ناس تقولي خليك بسويسرا وتكفي
وناس تقول لازم تزور المانيا والنمسا
للعلم انا مابي متاحف و آثار والسوالف هذي مليت الحين ابي مناظر طبيعيه حتي الموت
والميزانيه بحددها علي كلامكم يعني اللي بتقولولي اخذه باخذه (بايعها بالقرض :)
سياره ولا قطار مع العلم اني حبيت السياره والgbs
اخي العزيز نواف-90 السلام عليكم ورحمة الله وبركاته
كل عام وأنتم بخير ، من وجهة نظري جمع الدولتين مناسب اذا كانت الرحلة تستغرق وقتاً كافياً لقضاء عدة ايام في كل مدينة مثلاً حدود 18 ليلة او اكثر الى 25 ليلة حتى لاتتعب من التنقلات
وليتك ذكرت مدة اقامتك ..
وعلى كل بافتراض اقامتك في النمسا فالتركيز على اقليم سالزبورغ هو الامثل ( سالزبورغ -St. Wolfgang سانت وولف غانغ - St. Gilgenسانت جلجن - Mondsee موندسي -Zell am see زيلامسي -Saalbach سالباخ - Saalfeldenسالفلدين -تاكسنباخ hallstatt - taxenbach هالستات - سيفيلد seefeld - ومن سيفيلد الى Garmisch Parnenkirchenقارمش ( 40 دقيقة باي وسيلة مواصلات ) ويمكن تروح لميونيخ
ممكن تختصر الرحلة بما يلي \
فيينا - ثم - زيلامسي وتقيم فيها وتزور القرى المجاورة لها
ثم اقامة سالزبورغ ومنها زيارة سانت وولف غانق وزيارة سانت جلجن وموندسي ثم الى ثم الى قارمش من سالزبورغ وبعدها ميونيخ كنهاية للرحلة \

اخي اخر الفرسان
السلام عليكم
وعيدك مبارك وكل عام وانت بخير (باقه فيها كل المعايدات )
شكرا لك لقراءة رسالتي والرد عليها واذا سمحت لي باضافة كم استفسار ما لقيت لها رد في رسالتك
اذا افترضنا اني خليت الاقامه في النمسا (مع التنقل فيها طبعا ) تعتقد انها احلي من سويسرا ؟
يعني اسماء المناطق اللي انت حطيتها في رسالتك راح تكون احلي من مناطق سويسرا انترلاكن وغيرها ؟
لاني بناء علي الصور للمشاركين راسي عورني يعني حبيت المنطقه بس اني استبعد المسافه بين زلمسي مثلا وانترلاكن --- متشتت بين كل اللي شفته
ادري ان الاسئله ان دلت فانها تدل علي واحد مشفوح يبي يشوف كل شي بس لان هذا الصج
يعني ابي رايك للاسئله التاليه لاني والله اثق برايك اكثر مما تتصور خصوصها بعد ما اقرأ رسايل الاخوه اللي راحو هناك بناء علي ارشاداتك
1-النمسا ولا سويسرا او نص هنيه ونص هنيه ؟
2-اتنقل بالقطار ولا السياره مع حبيب القلب الgbs؟
3-كم بتكلف علي الفنادق المتوسطة الفخامه لاربع اشخاص (انا وزوجتي واولاد صغار 2 ) المده من 15-20 يوم ؟
4- كم احتاج كمصرف (تقريبا ) بدون السكن وايجار السياره اذا فيه ايجار وبدون التسوق يعني مأكل + مشرب ومنتزهات وتذاكر العاب ؟
يعني مثلا اذا بتعبك وياي
من الآخر _ شرايك تقترح علي مخطط للرحله كل منطقه وكم يوم فيها بس تكون من ضمنها انترلاكن تري حدي متعلق فيها ( كله من الصور )
صدقني بدعيلك لين اخليك تحس انه فيه واحد يدعيلك صج
اعتقد اني مصختها
بس لاني عشمي فيك كبير وشكرا جزيلا لسعة بالك مع العليميه امثالي