sultan_1998
05-09-2022 - 11:12 pm
رحلتي بإذن الله على طيران الخليج تاريخ 20 / 7 والمدة 14 يوم
وهذي اول مرة اروح لتايلند وحاولت احصل انسان فاضي يخاويني ولا لقيت احد مستعد يسافر لهالديرة فقررت اصير صديق نفسي هالمرة
حسب مابحثت بهالمنتدى الرائع لقيت بتايا مناسبة لي
والسؤال الاول لحظة وصولي مطار بانكوك من وين احجز الفندق من المكاتب اللي برا ولا بعد مااوصل بالتاكسي افرفر على الفنادق؟ لاني بصراحة مامعي ماستر كارد احجز من هنا
وما اسم منطقة العرب في بتايا ( يعني وش اقول للتاكسي ) ؟
وهل فيه فندق معين اهم شي النظافة وبنفس منطقة العرب والامان ترشحونه لي ؟
والملابس اي شي ولا لازم لبس معين ينفع لان اغلب شرق اسيا ماودك تكشخ فيها
والعزبة اقدر اجيب قهوة وتمر ؟ والافطار عندهم يستاهل ولا اجيب عدتي ؟
وبالنسبة لشرائح الاتصال من وين اشتريها وهل فيه شركة معينة تنصحوني فيها ؟
وهل المجال واسع هناك للتعارف بين الخليجيين لاني بصراحة اخاف تطقني الوحشة اول مرة اروح لهالبلد بعد معذور
واذا فيه احد معي على نفس الرحلة فرصة نتعرف عليه
وآسف جدا على الاطالة ،،
sultan_1998
وهذي اول مرة اروح لتايلند وحاولت احصل انسان فاضي يخاويني ولا لقيت احد مستعد يسافر لهالديرة فقررت اصير صديق نفسي هالمرة
عادي اخي العزيز .. انا في اخر رحله كنت صديق نفسي والامور طيبه
حسب مابحثت بهالمنتدى الرائع لقيت بتايا مناسبة لي
اهيا مناسبه لكن بما انك اول مره والمده 14 يوم كلها بتقضيها في بتايا حرام ... ف اقتراح مني اذا تخليها
6 ايام بوكيت
4 ايام بتايا
4 ايام بانكوك
والسؤال الاول لحظة وصولي مطار بانكوك من وين احجز الفندق من المكاتب اللي برا ولا بعد مااوصل بالتاكسي افرفر على الفنادق؟ لاني بصراحة مامعي ماستر كارد احجز من هناوالله انا نفسك ماعندي ماستر كارد ولا فيزا .. اول ما اوصل مطار بانكوك او بوكيت مثلا على طول اخذ تكسي سواء من داخل المطار او من خارج المطار واقوله اسم الفندق الي مختاره من قبل لا اسافر ولمات اوصل الفندق واعمل الجيك ان .. لكن في كل تحركاتك رتب روحك على اوقات الطيران والجيك ان والجيك اوت بحيث ما تنتظر طول او تتاخر والخيار الثاني تقدر تروح لمكتب سياحيه في بلدتك او حتى في بانكوك او بوكيت في مكاتب سياحيه داخل وخارج المطار .. وهذي اتركها للاعضاء يفيديونك ..
وما اسم منطقة العرب في بتايا ( يعني وش اقول للتاكسي ) ؟
بتايا اتركها للاعضاء وهل فيه فندق معين اهم شي النظافة وبنفس منطقة العرب والامان ترشحونه لي ؟
بتايا اتركها للاعضاء والملابس اي شي ولا لازم لبس معين ينفع لان اغلب شرق اسيا ماودك تكشخ فيها
والعزبة اقدر اجيب قهوة وتمر ؟ والافطار عندهم يستاهل ولا اجيب عدتي ؟
بالنسبه للملابس تكون خفيفه مثل فانيلات رياضيه او عاديه وشورتات وبرمودات .. الا اذا بتخلي بدله او بدلتين للمطار وبالنسبه للتمر والقهوه في ناس يودون معاهم كميه بسيطه او حتى هديه لصاحب الفندق اذا خلاص بترجع الديره .. اما عن الافطار فأغلب الفنادق فيها مع الافطار وبالنسبة لشرائح الاتصال من وين اشتريها وهل فيه شركة معينة تنصحوني فيها ؟وهل المجال واسع هناك للتعارف بين الخليجيين لاني بصراحة اخاف تطقني الوحشة اول مرة اروح لهالبلد بعد معذور
بالنسبه لشريحة الاتصال الافضل هي 12call .. تقدر تشتريها من السوبر ماركت بالمطار اول ما توصل او حتى من خارج المطار قول حق التاكسي اقرب سوبر ماركت ومعروفه بأسم (( سفن اليفن - 711 )) ... بالنسبه للتعارف دامك ناوي تروح مناطق العرب بتحس ان مش مسافر ههه
واذا فيه احد معي على نفس الرحلة فرصة نتعرف عليه
وآسف جدا على الاطالة ،،
حاضرين ... وشوف على شنو تقرر وان شاء الله ما راح نقصر معاك وايضاً انتظر خبراء بتايا يعطونك النصايح الحلوه ..
ورحله موفقه