وعليكم السلام ورحمة الله وبركاته
من رأيي تروح مكاتب السياحة اللي تتعامل معهم وتسألهم عن اسعار التذاكر إلى ايطاليا على الخطوط السعودية والاتحاد والاماراتية وأي خطوط ثانية و ترجع للنت وتجرب تحجز من المواقع .. وتشوف الانسب لك وتقارن بينهم
حسب اللي اعرفه ان الخطوط اذا صارت تطلع من البحرين مثل خطوط الاتحاد تكون ارخص وبفرق كبير لو بتطلع من السعوديه وهالشي ممكن يناسبكم لانكم بالشرقية و مابينكم وبين البحرين شي
بالنسبة لتوزيع المدن ..
خذ لك لفه انت والمدام على التقارير وشوفو طابع كل مدينة وهل تناسبكم ولا لا
ايطاليا بشهر 10 بيكون جوها حلو ان شاءالله وبيخف عنها الحر
واذا ودك بالنمسا ممكن تخلون رحلتكم من النمسا والعوده من ايطاليا وتزورون الثنتين كلهم
انا ما زرت ايطاليا عشان افيدك من تجربة .. لكن حسب اللي قريته واللي شفته
ممكن رحلتكم تكون ميلانو تزورون منها بحيرة كومو , فيرونا ممكن تزورونها من ميلانو
فينيسا وتزورون منها مجموعة الجزر اللي حوالينها فيه جزيرة Burano طابعها حلو جدا وشفت لها صور في تقرير الاخ انتعاش
https://artravelers.com/p/re/137997
سيرموني وبحيرة جاردا
فلورانس ومنها تزورون بيزا
ريتشوني
روما
رحله موفقه

شكراً عزيزي للرد والنصائح
أعتقد أصعب مافي الأمر هو تنظيم الجدول السياحي
يعني شنو الطريق الإقتصادي الأنسب يبتدي من أي مدينة وينتهي عند أي مدينة
الاخوان أصحاب الخبرة،،،، أحتاج مساعدتكم بهالخصوص
أحتاج معرفة أفضل خط سير للرحلة لإيطاليا
وعدد الأيام المناسبة في كل مدينة...........
التقارير الموجودة بالساحة رائعة بس والله تضيع شوي يعني مالقيت من ينصح بخط سير متكامل

افيدونى ارخص تذاكر طيران من ايطاليا للقاهرة والعكس
ما هى ارخص شركة طيران

السلام عليكم
الأخت taki شكراً للرد والنصيحة
عموماً ياجماعة الخير أنا حجزت مبدئياً على الخطوط التركية لرحلتي لإيطاليا
تفاصيل الحجز كالتالي:
السفر بتاريخ 3 أكتوبر يوم الجمعة الساعة 2:25 بعد منتصف الليل من مطار البحرين
الوصول لمطار أسطنبول عند الساعة 6:40 صباحاً
المغادرة من مطار أسطنبول الساعة 9:05 والوصول ل‍ روما الساعة 10:40 صباحاً (ترانزيت 3 ساعات بأسطنبول)
في تصوري وقت الوصول جداً ممتاز كونه بداية اليوم.....
مادري يا شباب الحجز للفندق مناسب بأي ساعة بالضبط حتى مايحسب كيوم كامل
أقصد كنت مرة مسافر لأحد الدول العربية ووصلت الصباح الساعة 8 للفندق
الفندق حسبها من 8 الصباح لوقت المغادرة 2 الظهر خلاص هذا يوم كامل :112:
بالنسبة للعودة راح تكون بتاريخ 16 أكتوبر يوم الخميس
المغادرة من مطار MXP في ميلان عند الساعة 11:00 صباحاً
الوصول لمطار أسطنبول الساعة 2:45 ظهراً
المغادرة من أسطنبول الساعة 7:40 دقيقة مساءاً (ترانزيت 5 ساعات تقريباً)
الوصول للبحرين الساعة 1:30 بعد منتصف الليل بتاريخ 17 أكتوبر
قيمة التذكرة 2900 ريال
يعني عندي 13 يوم ب‍ 13 ليلة
نقطة الوصول روما والمغادرة من ميلان.
شاهدنا في الموضوع
اتمنى اسمع منكم اختيارات لجدول رحلة مقترح بناءاً للعطيات السابقة.
راح أبتدي بخربشة من عندي بالأول حتى تتحمسون شوي
روما (3يوم) ----> فلورنس + بيزا (2 يوم) ---> فينيسيا (3 يوم) ----> فيرونا (1يوم) ----> ميلان (2 يوم)
أحسه جدول خربوطي عاد يالله شدو حيلكم أبي أكثر من اقتراح لاهنتم حتى أعتمد واحد
واللي راح يتم الإختيار على اقتراحه راح أجيب له شوية من موية فينيسيا يتمقل فيها
كخطوة أولى بودي أقرر وأعتمد خط سير الرحلة وبعدها أشوف الفنادق
والأماكن السياحية في المدن المختارة بعدين
بالمناسبة. شرايكم لو تضمن الجدول زيارة مدينة خارج دولة إيطاليا في النمسا ولا سويسرا مثلاً؟
شنو المدن القريبة المقترحة؟
أو مايسوى الخروج دامها كلها 13 يوم بس
نراكم قريباً

بعطيك عدة برامج اختر الي يناسبك لان ايطاليا كبيره والمدن جميعها تتميز بطابها الخاص لكن بعطيك مدن متنوعه من شيونق وطبيعه وبحر وبحيرات وتاريخ ومتاحف
بداية 3 ايام روما (شبونق ومتاحف واثار )
3 ايام ريتشوني (بحر وكفيات حلوة مفتوحة الى الساعة 2 بالليل )
2 ايام فينيسيا (جزيرة ساحرة)
3 ايام سيرموني (بحيرة والعاب مائية وملاهي وطبيعه )
2 يومين ميلان والعودة
او
يومين روما
3 ايام ريتشوني
يومين فينيسيا
3 ايام زملاسي (النمسا )
3 ايام فينا (النمسا ) ---او او --- ميونخ (المانيا) مع تغير وجهة الرجعه ان كان في الامكان .
معلومة :::::
من زملاسي الى ميونخ بالقطار 3 ساعات تقريبا
من زملاسي الى فينا بالقطار حدود ال5 ساعات
من فينيسيا الى زملاسي اعتقد ولست متاكد انها حدود ال 6 ساعات مع تغير القطار
هذه جدولين شاملة كل شي من طبيعه وبحر وبحيرات وجبال الالب الى الاسواق والحركة ...
تحياتي..........