اخوي ماجد ... تبي نصيحتي .. خذ لك فره علي مواضيع المنتدي وخصوصا المواضيع المثبته ... وحاول تسوي برنامج الرحله (الاماكن + الفنادق ) ... هذه كانت الطريقه الي اتبعتها انا في اول سفره لي الي تايلند والحمد لله كانت ممتازه ... الاجابه علي اسئلتك تعتمد علي الكثير من الاشياء مثل هل انت مسافر وحداني , عائلي ولا شبابي ؟؟ اي نوع من الفنادق تفضل ؟؟ 3 ,4 , او 5 نجوم ؟؟ .... الميزانيه ..بحدود كم ؟؟ ...

شكرا اخوي
faisalooh وفعلا لي اسبوع افر في المنتدي ودخت من كثرة المواضيع واحد يمدح وواحد يسب ....
ويعني جمعة معلومات لاباس فيها لاكن ودي اسئل هل يوجد شقق (يعني الواحد ياخذ معه عدة طبخ والا لا) واحنا رحلتنا شبابيه وتقريبا احنا ثلاثه......وتقريبا الميزانية بالنسبه لي 2000 $ هل هي كافيه(15 يوم) .....
وودي اسئل هل اقدر احصل علي ذبايح مذبوحه ذبح اسلامي ؟

اخوي ماجد ... مدام رحلتكم شبابيه اجل اموركم ان شاء الله سهله ولا تحاتي ... خذ اول نصيحه ... وهي اهم نصيحه ..... ان تتقي الله في كل ما تعمل ... واذا كانت سفرتكم وناسه وفرفشه ما فيها خراب .. فاتمني من كل قلبي ان الله يوفقكم ... اما غير جذي ... فالله يعينكم ... لان هالديره فيها الخراب وايد (حق اللي يبيه ) ..ز ونسال الله العافيه ....
حبيبي ... نصيحتي لك .. احجز لك من ديرتك في اي فندق لمدة ليلتين بس ... واول ما توصل الفندق (او حتي في المطار) تقدرون ترتبون باقي رحلتكم علي كيفكم ... تري امور حجز الرحلات والفنادق تلقاها في الفندق والبقاله والمصبغه وحتي سواق التاكسي يقدر يرتب لكم رحلات ... بس هالله الله بالمكاسر .. لا يقصون عليكم .. حتي لو وروكم البروشور للرحلات وعليه الاسعار .. قول لهم انك حصلته ارخص .. تري راح ينزلون في السعر .... هذه نصيحتي لك وتراها ببلاش مو بفلوس ... وارجع اذكرك باول نصيحه ... اتق الله ولا تنسون الصلاة .. واي شيء انا حاضر ...

شكرا اخوي faisalooh وشكرا علي النصيحه واحنا انشاء مو قاصدين الديره عشان الخراب كلنا متزوجين وورانا عوايل وبالعكس لو بغينا الخراب كان رحنا لديره غير تايلند لاكن المقصد من سفرنا السياحه, الجو ,الطبيعه ,المعامله الحسنه .......
لاكن ما عطيتنا اسم فندق تنصحنا فيه ولا جوابتني علي سؤالي هل يوجد شقق ؟!