بريطانيا ترفضني
06-12-2022 - 04:04 am
السلام عليكم ورحمة الله وبركاتهابي منكم معهد يكون تدريسه حلو ويكون في منطقه حلوه لاني كنت ناوي اروح بريطانيا والسفاره رفضتني وأحسست انها خيره من الله سبحانه وتعالى . فحبيت اسأل عن امريكا اذا ناسبتني راح احول وان شاء الله يوافقون :
ابي معهد يكون تدريسه قوي في منطقه مناسبه ( متوسطة الاسعار ) ومايكون فيه عرب لمدة 3 اشهر . وأيضاً كيف اراسل المعهد و طريقة الدفع .
وجزاكم الله خير
الدراسة في امريكا
هلا بالحبيب
تامر امر اخوي
سلمك الله اقوى المعاهد غالباً اللي تكون تابعه للجامعات ، وقليل تكون تجاريه بمعنى تكون تابعه لمؤسسه تعليميه مثل els
مشكلة معاهد التابعه للجامعات ان اغلبها مدة الكورس طويله تصل الى اربع شهور ، وهذا ماعتقد يناسبك
في معهد قوي التابع لجامعة ucla ، معهد مشهود له بالكفائه وقوة مناهجه ومستوى مدرسينه العالي ، اغلبهم دراسات عليا
https://www.uclaextension.edu/alc/r/Default.aspx
لكن المدينه غاليه لانها لوس انجلوس ، ومعروفه ولاية كاليفورنيا غاليه وبالطبع لاتستثنى لوس انجلوس من هالامر !!
والغلى في السكن ، لكن انت تقدر تسكن مع روميت يعني شريك في غرفه ويقل عليك السعر ، لكن عموما السكن غالي مقارنه بالولايات الاخرى
ارخص الولايات هي الوسطى مثل اوهايو وانديانا وويسكنسن وتكساس وغيرهم
ولاية ويسكنسن ، مدينة ميدسون ، فيها معهد تجاري مب تابع لجامعه ، لكنه جيد جداً بشهادة اللي درسو فيه ، منهم احد الاخوان معانا في المنتدى ناسي اسمه والله ، ماخبر سمعت انه اشتكى من المعهد
https://www.wesli.com/wesli.html
التسجيل اخوي امره سهل ، تدخل على موقع المعهد ، وتختار apply تلقى طلب ، تمليه وتطبعه وترسل معاه صورة الجواز وضمان مالي من البنك يفيد ان عندك حساب يغطي التكاليف مع شيك مصدق من البنك برسوم المعهد + رسوم ارسال الايتوني i20 ( غالباً الرسوم تكون دولار )بعدها تسدد السيفيس ، وهذا امره سهل ( دولار )
بس الاول تجيب القبول وامورك طيبه اخوي
تحياتي