اذا نزلت ميونخ استأجر سيارة وجب قارمن معك من المملكة..المسافة 184 كيلو من ميونخ لزيلامسي والقيادة عندهم ممتعة بس لازم تجيب معك رخصة دولية (تطلعها من اي مكتب سياحي وتخلص خلال يوم)
وحجزك للسيارة لازم يكون من بطاقة فيزا ويكون اسمك فيها مطابق لاسمك بالرخصة الدولية
والا رح بالقطار بس القطار ماجربته ولا أعرف كيف

كفو اخوي ضب رومانسي
بس شلون اروح للقطار
وهل احصل حجز ع طول
يعني من المطار الى القطار بالتكسي او كيف

و عليكم السلام
خذ فيزا من سفارة المانيا و اول ما توصل ميونخ استاجر سياره و اطلع على زيلامسي احسن لك من القطار انا جربت القطار و جربت السياره و طبعا كل اعضاء المنتدى يفضلون السياره فيها متعه اكثر و توفير للوقت و المصروف بس يا ريت تحدد مدة الاقامه و الوصول و المغادره

عليكم السلام ورحمة الله وبركاته
يا حلم حايل
بس تبي زيلامسي؟؟
والله لو تبي نقبين أو قاع الصير أو التفيهي
أبشر ولا يهمك
أنا توني جاي من أوروبا.. لفيت أغلب الديار هناك
شف وأنا أخوك.. حدد هدفك بشكل واضح ومنطقي
إنت تبي سيارة أو قطار؟
كل الوسيلتين متوفرة وتحت المطار
تمشي ثلاثين خطوة أنا عادها برجولي عد من باب الصالة
واحد، اثنين، ثلاثة،.... خمسطعش، ستطعش،.... ثلاين
أنصحك تستاجر سيارة من يوروب بارك وديزل
وتاخذ معك قارمن خوي المسافر محدث وفيه خرائط أوروبا
اذا انت شاطر في الأيفون وبرامجه تقدر تستغني عن القارمن
عليك في برنامج توم توم ياهو سنع وتبي تنبسط منه
http://www.tomtom.com/en_gb/products/car-navigation/tomtom-navigation-for-iphone-ipad/navigation-app/index.jsp
فيه علامة مرة حلوة يعطيك الطريق إذا هو مقفل أو فيه زحمة
يقول لك حول للطريق الثاني
زيلامسي لا تبطي فيها.. ما تستاهل أكثر من يومين
كحد أقصى.. تراها كبر أم القلبان.. شويرعات حليلة وبحيرة على سنع جابية كبيرة
ونفق وكم مطعم الأرض خضراء وشوارعها الخارجية وسيعة والداخلية ضيقة يدوب تلقى لك موقف
اذا عندك اجازة لمدة 12 يوم، خل كل يومين في ديرة
وزعها من أول مدينة تطب فيها إلى اخر يوم
وسع صدرك.. وانبسط واشبع نوم.. وخذ معك قهوتك وشاهيك وفراش تقعد عليه
ولا تنسى بشتك عن البرد.. ترى وقت اجازتك برد ياصل العظم ويتعداه
ولا تستعجل في بعض الأمور عشان ما تمل
المكان اللي يكفيه ساعتين اجلس فيه أربع ساعات
واللي يحتاج أربع ساعات اجلس فيه يوم كامل
ابسط عمرك.. ترى الحياة زوينتن بالحيل
موفق

هاوية الاسفار
اهلا مشرفتنا شلونتس طال عمرتس
اخيرا ولله الحمد طلعت تأشيرة شنجن بس من قنصلية ايطاليا
وبي انزل بفيينا همن زيلامسي همن ميونخ
وتق ودي اروح بالقطار اراعي للعالم سدي ردي او لأ ؟
اذا لازم سيارة علمونن
وسلامتكم

عمران أحمد
ههه أما قاع الصير والتفيهي ... جن * جن
منين طلعتلي يبواحمد
شف بالله ردي على مشرفتنا
وقلي رايك طال عمرك