وش دعوه ولارد
حطمتوني نفسيا

يا أخ خيال
لو بحثت في البوابة لوجدت كل ما تريد و لكن لا تستعجل الردود

الخيال العربي
الشاليهات في الكويت كثيرة ومتعددة ولكنها بعيدة عن المدينة
المنتجعات القريبة عندك منتجع شيك في المسيلة او فندق النخيل في البدع والاثنين زينين
اما الشاليهات البعيدة عندك شاليهات كمبنسكي ومنتجع هيلتون المنقف ومنتزه الخيران (وماعتقد تلقى فيه حجز خصوصا هالايام)، سفير الجون
الاماكن اللي ننصحك فيها المركز العلمي، الابراج، حديقة الشعب، المدينة الترفيهية، مجمع المارينا وسوق شرق و ذ أفنيو مع انه جديد ومافتح منه الا ايكيا
و ارجوك حقق وعدك ونبي دعوه لي ولعلاوي

أم علاوي
شكرا

الخيال العربي
وعليكم السلام ورحمه الله وبركاته
المسافه تقريبا 800 كيلو اذا خذت طريق الرياض الدمام الخفجي وهو الامسب والامن اما خط النعيريه فهو خطر وكله بعارين
اذا تقصد بالتصريح هو الوكاله فهو كافي ولا تحتاج للتربتك ولا الرخصه الدوليه
في شاليهات في المنطقه الجنوبيه من الكويت لكن الجو بارد هاليومين ماتقدر تتسبح اذا كنت ناوي للبحر وفي عندك منتزه الخيران شاليهات راقيه لكن زحمه
اذا وصلت الكويت تقدر تتصل في البداله ويعطونك ارقام شاليهات كثيره
الاماكن كثيره وياليت ترجع للبوابه وتشوف شنو اللي يناسبك
وحياك الله بين اهلك واخوانك

هلا اخوي الخيال العربي
حياكم الله بالكويت
انا قريت من فتره بالجريده ان التربتك ضروري لدخول السياره للكويت والخروج منها للكويتيين وللخليجيين
الاماكن اللي انصحك تروح لها :
مارينا مول - سوق شرق - الكوت - المهلب - سوق المباركيه (يفضل زيارته بليل) - المركز العلمي - المدينه الترفيهيه - حديقة الشعب
وبالنسبه للشاليهات اتوقع اتحصل شاليه في منتجع الهلتون بالمنقف واهوا قريب من الكوت وكويت ماجيك
وبالنسبه للجدول الرحلات :
اول يوم بمجمعات السالميه والمركز العلمي (مارينا مول - الفنار وكل المجمعات اللي بشارع سالم المبارك )
ثاني يوم تقدرون تروحون فيه المدينه الترفيهيه او حديقة الشعب ولما تخلصون تروحون سوق المباركيه
ثالث يوم تقضونه بالكوت وكويت ماجيك لقربهم من بعض
رابع يوم سوق شرق وابراج الكويت
انشالله تقضون وقت حلو بالكويت

1/ كم المسافة من الرياض للكويت كم وساعة ؟
كل الطرق تؤدي الى الجون
مساء الخير
بامكانك اخذ طريق الرياض الدمام الخفجي اكويت زي ما قال الاخوان
ويمكنك اخذ الطريق الى النعيرية عن طريق عريعرة او جودة والطريق غير مزدوج الى ان تصل طريق الدمام الكويت راح تمر على عدة قرى ومحافظات والمسافة تقريبا 750 كلم
الطريق الاخر (اخلي مسئوليتي لو اضعت الطريق) الرياض رماح شوية قرية طريق القاعدة طريق الدمام الكويت والمسافة 600 كلم تقريبا
الطريق الاخر الرياض المجمعة الارطاوية ام الجماجم حفر الباطن الرقعي والمسافة لا ادري كم
2/ ماهو الطريق المؤدي للكويت أنا سمعت أنه طريق (( النعيرية ) وهل هناك محطات على
هذا الخط وكم اتجاه واحد ولا أثنين ؟
الطريق غير مزدوج والمحطات موجودة
3
/ أنا بروح على سيارة الوالد وراح أخذ تصريح للسماح لي بأخذ سيارة الوالد ما أدري هل هناك أوراق
أخرى مثل التربتك والرخصة الدولية لازم أخذها معي ؟
كفاية وما راح تحتاج التربتك ولا الرخصة والتامين الزامي من المنفذ الكويتي
باقي الاسئلة اجابتها عن الاخوة الكويتيين