mohammed_uae
11-11-2022 - 12:30 am
السلام عليكم ورحمة الله وبركاته
اولا انا عضو جديد وان شاءالله اتواصل معاكم من ارض ااحلام نيوزلاندا واضعكم في قلب نيوزلاندا
بس عندي كم سؤال ارجوا الافاده من اهل الخبره وارجوا انكم ماتردوني
بالمناسبه انا من الامارات ولي الشرف ان انضم في هذا الصرح الرائع
1- طبعا معروف انه نيوزلاندا حاليا عندهم شتاء وانا احب الاماكن اللي فيها ثلوج وين اقرب منطقه للثلوج من كرستشرش؟ وم تبعد عنها ؟
2- وين اقرب منطقه للثلوج في الجزيرة الشماليه (اوكلاند بالتحديد) وكم تبعد عنها ؟
لاني انا بروح على الطيران التايلاندي ان شاء الله اول شي بمر بانكوك وبعدين بروح اوكلاند ومن اوكلاند على كرستشرش
طبعا انا مريت على كذا موضوع والحمد لله استفدت كثير بس باقي هالنقاط اللي فوق مع بعض الاشياء الخفيفه اللي راح اذكرها الحين
وبغيت اعرف ايضا كم سعر الدولار النيوزلاندي حاليا مقارنه بالدرهم الاماراتي ؟
وكم ستكفيني لمده عشره ايام في نيوزلاند؟
للعلم انا يوم اطلع رحله ويومين لا يعني ما احب اتنقل كثير احب اتمشى على رجلي اكثر شي .
لكن اهم شي عندي اعرف مناطق الثلوج وكم المسافه بينها وبين كرستشرش في الجنوبيه وبينها وبين اوكلاند في الشماليه ؟
واريد اقرب نقطه للثلوج؟
ادري اني غثيتكم بها الاسئله بس انا دورت في المواضيع مالقيتلها اجوبه وانا بصراحه ناوي اروح ان شاء الله
واذا الله قدرني ورجعت بالسلامه ان شاء الله راح احط لكم تقرير عن الرحله
اخوكم mohammed_uae
نفس الأستفسار ( اقرب نقطة للتزلج على الجليد ) .. واتمنى أن أجد الأجابة الشافية ...
إن شاء الله إن الأعزاء من المشرفين والأعضاء ما يتأخرون في الإجابة ..
تقبل تحياتي ،،،