هتون2010
10-07-2022 - 10:07 pm
مساكم الله بالخير :
اذا تكرمتو يا اهل الكرم والجود تساعدوني
انا انشالله بروح دبي يوم 14_4 وبجلس لين22_4
طبعا عائله عددنا 4 بالغين
طبعا انا خلاص حجزت فندق بس ابي منكم مساعده في ترتيب الرحله
1/نبي نستأجر سياره بس يكون سعرها مناسب يعني الى 70درهم ومن وين ناخذها من مكان غير المطار (يعني اسم المكان)
2/مطاعم اسعارها معقوله
هذه الاماكن اللي ابي اروحها فأذا ممكن احد يرتبها لي
1-الامارات مول(سكي دبي)
2-ابن بطوطه
3-سوق التنين (الصيني)
4-حديقه الممزر
5-حديقه الخور
6-سوق عكاظ وسوق نايف
7-دبي مارينا
8-حديقه وندر لاند او وادي وايلد
طبعا هذه الاماكن اللي ابى ازورها مع انه في اماكن احلى بس اغلبيتها مليانه اجانب وفيها اشياء ماتنفع تنشاف( لنا)وغاليه
اتمنى تترتب واذا ممكن تنكتب الاسعار واذا في اماكن احلى ممكن تنضاف بس تكون اسعارها معقوله والاجانب يكونو فيها قله
هتون عموما" دبي اغلب اماكنها غاليه واغلب اماكنها اجانب لكن يعرفون وحترمون قوانين الامارات في اللبس والعادات واتقاليد
لكن لم ارأ برج دبي والنافوره الراقصه ودبي مول - كلهم في مكان واحد - وهذا المكان مميز لابد تضيفيه للبرنامج
شوفي هذا البرنامج وعدلي عليه
بالنسبه للمطاعم ارخيصه راح اكتبهم لك هنا لاحقا"
شوف هذا البرنامج شامل اغلب تلاماكن ومرتبهم بالقرب
ا- اليوم الاول :
راح يكون بين الاكوادفنتشر(المدينه المائيه) والدلافين- والاكواريم والكوفي شوب والمطاعم اللي فيه
فيه مطعم لبناني - مطعم ومقهي نسيمي علي المسبح جلسته حلوه- فيه مطعم انترناشينول بعد الاكواريم علي اليمين-
الاماكن القريبه من الاتلانتس - جي بي ار- مرسي دبي - مول الامارات - مدينة جميره- برج العرب- نقدر نقول ابن بطوطه مول-
اليوم الثاني :
كذا ممكن تطلع لمدينه جميره بجوار جميره بيتش وتتمشي هناك في مدينه جميره - تتمشي فيها تزور فندق القصر وتتقهوا فيه - تنزل لمقهي الخيمه علي البحر والمسبح الجلسه هناك فى النهار ترد الوح - تزور فندق ميناء سلام - وتتمشي في سوق مدينه جميره- وممكن تتعشاء في المطعم المغربي شو في مافي -او تطلع المساء للجي بي ار وتتعشاء هناك
اليوم الثالث :
اطلع دبي مول - وتغدو هناك - فيه المطعم اللبناني المشهور برج الحمام- بعد الغداء شوف المول ولف فيه لانه كبير مره - تعرف علي المنطقه برج دبي - منطقه كبيره ممكن تزور فندق العنوان وفندق القصر - النافوره الموسيقيه - وسوق البحار -المنطقه المقابله للنافوره الجلسه في الليل ومتابعة النافوره مرره رائعه عندك كوفي ايطالي بجنب وافي جوراميه موقعه حلو والكفي جميل - من البوابه اللي مقابل فندق العنوان (الادرس) طبعا علي برا الي ان تصل برج خليفه كلها كوفي شوب ومطاعم بجلسات خارجيه جلستها في المساء رائعه
من المطاعم هناك - كرم بيروت - وافي جوراميه- كالفورنيا -
سوق البحار فيه مطاعم كثير من اشهرها ميتكو ستيك مطعم جنوب افريقي
عبد الوهاب فرع للي في لبنان في الدور الثاني مطل علي النافوره - دايم مزحوم في الويكاند لابد من حجز -
الفسيتفال سيتي-
من مطاعمه - المطعم البناني المعروف كرم بيروت- بصراحه مطاعمه كثير يبغا لك تلف وتشوف اللي يعجبك
ممكن اذا يقاء عندك وقت تطلع تتعشاء في الخور في احد القوارب اللي تعمل لفه ساعتين مع عشاء
او ممكن تروح لسيتي سنتر
اليوم الخامس
اول ما تصحي اذا افطرت في الاوتيل- وصحصحت - تطلع الامارات مول - عندك خيارات كثيره هناك - ممكن انك اول ما تدخل تتوجه لاحد الكوفي شوب وكلها جيده - بول - كولومبوس- بيلا- فيه مجموعه كبيره من المقاهي هناك اختر اللي يعجبك - بعدها يا طويل العمر ممكن تتوجه لسكاي دبي وتدخل هناك وتتمتع بمشاهدة الحديقه الثلجيه -بعد ما تطلع ممكن تتغدا - وفيه الكثير من المطاعم - توجه للمطاعم اللي بجوار السينما - فيه بافلون هندي - تشيليز - فرايديز- مطعم لبناني - ايراني - شوف اللي يعجبك -
بعد الغدا - اذا انت مانت مكسل ممكن تدخل سينما-
علي العصر ووقت العصر طويل تطلع لفندق جميره بيتش - الجلسه في اللوبي مره حلوه - تجلسون وتتقهون - جلسته ترد الروحبعد كذا ممكن تطلع لمدينه جميره بجوار جميره بيتش وتتمشي هناك في مدينه جميره - تتمشي فيها تزور فندق القصر وتتقهوا فيه - تنزل لمقهي الخيمه علي البحر والمسبح الجلسه هناك فى النهار ترد الوح - تزور فندق ميناء سلام - وتتمشي في سوق مدينه جميره- وممكن تتعشاء في المطعم المغربي شو في مافي -
شوف المقهي الثلجي موجود في تايمز سكوير مركز صغير بجنب الامارات مول - اذا عندك وقت وخاطرك تمره
كذا باذن الله تكون شفت اهم الاماكن واحدث الاماكن - واي استفسار انا حاضر - وبالتوفيق
اليوم السادس :
ممكن في هذا اليوم الصباح تطلعون لحديقة جميره مره حلوه ومرتبه او تزورو حديقة الحيوان في جميره اذا معاكم اطفال - وعلي الضهر تروحو لماركاتو مول وتتغدو في احد المطاعم الايطاليه لان المول ايطالي
اتوقع دبي مول راح تصير لكم اكثر من زياره - فا ممكن تعدلو في الجدول وتجونه اول يوم وممكن تكررونه
برج خليفه اللي يبغا يدخله لابد من حجز مسبق - يعني يوم او يومين قبل علي حسب الزحمه
اتمني اني وفقت في عمل بروجرامناسب لك وتحياتي واتمني رحله سعيده لك
هناك المطاعم في الجي بي ار الممشي :
1- مطعم الكببجي ترا فوق مو علي نفس الشارع بس تشوف لوحته جاي بالمحلات اللي بالدور الثاني
هذا فرع للي بلبنان وانا صراحه ما جربته
2- سراي مطعم حلبي اسعاره معقوله وعنده ورق العنب خطير ومشاويه حليوه جلساته برا وفي الدور الثاني بس عشاء اجلس برا
3- the butcher shop
مطعم ستيكات جلساته حلوه وستيكه احلي اعتقد انه استرالي او جنوب افريقي
4- la dolce vita
مطعم ايطالي مره اكله لذيذ وقعداته حلوه مره
5 - زعتر وزيت لبناني فطاير
6- تشيليز
امريكي معروف عندنا
7- ذا بوردر
مشويات مكسيكيه - للاسف وكيله الناغي ولا له فرع عندنا
فيه paul كافي ومطعم هذا في الصباح فطور وكوفي يا سلام جلسته روعه
حلو بدايه جميله انصح وبقوه المطاعم كثير
عندك وافي جوراميه احجز برا تتعشاء وتستمتع بالنافوره انت وعيالك
لكن تراه غالي
او عبد الوهاب في سوق البحار بس اذا كنت بتصادف جمعه وسبت لازم حجز عندهم جلسات خارجيه تطل علي النافوره
او فرايديز في مول دبي اسعاره معقوله -
اغلب المطاعم هنا غاليه راح اكتب لك فيما بعد اللمطاعم اللي اسعرها معقوله ان شاءالله