ابوزيد المطيري
15-02-2022 - 01:50 pm
السلام عليكم
انا مسافر بتاريخ 2452011 على القطريه ان شاءالله
الوصول لفيينا والعوده من ميونخ.....
والجدول:
3 ايام في فيينا...
6 ايام في زلمسي....
3 ايام في ميونخ.....
طبعا انتم ماقصرتم بتقاريركم والصور الجميله اتشجعون الواحد انه يقيم على طول بزلمسي
فخليتها اكثر الايام فيها انا وام زيد بدون الاطفال
فحترت بتأجير السياره لتنقل بفيينا وزلمسي وأكثر الاخوان ماينصحون بتاجير السياره في فيينا ويقولون وانت طالع من فيينا اخذ السياره وروح لزلمسي؟؟؟؟؟؟؟؟
الحين انا محتار واول مره اروح النمسا وابيكم تفيدوني تنصحوني بتاجير السياره او لا ؟؟؟؟؟ بالنسبه الليسن يطلبون ليسن دولي؟؟؟
وهل القطارات بتنقل من فيينا وزلمسي لميونخ افضل من السياره؟؟؟؟
وبالنسبه للرحلات بزلمسي الباصات افضل او التكاسي؟؟؟
اتمنى انكم تفيدوني بخبرتكم ..... وادري اني طولت عليكم ...
وابي الاماكن السياحيه في فيينا وزلمسي وميوونخ لوسمحتم ....
اتمنى من الاخوان والخوات انهم يفيدوني في رحلتي..
وشكرا
وريح نفسك ترى الدعوه سهالات مره
اسمع طال عمرك
انت اذا وصلت فيينا استخدم الاندقراوند واذا بغيت تروح لزيلامسي خذا القطار من فيينا لسالزبورغ ثم على قرية فريلاسنق الالمانيه خذ تاكسي من محطة سالزبروغ وماهي بعيده عشر او ربع ساعه ثم خذ السياره منها ورجعها في ميونخ عشان يكون الاستلام والتسليم في نفس الدوله وميونخ ماتحتاج سياره نفس فيينا استخدم الاندرقراوند
في زيلامسي لا تفوتك السياره راح تستمع بالطبيعه والامكان الساحره وترى السياره هي المتعه
بالنسبه للمواقع السياحيه شوف المواضيع المثبته وتقارير الاعضاء راح تلاقي جميع المواقع والاحداثيات اللي تبيها واللي ماتبيها
اتمنى لك رحله سعيده ميسره هادئه
وإن شاء الله تروح وترجع بالسلامه
وننتظر تقريرك