حمد الله على السلامة اخوي مشروع سندباد ..
مشالله عليك زرت فنادق جديدة علينا او بمعنى اصح نادرا احد يجربها .. ومااشوف احد تكلم عنها في مواضيعه ..
عموما نبي تفاصيل اكثر عن الرحلة وصور اكثر .. وبالنسبة لكيفية تصغير الصور .. فذلك يتم عن طريق عدة برامج من بينها برنامج مستعرض الصور ( ACD see ) او برنامج الفوتوشوب الشهير ( photoshope)
واحنا بانتظار البقية لا تطول علينا ..

هذه وصلة برنامج لتصغير الصور
http://users.pandora.be/david.de.groot/progs/PIXresizer.zip
ونانتضر الصور ^_^

1. * *

عدنا

• * *

الاخت حور الامارات الله يسلمك ان شاء الله .......
الاخ اماراتي مشكور وما قصرت برنامج ولا اروع من جد مريح وسهل جدا ...........
وكل عام وانتم بخير ورمضان كريم على الجميع :50055:
:smile001:

• * *

نكمل معكم بقية الصور .....
صورة اخرى لفندق المفرق

وصوره لفندق المرفأ

• * *

طبعا للناس اللي بيسافرون عن طريق البر من المنطقه الشرقيه ......
من مفرق الهفوف ( الدمام ) الى الاحساء 99 كلم
من الاحساء الى سلوى 100 كلم
من سلوى الى البطحاء 80 كلم
من البطحاء الى ابو ظبي ( المفرق ) 261 كلم
والخط مريح جدا من البطحاء الى ابو ظبي ودبي سريع ومشجر ويوجد العديد من المحطات والاستراحات .

• * *

اليوم الاول يوم الاربعاء كان في فندق المفرق من بكره بعد الظهر قررنا الذهاب الى الشارقه ....
فاصل بسيط !!!
طبعا حجزت شقه بالشارقه عن طريق التلفون غرفتين وصاله شقق صدف على طريق الميناء وتلفونهم هو
1شقه حلوه قديمه بعض الشيء لكن فيها اهتمام كبير من اصحاب الشقق وموفرين كل شي بالشقه الليله ب 430 درهم جلسنا فيها يومين الخميس والجمعه ......
قبل كذا اتصلت على مكتب سياحي في دبي لاخذ شقه غرفتين قالولي ب 800 درهم وقام يقول ان اجارات الشقق في دبي غاليه لكن الشقه نظيفه وتستاهل صرفت النظر وقررت السكن بالشارقه فيما بعد ....
وعلى العموم فيه موقع ممتاز فيه تقريبا كل الشقق والفنادق اللي بالشارقه استفدت منه كثير على الرابط
http://www.sharjah-welcome.com/index_ar.php
طبعا اتصلت على الكثير من الشقق من خلال هالموقع وبدون معرفه سابقه بالشقق وقع النصيب والاختيار على شقق صدف والكثير من الشقق اللي اتصلت عليهم كانت فل .............
والحمدلله نوعا ما توفقنا بالشقه وموقعها كان حلو وقريب من الخدمات وعلى العموم أي واحد يبي يعرف عن الشارقه يحصله بهالموقع من الالف اللين الياء .

* *

يوم الخميس بعد الظهر مشينا اللين مدخل دبي فيه مكتب سياحي واضح وكبير فيه مجسم للدميه مدهش وقفنا عنده وسألناهم عن الاماكن السياحيه وخريطة لدبي وما قصر الموظف اعطانا خريطة لدبي باللغه العربيه استفدنا منها كثير ( الخريطه ياحرمه ) وكل الاماكن السياحيه من حدائق ومنتزهات وفعاليات طبعا الفعاليه كانت العوده للمدارس :icon_stud
ومسكنا شارع الشيخ زايد من اوله اللين وصلنا الشارقه زحمه شوي بس مع الشوفه وناطحات السحاب والمباني الحلوه بدبي نستنا الزحمه وصلنا الشقق بعد العصر تغدينا من مطعم صدف مطعم ايراني مشهور في الامارات ملاصق للشقق اللين المغرب وخلينا جولة الشارقه بالنهار احسن اليوم الثاني وذهبنا الى مول الامارات عشان الحديقه الثلجيه :11ld:
دخلنا المول وهالني ما رأيت !!! :36_1_25:
مهرجان بالفعل وزحمه غير طبيعيه وكان فيه مسرح للطفل داخل المول وفيه فرق شعبيه وبالسعودي دعثه
حاولنا الدخول للحديقه بصراحه ما قدرنا من الزحمه ونسينا ان يوم الخميس يوم عطله والعالم فوللي بس برضوه الزحمه وشوفة الناس حلوه وجنه من غير ناس ما تنداس
اخذنا فره على المول واخذنا العيال على ماجيك لاند اللي بالدور الاخير والعبو اللين تعبو وبعدها تعشينا ودخلنا سينما فلم كارز وفلم بصراحه روعه البزارين نامو من التعب داخل طلعنا حوالي الساعه الواحده صباحا ورجعنا للشقه
تمصعت نخليكم مع بعض الصور من مدينة دبي :
مقتطفات من الحلقه المقبله
:36_9_4:
ومغامرات اليوم الثالث ( حديقة الطفل - وندر لاند - حديقة الممزر )
اليوم الرابع ( السكن في فندق ارابيان كورت يارد ببر دبي - والحديقه الثلجيه - الحديقه المائيه )
اليوم الخامس ( رحلة السفاري - جوله حره على الاسوق مشي )

• * *

المتحف من شرفة الفندق ارابيان كورت يارد

ونشوفكم على خير وعلى فكره الصور عن طريق الجوال نوعه نوكيا ان ثمنين والمره الجايه راح انزل بس الصور اللي بجوالي كلها وفي حلقه ثانيه راح انزل الصور اللي بجوال المعزبه وتستاهلون

مشكور اخي على التقرير المصور الجميل

ماقصرت اخوي ومشكور على هذا التقرير الجميل
يعطيك العافيه
بإنتظار باقي الصور
تحياتي

شكرا لك على الموضوع ومتابعين ^_^
ونصحك بزيارة مرسا دبي ومدينة جميره وحديقة زعبيل ومركز ابن بطوطه

عدنا
الظاهر السنمبوسه ثقلت علينا شوي :11_horror ( ايه هين ;) )

• * *

الاخ انا والوطن العفو طال عمرك ويسلموو على تشريفك لنا في موضوعي المتواضع ....
Hot Chocolate العفو ويسلموو على الرد وابشر بسعدك ..........
Emirates مستحيل الواحد يلف دبي باسبوع بس الجايات ان شاء الله مركز ابن بطوطه كان مسك الختام ..

• * *

صوره اخرى لفندق المرفأ وتظهر الحديقه وبحر الخليج العربي ونصيحه للعرسان ياخذون فيه لانه من جد رايق وهادئ جدا اخ راحت علينا مع هالبزارين تنسى حاجه اسمها رومانسيه :36_11_10:

• * *

صوره لحديقة الطفل حديقه ترفيهيه تعليميه حلوه للاطفال الذهينين اللي يحبو يستفيدو اما عيالنا الله يخلف
على بالهم ملاهي تعبت عمري وانا جالس اشرحلهم وفي الاخير طلعو ما عندك أحد

• * *

وصوره اخرى لمدخل الحديقه ......

• * *

وصوره لفندق ارابيان كورت يارد بدبي من داخل الغرفه ......

• * *

وصوره من داخل الحديقه الثلجيه بمول الامارات .....

• * *

صوره لرحلة سفاري ............

• * *

وصوره لمركز ابن بطوطه ساحة الاندلس ........

• * *

التفاصيل لاحقا

1. اليوم الثالث


2. اليوم الرابع


3. صحيح غاليه بس الفندق يستاهل .............


4. اليوم الخامس

اليوم الثالث

أخذنا جوله بالسياره لمدينة الشارقه وخبري فيها المنطقه اللي فيها بحيرة خالد بس قبل عشر سنوات تغيرت علي كثير الشارقه وصارت مدينه عصريه بمبانيها العاليه وشوراعها ومولاتها وعشان ضيق الوقت اكتفينا بجولة السياره وبس وان شاء الله المرات الجايه .............
بعد الجوله توجهنا لمدينة الطفل وكانت جوله حلوه عليها رسوم رمزيه للدخول بسيطه وبعدها توجهنا الى وندر لاند بجنبهم على طول واخ على هالمدينه من جد شكلها تحتظر فيها العاب ومطاعم بس ماش مغبره وشكلها قديمه وتحتاج الى اعادة نظر في رسومها والعماله اللي فيها العيال اكيد استانسو عشان الالعاب بس انا ما اعجبتني بصراحه .................
وبعد هالجوله توجهنا الى حديقة الممزر قريبه من الشارقه على الحدود ودخلنا برسوم على السياره وجلسنا على الشاطئ وتسبحو البزارين وكان الجو في الليل حلو والمكان فيه مسابح بس كانت مليانه وما قدرنا ندخل وفيها شاليهات برسوم تقريبا خمس شاليهات وفيها منطقة العاب وكورنيش رملي للسباحه والمكان هادئ وحلو .............

اليوم الرابع

قررت السكن بدبي وتجربة حياة الفنادق المريحه ذهبت لفندق كورال اروينتال ديره وسط البلد وقالولي الغرفه ب350 درهم بس مشكلتها كان فيه حفريات وزحمه حيل حول الفندق صرفت النظر وقررت السكن بفندق ارابيان كورت يارد فور ستار بالصدفه حصلته وانا الف وادور ببر دبي اعجبني شكله ويوم دخلت وشفت الاستقبال ارتحت لهم واخذت غرفتين ليومين الغرفه ب 390 درهم + 390 = 780 الليله

صحيح غاليه بس الفندق يستاهل .............

بعد ما استقرينا بالفندق قلنا نروح للمول عشان الحديقه الثلجيه وانا نفسي اروح للحديقه المائيه بس من كثر ما سمعت انها ما تصلح للعوائل الخليجيه قررت اوديهم للحديقه الثلجيه مع المدام وانا اروح للملاهي المائيه بصراحه اللي يروح دبي ولا يروح للملاهي المائيه ما راح دبي واشوى اني ما اخذت البزارين والا كان علوم
طبعا الجوالات قربت المسافات بعد ما خلصو من الحديقه اتصلو علي وجيتهم وسئلتهم وبصراحه كانت تجربه لهم حلوه مره من كلامهم والصور اللي اخذوها تعشينا بالمول وشفنا فلم ورجعنا للفندق ....

اليوم الخامس

كان فيه مكتب لرحلة سفاري اسمه ديسرت وسالت الموظف قالي الرحلة الساعه اربعه العصر اللين تسعه بالليل تجي سياره لاند كروزر للفندق وفيه نقطة تجمع لجميع الشركات عند محطه واعطاني التفاصيل وحبيت اجرب هالمغامره مع البزارين لانهم ما عمرهم جربو التطعيس .............
وصل السائق وكان يماني اسمه ابو صقر سواق بحق وحقيقه واكثر من ساعه ونص وحنا نطاعس بهالبران واشوى ان ما تغدينا الا خفايف والا كان رحنا فيها :icon_puke
وصلنا والعيال ركبوهم جمل ونقشت البنت حنا وجلسنا للبوفيه المفتوح مشويات ومقبلات ودقينا في هالنعمه والرحله كلهم اجانب وصرنا علامات تعجب وش جاب هاذولا ؟؟؟ ( تجربه حلوه ):upset:
فيه فقره اخيره اسمها الرقص الشرقي بعد العشاء كان عندي خبر فيها وقلت للسواق بعد العشاء نبي نروح قال مافيه مشكله تعشينا وضربنا الباب وصلنا الفندق العيال تعبانين من هالرحله وانا متعود على التطعيس مع الشله باقي فيني شده قررت نزلتهم بالفندق واخذت قارب بدرهم مع ابو هناد اللين ديرة دبي وكانت تجربه حلوه لفيت ديرة دبي كلها مشي:097: واكثر من ساعتين وفي الرجعه اخذت تاكسي ورجعت للفندق .....
مقتطفات من اليوم السادس
( مركز ابن بطوطه -الذهاب الى ابو ظبي والسكن بشقق رامي الفندقيه - مول ابو ظبي )

مشكور وماقصرت وكل عام وانت والبزارين والمعزبه بخير