ارى ان تحجز فندق عن طريق موقع الياهو راح تلقى الفندق اللي يناسبك وبالاسعار المختلفه وسهل الحجز عن طريق موقع الياهو
بالنسبة للعائلة في كاليفورنيا حوالي 600 دولار مع الاكل بالشهر
والعائلة عن طريق جامعتك نسق معهم او شوف منتدى الطلاب السعوديين في الولايات المتحده ادخل فيه وقول ابي عائلة وراح يساعدونك وماراح يقصرون الطلاب اللي عايشين في لونج بيتش وصراحة المدينة رائعة وقريبه من لوس انجلوس من الشمال وسان دييقو في الجنوب كلها ساعة للمدينتين
اتمنى لك التوفيق واي سؤال انا بالخدمة
انا طالب سعودي في تكساس والان في اجازة في سان دييقو كاليفورنيا

alkaabi-7007
و عليكم السلام و رحمة الله و بركاته ،،،،
اخوية الكعبي ، اذا ممكن نعرف انت مبتعث من أي جهة ؟ ... راح أرسلك على الخاص رسالة فيها رقم أحد الشباب الاماراتيين اللى يدرسون هناك و راح يساعدك انشالله فى ايجاد السكن المناسب ...
و لا تشيل هم فنادق و غيره ...

و الله أنا استوالي فلم هندي أول ما ييت أمريكا
شوف يا "بن عمّك"
السكن الجامعي
يكون مشترك مع شخص أجنبي
قد يكون آسيوي ... و الدفع مقدماً
0$ في المتوسط ، يغطي مدة الفترة الدراسية ل 4 أشهر
السكن العائلي
تستطيع أن تنسق مع international students office

• هذا مش اسمه الأكيد -

و هم راح يلبولك الطلب
و إذا كنت رايح لغة في البداية ، فأنصحك باختيار العائلة بعد ترتيب أمورك أول الأيام
السكن الخاص
ك الشقة مثلاً ، فهي غالية في Long Beach
من 1200$ + فأعلى
تستطيع أن تتقاسم الدفع إذا حصلتك صديق من الإمارات
و كل الشباب الإماراتتين بتحصلهم يسكنون مع بعض
2 أو 3 مع بعض
بس هذه إن شاء الله بتكون الخطوة التالية بعد من تتقن الإنجليزي مع العائلة
توجد جمعية الطلاب المسلمين MSA
هذيل أبد ما بيقصرون وياك
حتى بيستقبلونك في المطار و يجهزولك مكان تجلس فيه أول الأيام
و يدلونك على مكان الجامعة و وين تسجل و وين تروح
باكستانيين و عرب و أفغان و هنود
إذا كنت مبتعث من جهة

• الجيش ، الأستثمار ، ADNOC ، التعليم العالي -

ف 1000% بتحصل حد يساعدك في السفارة و يخبر الطلاب الإماراتيين هناك عنك
خاطب الملحق العسكري أو الثقافي و هذا واجبهم
أقل شيء بيعطوك أرقام تلفونات الشباب ، و مخاوي شمّا ما بيقصرون وياك
إذا عندك رقم اتصالات ، شله وياك
بس لازم يكون خط عشان تقدر تتصل
و إذا كانت بطاقة مدفوعة ... سر أقرب مكتب إتصالات و هم بيحولون الخدمة إلى خط GSM
عساس تتصل باللي يستقبلك في المطار ، بعد ما تخلص من ختم الجواز
بس عاد لا أطول سوالف وياه ... لوول
في إستمارة الدخول اللي بتعبيها في الطيارة
لازم تكتب العنوان اللي بتسكن فيه أول ليلة
الفندق اللي بتيلس فيه أو سكن الشباب اللي بيستقبلوك
أو حتى عنوان السفارة إذا بتنزل Washington, DC

أشكركم على المعلومات الأكثر من رائعه وما اخص احد بالذكر كفيتوا ووفيتوا الله لاهانكم جميعا واتمنالكم التوفيج فحياتكم كلها والله يسهل الكم اموركم مثل ما سهلتوا الموضوع علي
(بنت الصقور)
انا مبتعث عن طريق جهاز الاستثمار
ورسالتج ما وصلتني الصراحه وانا في انتظارج اختيه

alkaabi-7007
انشالله راح توصل الرساله عن طريق الادارة قريبا و فيها الرقم ...

بنت الصقور
ازعجتج معاي بس اكتشفت انه ما فيه صندوق وارد
وطلبت كود التفعيل بس لحد الحين ما وصلني

السلام عليكم ...
أول شي الله يوفقك ويحفظك من كل مكروه ..
بالنسبه ل السكن .. أنا أنصحك بسكن العائله في أول 6 شهور وبشده ..
لان العائله راح تعلمك أشياء كثيرة .. وراح تفيدك بأمور أنت غافل عنها ..
الامريكان ميزتهم أنهم يهتمون لكل شي .. يعني حتى الاشياء الصغيره ..
اللي نغفل عنها .. هذا غير أنهم راح يوضحون لك صورة المدينه بشكل أنسب ..
بحيث تعرف السلبيات وتتجنب عنها .. ولما تكتفي منهم رح دور لك سكن يعجبك ..
حاول أنك تسكن مع عائله ولو كلفك ثمن غالي .. !

مشكور يا أخي الكريم (معماري)
والصراحه شجعتني أكثر للسكن فالعائله
والله يوفق الجميع يارب
ياريت حد يخبرني كيف الجو في Long beach هل هوه بارد جدا واللا عادي نفس الإمارات