الكنج300
24-11-2022 - 03:31 am
السلام عليكم
كيف حالكم يا أعضاء هذا المنتدى المميز إن شاء الله بخير
اول شي اتشرف اني اكون عضو في هذا المنتدى ألي لو بكتب صفحات ما راح اوفيه حقه
انا متزوج جديد (طازج) وقررت اروح شهر العسل ل استراليا وبتكون رحلتي في نصف شهر July
رحلتي بتكون 3 ايام في سدني والسكن بيكون في الفورسيزون بعدين يومين في ملبورن والسكن في فندق خمس نجوم و تسع ايام في
جولد كوست والسكن بيكون برضو في فندق خمس نجوم في البراديز بيتش (الفنادق الي بسكنها كلها في الستي سنتر )
انا استفدت من مواضيع الاعضاء بس المشكله انو كل واحد يكتب لك شي
انا ابي مساعدتكم في تنظيم جدول يومي لكل المناطق يعني كل منطقه بروح لها وين اروح اول يوم وثاني يوم وهكذا
وابي اعرف كيف وسيلة النقل المفضله لما اروح اماكن معينه و وشو المطاعم الزينه
تكفون ابي مساعدتكم يا اهل الخبره وما راح انسى معروفكم هذا
مع اطيب تحيه
افضل طريقه وارخص لتنقل هي الباصات وفي كل محطه بتلقى جدول يوضح الساعه كم يمر الباص ومتجه الى اي منطقه..
بالنسبه لرحلات لاتشل همها اهم شي اول ماتوصل تسأل عن اماكن الكوشكات وتكون عندها بروشورات عن جميع الرحلات ماعليك الا تختار وتدفع وهم يجون يشلونك من الفندق.
بالنسبه اللاكل فالسيرفس برادايس بتلقاه على امتداد الشارع بتلقى الهندي والايطالي والكباب والفلافل على فكره معضمها حلال بس احسن تسألهم..
وسمحلنا على القصور