حياكم الله
ارسل ايميل للفندق.

شكرا ً اخوي موادع على سرعة الاستجابة .
اتصلت على الفندق وقال انه ما يقدر يعمل اي شي لانه حجزي عن طريق بوكنج !!
اتصلت على بوكنج ووجدتهم جدا ً غير متعاونين معاي واسلوبهم سيء . قال انه راح يحسب علي مبلغ اضافي قدره 1000 باوند لتغيير معلومات الدفع !!!!!!!!
انا مادري شنو ذنبي !! كل اللي حصل انه الفيزا انسرقت ليش يحسب علي مبلغ اضافي !!
انا احترت فعلا ً . فكرت اني اطنش الحجز كون ان الفيزا بالاساس ملغية وما يقدرون يسحبون مني اي مبلغ . واحجز من جديد . لكن اللي بتآكد منه هل الحجز القديم راح ينلغي تلقائيا في هالحالة ؟؟
مو مشكلة الحجز الجديد اخليه باسم صاحبي عشان اذا رحنا الفندق لا يشوفون اسمي ويطالبوني بمبلغ الالغاء

أخي الفاضل مدام أنت حجزت الفندق تمت العمليه بنجاح خلاص الفيزا اسحبت المبلغ انت كنسلت الفيزا بعد العمليه بيومين
الافضل ادخل على موقع بوكنج والغي الفندقين
وهذا الرابط في كل شئ من البداية الشرح إلي النهايه الغاء الحجز
https://artravelers.com/p/re/230102

بوعبدالله يا انا مو فاهمك او انت موفاهمني :d
اللي صار معاي اني حجزت الفندقين لكن المبلغ ما انسحب من الفيزا نهائيا . بعد يومين قلت ابي اتآكد انسحب المبلغ او لا من فيزتي . دخلت على سجل المعاملات للفيزا . اكتشفت انه المبلغ ما انسحب من الفنادق ومازال موجود بالفيزا وبنفس الوقت اكتشفت اني تعرضت لعمليتين سرقة قبل اسبوع من فيزتي " بالصدفة " وانا ما كنت ادري عنها . من باب الحذر اتصلت على البنك على طول والغيت الفيزا لاني تعرضت لسرقة مبلغ من الفيزا وانا ما لاحظت هالشي قبل اسبوع وانا متآكد انه هالموقع ما تعاملت معاه " اللي سرق مني " . طبعا ً الغيت الفيزا لاني خفت انه هالموقع اللي باق مني قبل اسبوع يسرق مبلغ الفنادق اللي انا حاطه بالفيزا قبل يومين وهو 800 دينار .
عالعموم بعد ما الغيت الفيزا بلغني البنك انه مبلغ الفنادق زجعوه لحسابي وهو 800 دينار . يمعنى انه الفنادق ما سحبت اي شي من المبلغ . وصار اللي صار
وبالنسبة لكلامك بالغاء الفندقين للاسف ما اقدر الغيهم لاني حاجزهم من غير الغاء وانا الحين متوهق ومحتار .

الفندق ما سحب شي
يعني الفندق ماخذ رقم الفيزا للتاكيد بس
خلاص حجزك مأكد و لا في اي مشكله مالهم شغل بالفيزا .. لما توصل تدفع باي بطاقه ثانيه او كاش او اللي تبي
خذو رقم الفيزا فقط في حاله انك ما رحت او طنشتهم يسحبون منها الغرامه اللي عليك
تطمن ماكو شي الا اذا الفندق او بوكينق راسلوك يبون شي

أضمن حل
كنسل الحجز وأحجز من جديد
اذا الحجز عن طريق booking ، الفندق مايحق له يسحب اي فلس قبل يوم التشك ان فوضعك بالسليم الا اذا الحجز غير مسترد ماعندي أي خلفيه
ونصيحه لك طلع لك فيزا اللي تشحن (كل بنك يسميها بأسم الراجحي يسمونها بطاقة تسوق والأهلي يسمونها بطاقة الانترنت ) يعني ماترتبط بحسابك الجاري ولا فيها أي فلس
كل مابغيت تحجز عن طريق النت أستخدمها
وعند التشك ان عادي تقدر تسدد كاش أو بفيزا ثانيه (مافيه ولافندق ألزمني أدفع بنفس الفيزا)

كل اللي يردون ما يقرون كامل الشرح :d
الريال وضح :
1- الفندق ما سحب و لا فلس من الفيزا
2- الحجز غير قابل للالغاء
اضافه لكلامي فوق .. لو الفندق حاول يسحب الفلوس و ما قدر لاي سبب .. راح يراسلك دايركت او عن طريق بوكينق و يعطيك مهله 48-72 ساعه عشان ترد عليهم و تعطيهم رقم فيزا يديد عشان يسحبون منه .. صارت معاي اكثر من مره قبل و عن طريق بوكينق بعد .. يعني لا تحاتي حجزك ما ينلغي مني و الدرب
او يخلونك لين توصل بالسلامه عندهم و تدفع باي طريقه مثل ما قتلك فوق

aLKuwaitia http://artravelers.com/c/657270" target="_blank">
لول بالضبط . يعطيهم العافية كل اللي ردوا لكن اتمنى يقرون المشكلة عدل لانهم فاهمين غلط للاسف .
ما قصرتي اختي والله وايد وايد ريحتيني . يعني خلاص ما احاتي اودي معاي ورقة الحجز واعتمد ؟ اهم اهناك ما يطلبون الفيزا اللي حجزت منها ؟ لاني قطيتها :d
انا خايف اروح اهناك ويقولون لي ما عندك غرفة توكل :d
+
قلت احطلك شنو كاتبين في ورقة تآكيد الحجز اللي دزولي ياها يمكن يفيدكم . انا ما فهمتها عدل
Your Payment Details
You have guaranteed your booking by credit card. Booking.com will never charge your card.
'Standard Double Room - Non Refundable' : Payment will be taken by your hotel.
The hotel will normally charge your card within 1-2 days. In some cases the hotel may pre-authorize your card or wait to take payment at the hotel – in both cases, your booking is still guaranteed.
'Standard Double Room - Non Refundable' : Payment will be taken by your hotel.
The hotel will normally charge your card within 1-2 days. In some cases the hotel may pre-authorize your card or wait to take payment at the hotel – in both cases, your booking is still guaranteed

اخوي معنى الحجز انه حجزك مؤكد والمبلغ غير مسترد يعني راح يخصمون المبلغ سواء كنسلت الحجز او ما كسلت والفندق راح يخصم المبلغ من الفيزا بيومين قبل موعد الحجز فمعناه ان الفندق ما راح يقدر يخصم المبلغ لا الفيزا تكنسلت. ولكن أخذ في اعتبارك ان الفيزا راح تكون مفتوحه لمده 45 يوم من تاريخ الإلغاء وأي مبلغ مؤكد راح يخصم من حساب الفيزا الجديدة فعندك حلين اولا تشيك مع البنك وتقول لهم السالفة وهم راح يفيدونك اذا راح يتخاصم المبلغ من الفيزا الجديدة او لا اذا راح يخصمون المبلغ خليك على حجزك الحل الثاني اذا البنك قالك ما راح يقدرون يخصمون المبلغ من الفيزا الجديدة الغي الحجز واحجز من جديد. طبعا قبل يومين من موعد الحجز راح يسلك الفندق او بوكنج رساله يؤكدون الحجز او يقولون ما نقدر نسحب المبلغ من الفيزا اعطنا رقم فيزا ثانيه