كل الاسماء غير موجودة
15-09-2022 - 11:51 am
السلام عليكم ورحمة الله
انا اول مرة اشارك في المنتدي الجميل دة
بس انا متبعاكم بقالي فترة طويلة جدا
وانتو اللي حببتوني في ماليزيا وخلتوني احجز شهر العسل ان شاء الله في نوفمبر
رحلتي ان شاء الله علي الخطوط العمانية
القاهرة - مسقط - كوالا
1يوم
انا مش عارفة انظم الجدول خالص
في الاول قولت
سيلانجور 3 ليالي
لنكاوي 4 ليالي
كوالا 4 ليالي
وبعد كدة شوفت تقرير عن كاميرون هايلاندز عجبتني اوي
فا قررت الجدول يكون
سيلانجور ليلتين
كاميرون ليلتين
لنكاوي 3 ليالي
كوالا 4 ليالي
علما بأني مش عايزة بينانج خالص
بتفكرني بمدينة في مصر اسمها مرسي مطروح مكونتش بحب اروحها ابدا
المهم اني شايلة بينانج من حساباتي خالص
بس المشكلة في اخر جدول دة ان التنقلات من كاميرون للنكاوي صعبة جدا
والرحلة كدة بقت مرهقة اوي
وفي نفس الوقت نفسي اروح مكان بارد ومرتفع زي مرتفعات كاميرون
حد عنده اي اقتراح لتعديل الجدول
تفتكرو ممكن اشيل الكاميرون واروح بدالها جنتينج
وهل جينتنج تغني عن كاميرون وللا لا؟
ارجوكم ساعدوني انا تايهة جدا ولسة محجزتش الفنادق ولا الطيران الداخلي
وشكرا جدا ليكم
تم الحذف بواسطة ( وافي )