بسم الله الرحمن الرحيم
كيف حالكم يالغالين وحشتونا جينا من جاكرتا ومن زمان مادخلنا وبصراحه قلت لازم اخطط لسفره حلوه ومرتبه مع الاهل لسويسرا في شهر ديسمبر 14 الى 30 يوافق 4 الى 18 الحج
وعندي كم استفسارالله يطولي عماركم وهي كالتالي
رحلتي من الرياض بتكون على طيران جديد تابع لشركه انترفال اسمه طمسكوك الى مطار زيورخ لاكن موقع السكن بيكون في مورشاس تبعد عن مطار زيورخ 75 كيلو اسمه سويس هوليدي بارك وانا اقصد برحلتي هذه جنيف .
1- كم تبعد مورشاس عن جنيف
2- وكم تبعد جنيف عن زيورخ
بالنسبه للتنقلات في وسط مدينه جنيف اي وسيله افضل للتنقل ارجوا افادتي بالاسعار علما باننا 11 شخص
ولوحبيت اني اطلع عن انترفال واحجز سكن خاص على حسابي اش ارخص سكن ويكون مناسب للعائله
والتنقل داخل المدينه اش الافضل بالنسبه للمواصلات 11 شخص
فيزه سويسرا هل بالامكان ان احصل عليها بالساهل او في تعقيد وكم سعرها وكم اقل مده لها
بالنسبه للمطاعم اش المطاعم اللي اقصدها ويكون اكلها حلال واسعارها مناسبه
اجار السيارات العائليه من وين آخذ وكيف الاسعار وش احسن ماركه سياره اختار
بالنسبه لدخول التواليت كرمكم الله كم اسعار الدخول في اماكن الترفيه والمراكز العاديه لان اعرف ان في بعض الدول ماتدخل التواليت الابسعر رمزي
ماهي افضل الاماكن السياحيه
كيف نظام الدوله هناك هل هو استقراطي ام متصلب في احكامه
المراكز والاماكن الترفيهيه متى موعد الافتتاح والاغلاق
بالنسبه لهايدي لاند كم تكلفه الرحله للبالغين والصغار وكيف بتكون في الشتاء
من وين آخذ كرت المميزات اسمه سويس فملي باس
شريحه الجوال من وين احصل عليها وماهي افضل شركه اتصالات
اللغه في جنيف وشي وفي زيورخ ومورشاس
ماهي الاسواق الرخيصه والمراكز ابغا عناوينها يالرجاجيل معانا حريمن واجد
كيف نظره اهل البلد بالنسبه للحجاب ووشو اللون اللي مايحبونه ومايلبسونه
مصانع الشوكولاته من وين آخذ تذاكر الرحلات لها وكم اسعارها ومصانع الجبنه
لمن آخذ معاي شوكولاته وجبنه وادخلها السعوديه هل تسمح السعوديه لها بالدخول ولافيها مختبرات وهرجن واجد
البحيره في الشتاء كيف بتكون وهل هي بتكون ثلج ولالا واقدر اركب الجت سكي ولالا
كم اسعار اليخوت لوباخذ لفه انا والفروب تعرفون عيله وكلنا كثيرين
مورشاس هل فيها اماكن للسياحه لان المنتجع هناك
معاي جدتي ومي راضيه تلبس لبس ثاني غير العبايه وش اسوي هل بيستنكرون لبسها ولاعادي
ارجو تزويدي باوقات الصلاه في جنيف وزيورخ ومورشاس
متى اصرف العملات بالضبط من وين من السعوديه ولامن المطار ولامن محلات الصرافه اللي فالبلد
اش العمله الشائع استخدامها يورو _ فرنك _ دولار
هل عادي آخذ دولارات واستعملهاهناك ولامايقبلونها
كم سعر الصرف من الريال الى اليور _ الفرنك
بالنسبه للاب توب سمعت ان ايرلندا ماتسمح بدخوله الى بعد ماتفتش محتوياته هل سويسرا كذالك ولا لا
كيف تعامل الشرطه السويسريه مع العرب خصوصا السعوديين في المطار وخارج المطار
هل انترفال يعتمد عليهم في الحجز والسفر ولالا لان حجزولي على طيران جديد مشترك معاهم ( طمسكوك ) وخايف لان عمري ماسمعت عنه ولاجربت خدماتهم الى الان وخايف اتورط لو اني لحالي معليش لاكن تعرفون مع الاهل صعبه
القولدن كارد التابعه لانتر فال تخدم في التنقلات ولالا
شفت صور لابو فروه وعجبني بصراحه شكله مغري جدا وين اماكن تواجده الطبيعيه والمحلات اللي تبيعه
الساعات رخيص ولا غاليه ابوي مجنون ساعات افيدوني الله يخليكم
اي معلومه ثانيه افيدوني الله يخليكم وآسف طولت عليكم .علما بان جميع الاسئله تشمل جنيف زيورخ مورشاس