مافي أي رد ؟؟؟؟؟؟؟؟؟؟؟؟؟؟؟؟

السفارة النمساوية بالكويت غثيثه أنا شغلي مضبوط وجنوني رحت لهم 4 مرات,,,,,,
المهم انت شنو اللي تبيه اضن فيه مناديب بالدولية يسوون لانه شفت مناديب بالسفارة جايين حق معاملات
اذا تبيني اساعدك من عيوني حاضر

تسلم عيونك يالغالي
اي والله اذا تعرف مندوب يخلصلي الموضوع أكون شاكر لك
وناطر ردك على أحر من الجمر

مندوب ما اعرف صراحه بس فيه مكتب حق العاملين بشركة النفط يسوي لهم اتصلت بواحد من الربع ابي رقم المكتب ما رد على اللي عليك تروح السفارة فيه واحد عربي من بلاد الشام أسأله راح يفيدة
بس شوف ما يطلعون لك الفيزا الا اذا شغلك نظامي ( حجوزات فنادق - تذاكر سفر - تأمين صحي ) غيرها عادي والله من المرة الاولى تحسها صعبه بس لمن تسويها راح تلاقيها عادية وفيه هندي بالوجه هذا مليغ خله يولي فيه واحد عربي ممتاز وانسان خدوم ويعرف يتعامل مع الناس راح يفيدك.
أنتا شنو صعب عليك قولي انا معاك خطوه بخطوه راح افهمك

أنت جم جواز معاك وجم شخص بالغ ....و جم طفل ....وجم المدة اللي بتقعدها بالنمسا .....ومكان الوصول وين.....لازم تعرفها أنك لازم اطول مدة هي الدولة اللي تفيز منها واطول مدة راح تقعد فيها اي دولة انا موجود وبالخدمة طال عمرك وابشر بالفيزة بتخلص بس حاول تتواصل معاي عدل راح اضبطك أنا مثلك لمن شفت الطلبات حاشني احباط شوي يومين خلصت كل طلباتهم

مهندس77 ... سفريات آمار يخلصولك الفيزا وأنت مرتاح روح لهم قبل الزحمة
عنوانهم : حولى - شارع العثمان مقابل مسجد العثمان

أخوي عبيد كل الشكر لك
انا بقعد في النمسا 10 أيام و 5 في ميونخ
فأكيد انة يبون الفيزا من سفارة النمسا
احنا 2 كبار بس
أخوي فاضل مشكور
ويزاك الله خير
وراح أروح لهم ان شاء الله
بس انته متأكد انهم يسوون الفيزا من سفارة النمسا

خلصك الاخ فاضل بالتوفيق

اخواني الفيزا النمساويه صعبة عندكم مثلنا ؟؟
ممكن تخبرونا متطلباتها عندكم لأن بالرياض عندنا السفارة تعقيداات
1- طباعة كشف حساب ولابد يكون رصيد حساب 30 ألف ريال
2- تعريف بالعمل والراتب بالانقليزي
3- تأمين طبي
4- حجوزات الفنادق تكون مرسلة بالفاكس يعني مو بس الفوتشر اللي يعطيك اياه المكتب يبون التأكيد من نفس الفندق يرسل لهم بالفاكس .
5- تذاكر السفر .
تقول كأننا بنشحذ منهم
ممكن تذكر شروطكم هناك ؟