كل واحد معاه يجي 15 جواز

الله يفرجها عليك....................وش تقول عن اللي ساكن في جده..............والسفاره بالرياض......والواحد يخاف يطلعها من سفاره ثانيه غير بلد الوصول:112:

لا
لا تقول
أنا عطيت جوازتي واوراقي وقشي كله مثلك مزبط وقالي المعقب ان السفارة رفضت لأن شركة التأمين اللي جبنا منها غير معترف فيها المهم غيرنا ودفعنا فلوس لهم طبعا هو مكتب الصرح مقابل يطلعون لنا تأمين .. الله يستر عسى ما يشوتونا :-(
يا ا ا تعاسه سفري في 7 جولاي :-(