هلا أختي الكريمة ...
أسأل الله لك التوفيق ... ورحلة سعيدة بأذن الله
كل أخوانكِ هنا ماراح يقصرون بأذن الله ... ونخدمكم بكل مانستطيع
لكن أنتي كاتبة ( الذهاب 2 أكتوبر ... والعودة 28 أكتوبر ) ....
سؤالي :
هل المدة 26 يوم ... لأنها مدة طويلة بصراحة
أو أنك أخطأتي في التاريخ ... أرجو الرد

هلا اخوي وافي ايوا موعد الرحله صح من 2 الى 28 بس تفاجئت انها سته وعشرين يوم نقدر نغير تاريخ العوده لاني احس الوقت طويل والميزانيه ماتسمح زوجي دفع للتذاكر خلاص اقدر اغير موعد العوده

اسفه اخوي الرحله من 2 الى 23 اكتوبر وليس 28 توي تاكدت المعذره عدد الايام 21 يوم ارجو مساعدتي بالجدول واسماء فنادق اقتصاديه ونظيفه

ماشاء الله مسافره على نفس اليوم اللي بنسافر عليه
انتو على اي خطوط ...؟

أهلا أختي ...
كنت عارف أنو فيه خطأ في التواريخ ... لأن ( 26 يوم ) كثيرة بصراحة
وأرشح لك هالبرنامج لمدة ( 21 يوم )
يومين سلانجور ( فندق إمباير )
أربعة أيام لنكاوي ( فندق الهوليدي فيلا )
أربعة أيام بينانغ ( فندق الفلامنجو )
يومين الكاميرون ( فندق الدي لافرانس )
يومين جنتنغ ( فندق الفيرست وورلد )
سبعة أيام كوالا ( ثلاثة أيام فندق فيوراما + أربعة أيام فندق دورسيت ريجنسي )
ملاحظة مهمة :
لو تنقصين المدة يكون أفضل وأسهل وأرخص ... خليها مثلا ( 15 يوم )

الله يسعدك اخوي وافي كيف انقص المده خلاص تم الحجز اقدر اغير موعد العوده حتى لو تم الحجز انا حاجزه على الخطوط السعوديه

انا سكنت في بينانق الهوليدي ان
جميل جدا و سعره كويس
احنا اخذنا غرفتين وحده مطلة عالبحر و وحدة عالسوق الليلي
اللي على السوق الليلي كانت رائعه جدا تنفع لكم بما ان عندكم اطفال ..
حمستيني اجمع صور الفندق و انزلهم ، و بجيب الرابط هنا اذا خلصت :*
اما جنتنق كانت الغلطة الوحيدة بسفرتنا حجزنا فيها يومين
صراحة ما تستاهل ينجلس فيها يومين احس حدها يوم تروحين لها من كوالالمبور
كان تعامل الفندق سيء جدا و ابدا ما ارتحنا فيه اول يوم جلسنا بالاوتيل ماطلعنا الا شوي
وبكوالالمبور كنا ساكنين بفندق التايم سكوير و سعره كويس وبوسط سوق ..
تروحين و ترجعين بالسلامة يارب

الله يسلمك يانور بسوي بحث عن الفنادق الي ذكرتوها الله يسهل يارب

هلا أختي ( لانا )
والله الأفضل تنقصون من الأيام لأنها كثيرة ... خلوها ( 15 يوم ) صافية ... أفضل فترة بصراحة
أتصلي على الخطوط أو زوروا مكتبهم ... وحاولوا تغيرين رحلة العودة ليوم ( 17 أو 18 )