1. https://www.wesli.com/wesli.html

هلا بالحبيب
تامر امر اخوي
سلمك الله اقوى المعاهد غالباً اللي تكون تابعه للجامعات ، وقليل تكون تجاريه بمعنى تكون تابعه لمؤسسه تعليميه مثل els
مشكلة معاهد التابعه للجامعات ان اغلبها مدة الكورس طويله تصل الى اربع شهور ، وهذا ماعتقد يناسبك
في معهد قوي التابع لجامعة ucla ، معهد مشهود له بالكفائه وقوة مناهجه ومستوى مدرسينه العالي ، اغلبهم دراسات عليا
https://www.uclaextension.edu/alc/r/Default.aspx
لكن المدينه غاليه لانها لوس انجلوس ، ومعروفه ولاية كاليفورنيا غاليه وبالطبع لاتستثنى لوس انجلوس من هالامر !!
والغلى في السكن ، لكن انت تقدر تسكن مع روميت يعني شريك في غرفه ويقل عليك السعر ، لكن عموما السكن غالي مقارنه بالولايات الاخرى
ارخص الولايات هي الوسطى مثل اوهايو وانديانا وويسكنسن وتكساس وغيرهم
ولاية ويسكنسن ، مدينة ميدسون ، فيها معهد تجاري مب تابع لجامعه ، لكنه جيد جداً بشهادة اللي درسو فيه ، منهم احد الاخوان معانا في المنتدى ناسي اسمه والله ، ماخبر سمعت انه اشتكى من المعهد

https://www.wesli.com/wesli.html

التسجيل اخوي امره سهل ، تدخل على موقع المعهد ، وتختار apply تلقى طلب ، تمليه وتطبعه وترسل معاه صورة الجواز وضمان مالي من البنك يفيد ان عندك حساب يغطي التكاليف مع شيك مصدق من البنك برسوم المعهد + رسوم ارسال الايتوني i20 ( غالباً الرسوم تكون دولار )
بعدها تسدد السيفيس ، وهذا امره سهل ( دولار )
بس الاول تجيب القبول وامورك طيبه اخوي
تحياتي

مشكور اخوي سترنجر مان على الافاده بس ودي اعرف المعهد الاول اللي في لوس انجلوس كم سعره مع السكن مع عائله لمده 4 شهورجزاك الله خير.

وين الحبايب انا دخلت على المعهد الثاني والصراحه عجبني طريقة تدريسهم وسكنهم وبرنامجهم بالكامل بس ماعرفت ادش على الاسعار ممكن احد يفيدني لو 3 او 4 شهور دراسه مع السكن عند عائله او بالسكن التابع للمعهد .
وجزاكم الله خير

حياك الله اخوي
بالنسبه لمعهد ويسلي تلقى الاسعار وتوقيت الكورسات في على اليسار ، الكلمات اللي اسفل بعض (esl program )
اذا اخترتها بتطلعلك عدة خيارات منها الاسعار وانواع الكورسات وتوقيتها
والسكن بتلقى سعره مع اختيار tuition & fees
تحياتي

ماقصرت الله يجزاك خير

انا انصحك بمعهد els بصراحه سمعته مره حلوه
ومركزهم قي الرياض
وموجود في كل ولايات امريكا
وبالتوفيق

فواز الصخيل
الله يجزاك خير بس وين مركزهم بالرياض وهل يتم التنسيق معهم للدراسه في الخارج

ادخل قوقل وابحث عن معهد els تحصل ارقامهم وتنسق معهم
وفيهم واحد اسمه مهند رجال محترم اكيد بيساعدك
واذا تبي ارقامهم ابشر

يا اخوان ، نصيحه لوجه الله ، اذا انتو تبون تتعلمون اللغه بشكل ممتاز ، ابتعدو عن هالمعهد او اي اف
لان مستواهم متواضع ، وانا اقولكم بناء عن تجربتي وتجربة الاخرين
حرام الواحد يوصل امريكا ويدخل هالمعهد لانه اقل من المستوى المطلوب