التربتك عادتاً ما يطلبونه في الاردن بس سوريا ولبنان مطلوب
وتقدر تطلعه من الرياض او من المنفذ
طبعا المعلومات كلها من اعضاء المنتدى
انا شخصيا عمري ما جربت السفر الى لبنان بالسياره
وطريق السلامه

وعليكم السلام ورحمة الله
أدري ان رأي بيحبطك بس لازم اقوله
اخوي خالد بقولك نصيحه وطبعآ القرار لك
ماانصحك تجي لبنان بالبر لان المسافه مو سهله ومعاملات الحدود بين هالدول مو ميسره
هالكلام اقوله من تجربه
أخوي جا لبنان بالسياره طلع من الحدودالسعوديه الساعه 8 الصبح ولا وصل بيتنا بالرمله البيضا الا الساعه 7ونص بالليل مع انه مواصل من تبوك للبنان وماتوقف لابسوريا ولا الاردن.
وكانت رحلته سيئه وخصوصآ عند الحدود اذا شافو السياره سعوديه , وبالعوده شحن سيارته على البسامي ورجع بالطياره
وعقبها ماينصح احد يسافر لبنان بالسياره. مع العلم انا كثير نصحوه انه مايسافر.
عشان كذا اخوي استشير احد تثق فيه يكون سافر بالسياره قبل تسافر خصوصآ ان معك عيلتك.
وطبعآ القرار يرجع لك سفره سعيده

حسب علمي ان السفر يكون للراحة والأستجمام وليس العذاب ووالله ان السفر بالسيارة وخصوصاً المرور بالعديد من المنافذ انا اعتبره قطعة من عذاب يعني انت الله يعينك معك عائلة وفوق كذا راح تمر بالحدود والمنافذ التالية :
السعوديه خروج
الأردن دخول
الأردن خروج
سوريا دخول
سوريا خروج
لبنان دخول
واحسب كم من الوقت راح تمضيه في الحدود وتعبها واطلع وانزل وتفتيش وكل واحد من حقين الجمارك نفسه بخشمه واكراميات وعساك تسلم....اشتر راحتك اخوي وسافر بالطيارة هذا غير انا قيادة السيارة في لبنان تتطلب تكون مثل مايكل شوماخر بطل الراليات المعروف وأسأل مجرب ولاتسأل طبيب.