nosa09
أختي ممكن تحددين تاريخ السفر ومطار الوصول ومطار العودة والمدة اللي بتجلسوها وعدد المسافرين وهل في أطفال أو لأ.
علشان يقدرون الأعضاء يساعدونك بالشكل الصحيح.
أطيب تحياتي
أبو ضي

لا تحتاجين تخطيط ولا حاجه
شوفي الرابط اللي في توقيعي للمبدع رجل شرقي واطبعيه وامورك كلها في السليم

ان شاءالله سفرتنا يوم الاثنين القادم بتاريخ 25/7/1432ه
جزنا نقطة الوصول ميونيخ وراح نجلس بها يومين في فندق هوليدي ان سنتر ..
من ثم بنروح الى سالزبورغ ونجلس فيها 5 ايام في فندق كروان بلازا ..
بقى يومين ماندري وين نقضيها
مشكلتي منيب عارفه وين الاماكن المناسبه .. او من وين ابدا ..

Nosa09
هلا أختي هدي أعصابك الموضوع بسيط ومايحتاج. بالاضافة الاى رابط العضو رجل شرقي. ادخلي على هالرابط https://artravelers.com/p/re/551808
وبتلقين فيه أهم الأماكن بميونخ، سالزبورج وزيلامسي وفيينا. اللي فهمته ان العودة من ميونخ.
لكن عندي استفسار ليش جالسين بسالزبورج 5 أيام واستبعدتوا زيلامسي.
على أي حال ممكن تخلي اخر يومين بزيلامسي. وهي حوالي ساعتين من ميونخ والمطار.
أطيب تحياتي
أبو ضي

exciter
هلا اخوي .. طيب حلو عرفنا الاماكن كيف نوصل لها .. ؟!
ترا هذي اول زياره لي ومااعرف التعامل كيف ..
ب ميونيخ حبيت قرية قارمش كيف ممكن نوصل لها ؟!
وكذلك بقيت الاماكن في سالزبورغ كيف نوصل لها ؟!
وبالنسبه لسالزبورغ ليه جالسين فيها 5 ايام والله الوالد يبي كذا على اساس ان نروح زيلامس في نفس اليوم ونرجع .. ولا تحس انه تعب ..

ايه نسيت اهم شي الاسواق في ميونيخ ؟! وش اسماها ؟؟! وش ااقرب شي للفندق ؟!

Nosa09
هلا أختي
بالنسبة للتسوق في ميونخ الموضوع بسيط. عندك مارين بلاتز شارع مشاة كله محلات ومراكز بتتعبين يبيله يومين على الأقل والأبرز فيه من وجهة نظري للعائلة هو محل C&A. بالنسبة للماركات العالمية في شارع اسمه ماكسيميليان.
وعندك قرية التخفيضات بشمال ميونخ اسمها Inglostadt village
القرية فيها الكثير من الأسماء العالمية المحترمة وفيها تخفيضات ممتازة قد تصل الى أكثر من 50%.
أطيب تحياتي
أبو ضي