لابد من مرورك على المحلات التى اشتريت منها وتختيم الفواتير بصحبة الجواز وعند ذهابك للمطار مري المكتب ما اعتقد عنده زحمه بس خلى عندك وقت علشان اى ضرف وماياخذ وقت ولابد من ان يكون معك الجواز وكرت صعود الطائره وان شاء الله تسهل امورك وترجعون بالسلامه

مايصير تأخذينها قبل بيوم
هم مايعطونك إياها إلا إذا تأكدوا إنك خلاص خارجة من بريطانيا ومريتي على السيكيورتي
بس قولي لي..إنتي متى رحلتك وأي تيرمينال في هيثرو؟
ليش ماتروحي مرة مبكر أفضل لك
أنا بعد وأنا أنتظر دوري كنت خايفة تطير عني الطيارة خ لكني إلا أبي آخذ فلوسي ههه

انا على التيرمنال 3 عالقطرية وطيارتي بتكون الساعه 9 ونص ياليت اخواني تشيرون علي ايش اسوي

ياختي يالقطرية
اول شئ سلميلي علي الشمال واهلها .........شمال قطر اوكي
ثاني الحل الوحيد انك تروحين بدري وتصفين طابور مع الناس
مالك حل ثاني يالدلوعة .....لانهم يدققون شوية بصراحة .....ولازم تكونين ماخذة الفواتير من المحل يعني قائلة لهم ابي اخذ الضريبة بالمطار
طيارتك تسع ونص روحي بدري 3 او 4 ساعات وخذي فلوسك..........واقعدي تسوقي بهالفلوس في المنطقة الحرة بدون ضرايب
شرايك عشان ماتزعلين مني قتلك خذي الفلوس واحرقيها بالمطار مو احسن
بالتوفيق يالدلوعة .......واتمني تسمعين كلامي وتاخذين قروشك من الانجليز

دلوعة"غلا"روحي
انا كنت في التيرمنال 3 وما كان زحمة مرة
روحي بدري شوي ..شغلهم سريع سريع
الا اذا طحتي بالباكستاني البثر بيقعد يطقها سوالف معك
وترجعين بالسلامة يارب

يفضل قبل السفر بيومين المرور علي المحلات اللى شارين منهم الارغراض مع ابراز اثبات رسمي لك وراح يقولون لك تبون كاش ولا نحولهم برصيدكم
وحاولوا تجون بدري قبل الاقلاع بالمطار علشان تخلصون بدري ويمكن يطلبون يشوفون الارغراض الشارينها

ابو نايف2010 && مجنونة لندن && amore187 && أرياف && alkuwaity
يسلمو على المرور والمساعده