hawad
13-11-2022 - 01:41 am
السلام عليكم ورحمة الله وبركاته
أذهلني منتدى العرب المسافرون منتدى فعال تتعاملون كالاخوان
من شهور وانا اتابعكم ودخلت في راسي اندونيسيا
من كثر ما تمدحونها ويمدحونها اصدقائي قلت لازم اشوفها بأم عيني
حجزت اوكي على تاريخ 3-7-2009 يوم الجمعه الساعه 10 بالليل مدة الرحله عشرين يوم
طبعاً بروح انا وولد خالي يعني 2 فقط
وجهتنا راح تكون ان شاء الله بونشاك على مدى العشرين يوم
بس ابي منكم بعض المساعدات وان شاء الله انكم ما تقصرون
اول شي وش تنصحوني اسكن
مجمع او فله مستقله
اذا مجمع ياليت تعطوني اسماء المجمعات واسعارها
واذا فله مستقله ياليت تعطوني اسماء الفلل واسعارها
والشي الاهم
ياليت او تدرون
تكفون
ابيكم تعطوني رقم سواق يتكلم عربي مضمون يعني مجرب
لان صراحه اهم شي في الديره ان يكون معك سواق على طول وين ما تروح يكون معك ويكون حبوب واخلاق ويكون مضمون
تكفون باقي على رحلتي اسبوعين فقط
وياليت تزودوني برقم سواق وتذكرون لي كم ياخذ على اليوم الواحد يعني كم سعره
وواحد من عيال عمي خوفني يقول لا تروحون وعددكم اثنين روحو اكثر من اثنين
قلت ليش
قال الوضع ما يطمن هناك حراميه اذا عرفو انكم بس اثنين يسرقونكم هههاي ونا مادري من بعد كلمته خفت صراحه
هل الكلام ذا صحيح او بس يبي يخوفني
تحياتي لكم وان شاء الله اني ما طولت عليكم
وان شاء الله بعد ما ارجع ازودكم بصور من كامرا احترافيه عشان نفيد ونستفيد في هاذا المنتدى الشامخ
تحياتي للجميع
واشكرك على الثناء والاطراء لهذه البوابة التي تستحق
اخوي بالنسبة لرحلتكم 20 يوم رائعة
بخصوص الجبل والسكن هناك المجمعات كثيرة والاسعار تتفاوت حسب مساحة الفلة وفخامتها ايضا
لكن الاسعار من 300 ريال وانت طالع المجمعات هي
كوتا بونقا وفلل شكرو وجياكرتا
وتوجد فلل خاصة تكون منعزلة عن المجمعات وهي الافضل ويمكن ان تحصل عليها بمساعدة السائق
يعني تعطيه مبلغ كدهن سير حتى يضبط الامور وحاول تكاسر بالسعر
وبما انكم اثنين الافضل تطلبون من صاحب الفلة او مكتب التأجير تامين خادمة لكم يكون افضل
لتتنظيف والطبخ وغسيل الملابس
وهو افضل من اكل المطاعم لكن احرصوا ان تكون الخادمة امينة ونظيفة ولائقة صحيا
با النسبة للامن البلد امن ولا احد يستطيع السطو ولا السرقة ولكن يجب اخذ الحيطة والحذر وحفظ
الاشياء الثمينة كا النقود والجوازات في مكان امن والحرص عليها