الله يعوض عليكم
وفي انترلاكن وجريندوالد تقدر تروح لاغلب الاماكن السياحية بالقطار
وهذا تقرير لعميدنا ابو عزيز وفيه طريقة الوصول للاماكن السياحية بالقطار
https://artravelers.com/p/re/108099
والافضل لكم تاخذون بطاقة سويس باس
وبها بتكون تنقلاتكم في سويسرا مجانا وفيها خصومات 50 بالمية للصعود بالتلفريكات وركوب القطارات الجبلية
السويس واليوريل باس - تقرير وشرح مفصل https://artravelers.com/p/re/62167

الله يكون بعونك ولعل الله كفاك شر السياره عطني الاعمار نشوف لك كم تكلفة التذاكر وبصراحه اشوف الميزانيه صعبه شوي ولكن فيه حل ممكن تشوف احد يقص لك التذاكر وانت تطبعها من الفندق اللي راح تسكن فيه عطنا الاعمار نشوف لك الاسعار
بكره متى وصولك الى فرانكفورت ؟؟
هناك رحلات من المطار الى بادن بادن مدتها ساعه ونصف مع تبديل واحد في Mannheim سعر التذكره للبالغ 35 يورو

تبي نصيحتي كنسل فندق بادن بادن واحجز ليله في فرايبورق قريب من المحطه لان الوصول الى فرايبورغ من مطار فرانكفورت مباشر بدون تبديل كما انها هناك رحلات منها الى انترلاكن مباشره بدون تبديل

من بادن بادن الى قريندوايلد رحلة بعد بكره الساعه 11:26 صباحا للكبير سعرها 60 يورو وتستغرق 4:13 دقيقه ومن فرايبورغ رحلة الساعه11:01 تستغرق 3:38 دقيقه مع تبديل واحد في انترلاكن وسعرها 39 يوروانا اعطيتك افضل الرحلات من ناحية التوقيت والتبديلات والسعر وربما يتغير السعر

وايضا اثناء العوده من قريندوالد اسكن في فرايبورغ لان منطقة روست صعب التنقل فيها بالقطار واليورب بارك يقفل بدري
من فرايبورغ تطلع لليورب بارك 42 دقيقه قطار ثم باص
ومن فرايبورغ الى بادن بادن 43 دقيقه قطار مباشر بدون تبديل
ومن فرايبورغ الى مطار فرانكفورت ساعتين بقطار مباشر بدون تبديل
من قريندوالد الى فرايبورغ 3:19 مع تبديل واحد فقط في انترلاكن وافضل رحله هي رحلة الساعه 9:19 دقيقه وراح توصل بدري بأذن الله وبعد التشكن ان تقوم بزيارة بادن بادن واليوم الثاني تخصصه لليورب براك
اما رحلة القطار من قريندوالد الى روست فهي معقده بعض الشيء حيث تستغرق تقريبا 4:45 دقيقه مع 3 تبديلات وانت معك عفش الله يكون بعونك
ومن روست الى مطار فرانكفورت افضل رحله تستغرق ساعتين ونصف مع تبديلين
مثل ما قلت لك اذا تقدر تغير حجوزات الفنادق الى فرايبورغ فندق قريب من المحطه يكون افضل
والامر سهل ان شاء الله اي واحد يحجز لك ويرسل الفوتشرات على ايميلك
تحياتي

السلام عليكم
رحم الله والديكم يا جماعة
طبعا لم اشاهد الردود الا الآن لأن النت منقطع وتوني واصل بادن بادن
طبعا الفنادق غير مستردة فما اقدر اكنسلها
انا وصاحبي حاليا لدينا مجتمعين تقريبا 1200 يورو و 1500 فرنك وان شاء الله تكفي وجربنا بطاقته الصراف شغالة وسيتم تحويل 1000 يورو إضافي من الوطن
أخذت تذكرتين من مطار فرانفورت الى بادن ب 96 يورو ومن بادن الى غريندلوايد تذكرتين 118 يورو
وان شاء الله تكفي
الماستر والفيزا الحمد لله وقفتهم قبل ما يتم استخدامهم وبطائق السحب الله يعوضنا نطلع غيرهم بس نرجع

طبعا بعد المشكلة في سويسرا راح اكتفي بصعود قمة واحدة في غريندلوايد وباقي الوقت فقط التنزه فيها وفي انترلاكن وشراء شوكولاته سويسرية وهدايا بسيطة فأعتقد الفرنكات بتكفي وإلا يبقى منها أحوله يورو

الحمد لله على سلامتك وبما انكم شباب الامور بسيطه ان شاء الله
لكن افضل شيء في سويسرا خذ لك السويس باس
وراح تكون جميع تنقلاتكم ببلاش وخصم 50% على القمم والتلفريك والزحليقات وعروض اخرى منها دخول المتاحف مجاننا
قيمته لمدة 4 ايام 245 فرنك للشخص الكبير
واللي عمره اقل من 26 يكلف 204 فرنك
وراح تكون تنقلاتكم مجانيه باصات قطارات بوراخر وخصم 50% على القمم وغيرها
استمتعوا بالاربعة ايام واقلبوها هجوله
واذا انت ما بعد قصيت تذكره الرجوع الى روست راح تحصل خصم كبير بسبب السويس باس
ربما تاخذها بخصم يصل الى 90% لانك راح تطلع الين باسل مجاناا