اخي الخواطر تحيه طيبه عند بحثي في المنتدى وجدتك لو تكمل مسار الرحله فقط تكلمت عن سدني بختصار
ولو تعبناك شوي ياليت تكمل وتخبرنا وين رحت في قولد كوست وماذا زرت فيها وملبورن ؟ لأنك مجرب
بس لاتطول السفر بعد كم يوم

وعليكم السلام ورحمة الله وبركاتة
هلاو الله اخوي / ابو اسامة....واعتذر عن التاخر بالرد... وكذا نريد من الاخوة والاخوات الذين ذهبوا هذه السنة ...ان يتجاوبوا هنا ويردوا على التساؤلات قدر الاماكان....
ابواسامه
وتقبل خالص التحيات,,,,
ونحن في الخدمة
اخوك
ابولمى

شكر لك اخوي تجاوبك الله يسلمك ولكن لم تخبرني هل المناظر في قولد بشكل عام غير جيده يعني في الااسواق والمنتزهات؟ او على البحر فقط
ماهي مدن الترفيه التي زرتها ؟
وارجو من البقيه الرد لمن لديه إفاده وشكرا

وعليكم السلام ورحمة الله وبركاته
حياك الله اخوي ابو اسامه واعذرني على التأخر بالإجابة نظرا لرداءة خدمة النت عندي هالايام ..
ولا شكر على واجب أخي الفاضل اعضائنا وتستاهلون ..
بالنسبة لقولد كوست انا ما رحت للشواطىء بشكل مباشر خصوصا بالنهار لانه الامر معروف بحر ومصيف اكيد بتشوف هالمناظر , لكن بعيدا عن الشاطىء ما راح تشوفها بشكل واضح ..وكان اغلب تمشينا على الساحل المغرب و بالليل لانه السباحه بالليل ممنوعه و الله اعلم ..
عموما بالنهار اغلب الوقت بتكونون برحلاتكم و ما راح تتواجدون على الشاطىء و يا دوب اذا حصل فتمرون عليه وانتم بالباص او بالتاكسي .
و بالنسبة للسي وورلد ما فيه شي لانها مدينه تحتوي على الحيوانات البحريه وفيها العاب و عروض ..
و الي ما انصحك تروحها هي الويت وورلد( wet world ) لانها مدينة للسباحه و ما فكرنا نروحها بالمره .
اما الاماكن السياحية في قولد كوست فيا ريت تمر على موضوعي الخاص برحلتنا الي استراليا لاني ذكرت الاماكن و اختصرت رحلتنا بشكل عام .
تحياتي ...........

اخي الفاضل ما راح تشوف الا ما يسرك وبالنسبة لموضوع النقاب انا قابلت الصيف هذا اكثر من عائلتين وكانو منقبين والوضع كان جدا عادي........
ولا تشيل هم البحر هالفترة لانها باردة ولا يوجد ناس كثير على البحر......
ولا ازيد عن اخواني الي سبقوني الخواطر والباحثة......انتبه من الذهاب للوت وولد لانها كلها مسابح والعاب مائية..
الله ييسر رحلتكم وانشالله تنبسطون فيها
اخوك
ماجد

يوجد هناك مكتب سياحه عربي وكل موظفينه عرب.....بيخدمونك ويعطونك كل ما تريد

1. وعليكم السلام ورحمة الله وبركاتة

وعليكم السلام ورحمة الله وبركاتة

1-بالنسبه لقولد كوست هل من الافضل للشخص المحافظ ان يبتعد عن منطقة الشاطيء لأننا لن نستفيد منها بسباحه او نحوه كما ان المناظر على البحر معروفه بمعنى اخذ في المناطق التي في الداخل شوي ؟وهل المناظر في كافة المدينه بهذا الشكل؟

• القولد كوست منطقة بحرية واكيد المناظر الغير مرغوب فيها موجودة في كل مكان وكل وقت وكمان لان جوها بحري وخاصتا كل ماقربت من الشواطئ كل ماكانت المناظر اسوا، بس بصراحة السكن على الشوطئ جميل جدا للاستمتاع بمنظر البحر وجوة في الصباح حاول تلاقي سكن باخر ادوار في الفندق يعني المرتفعة ..........

2- ماهي الاماكن المناسبه هناك للشخص المحافظ مع زوجته ؟(اعني قولد كوست)..

• عندك الارياف زورها وكمان حديقة الموفي لاند والسي وورد وزيارة الحيتان والدلافين لاتفوتوكم، وانا انصحك بما انكم ماشاء الله عليكم محافظين انكم تروحون لبريزبين من القولد كوست يعني اجلسو لكم كم يوم في القولد وبعدين روحوا لبريزبين وفيها اماكن سياحية كثيرة وبعيدة عن المناظر الغير مرغوب فيها وزوروا الصن شاين كوست كمان تقدرون تزورونها من القولد كوست ...........وعلى فكرة بريزبين تبعد عن القولد كوست ساعة الاربع بالقطار بصراحة مدينة جدا جدا جدا رائعة لازم تزورونها واهلها طيبين مرة...

3- هل السي ورد مناسبه ؟زوجتي منقبه هل يتناسب مع المكان؟محتار من هذه الناحيه

• لاتخاف ان شاء الله ماتشوف اللي يسوءكم فيها لانها حديقة فيها عروض للحيوانات البحرية من دلافين ودب قطبي وكلب البحر وفيها بعض الالعاب الكهربائية وتلفريك زوروها وقظوا فيها اجمل الاوقات بدون خوف .........

4- هل حجز الفنادق يفرق في السعر من هنا او في استراليا ؟

• واللة ماادري لاكن اجمالا اسعار السكن ماهي غالية معقولة ( كفاية على الواحد سعر التذكرة )..

5-ذكرتم العديد من المطاعم التركيه والهنديه وغيرها عربيه هل تتكرمون بذكر مواقعها لأني تعبت في السنه الماضيه في جنيف وباريس وفينا للبحث عن اكلنا لأن الواحد يمل من مكدانلز وطقتها...

• فية مطاعم عربية كثير في القولد كوست وكمان هندية لاكن مااعرف اسمها بس تلاقيها في منطقة البرادايس واكلها حلال. وكمان مجموعة كباب اكلهم طيب . وماللواحد غنا عن ماكدونالز وبيتزاهت ( بس انتبة لايكون يحطون لحم الخنزير الله يعزكم فية والا يصير فيك شي مايسرك طول حياتك مثل ماصار معاي في البيتزا الله لايحطكم في نفس المواقف اللي طحت فيها مع ذا اللحم ) وفية مكان يبيع برجر اسمة هنقري جاكز مو بعيد عن برجر كينق جربوة جدا لذيذ ............( لاكن مثل ماقال لك الاخ / الخواطر ، مافية احسن من الطبخ في السكنحتى لوكنا تونة او بيض والله يظل افضل من كل الاكل الموجود هناك مشو حالكم ترا والله لو بتعتمدوا على اكلهم راح تملون وتنبط كبودكم ، يارب لك الحمد على النعمة ) بصراحة كرهت الاكل هناك ومرضت بسبتة ماصدقت متى رجعت لاهلي كان اطيح بالاكل طيحة .......

6_ ماهي محلات الوجبات السريعه المعروفه هناك عند الحاجه....

• مثل ماقلت لك كنتاكي ، ماكدونالدز ، بيتزا هت ، هنقري جاكز ، كباب ...........

7-ماذا فعلتم من تسليه لقطع وقت الرحله الطويل ؟ هل من افكار لدي طفل صغير....

• الحل انك تقرا قران لان القراءة تخلي الوقت يمشي بدون ماتحس واذا كنتم من النوع اللي يحب القراءة خذوا معاكم روايات او مجلات تمشون بها الوقت والطفل الرضيع الله يعينكم علية لو تلاقون لكم شي ينومة يكون افضل عشان لا يمل من كثر الجلسة ، والله يكون بعونة وعونكم.......

اذا فية اي استفسار انا ان شاء الله حاضرة ................

يعطيج العافيه إختي طيف وما قصرتي الي جاوبتي على اخونا ابو اسامه بس باحاول أركز على موضوع الأكل
سبق وحطيت بموضوعي الخاص بجولد كوست رقم أحد المسلمين هناك و اسمه (عاصم حلال ) اتصلوا فيه راح يوصل لكم الدجاج واللحم الحلال إذا بتطبخون بالشقه و هذا الخيار الافضل خصوصا الوجبات الرئيسيه لأنه الاكل في الخارج في استراليا بيكون ليس اساسي فالمطاعم الحلال نوعا ما غالية شويه و ايضا اطلبو ا من عاصم لستة بالمطاعم الحلال لأنه هو الي يوصل لهم اللحوم ,,
ومثل ما قالت لك اختي طيف البرادايس و استراليا ككل فيها سلسلة مطاعم كباب ومنتشره بكل مكان و ايضا سلسلة مطاعم علي بابا , و أيضا هناك مطاعم سي فود ( على فكره ارفقت صوره لأحد المطاعم الي تناولنا فيها وجبة سي فود بجولد كوست و موقعه واضح بالبرادايس و اكلهم كان لذيذ والسعر زين ) و في المولات المقابله لهالمطعم بالذات و بالسيرفر برادايس أيضا ستجد مطعم هندي حاط شعار Halal و مكانه أيضا واضح و بارز ( بس غالي شوي ) و بقربه مول آخر شعاره صنم كبير بالداخل والله لو تشوفه ودك تكسره ,, المشكله انه فيه مطعمين حلال مقابلينه واحد منهم كباب kebab , والثاني مطعم نسيت اسمه لكن راعيه بوسني مسلم و تلقاه ايضا حاط شعار حلال ويبيع اكل و حلويات تركيه و عنده سندويشة برجر كبيره بس لذيذه والله ..( و على فكره عاصم حلال هو الي يوصله اللحم ايضا )
و في هالمول راح تجد مكتب سياحي مفتوح اول ما تدخل ممكن تاخذ منهم كتيب للمطاعم و راح تلقي فيه مطعمين حلال على ما اعتقد ..
عموما اغلب الاماكن الترفيهيه في جولد كوست فيها مصلي و مطاعم حلال وراح تلاحظ هالشي بالخريطة الي يعطونك اياها اول ما تدخل ...
تحياتي .........