هلا أختي وحياكم الله الأجواء هالأيام معتدلة والأجواء في الخليج حاليا متشابهة بالنسبة للأماكن االي تروحيها كثيرة وممكن تطلعي على البوابة مثل هذا الرابط بيفيدك كثير المواضيع اللي فيه
https://artravelers.com/p/re/241788
وأيضا هالرابط
https://artravelers.com/p/re/325642
وعموما توجد العديد من المجمعات التجارية مثل سيتي سنتر ومركز البهجة وهذه توجد بمنطقة الحيل بالأضافة لمراكز تجارية آخرى بمنطقة القرم التجارية بالأضافة للسوق الشعبي الموجود بمطرح والكورنيش روعة وحياكم الله ببلدكم وبالنسبة للوقت بالطائرة ساعتين ونصف تقريبا

انا طالعه مسقط كم يوم واحتاج مساعدات منك ياريت تردي عليا ياقمر
ترى اول مره حاازوركم وابغى اعرف انا فين مسافره وعند مين
سمعت ان اهلها مره عسولين وطيبين واتعشمت في طيبتك ياقمر..

انا حازوركم شغل لزوجي لمدة ممكن اربعه او خمسه ايام فقط
وحابا اسأل عن الجو وعن اماكن حلوه تنصحيني بزيارتها ياريت تراثيه تغير يعني
وتنصحيني اروح صلاله ولا مايكفي الوقت يادوب مسقط
ومحلات حلوه للتسوق والترفيه يعني قوليلي عن اشياء حلوه زيك ياعسل
وتسلمي ماتقصري يارب
وزوجي حايكون عملو الصبح فانا مره خوافه فكيف الامان هناك مافي خوف في الفنادق؟

الجو يا حبيبتي مثل جوكم ما يفرق كثير ويا ليت تشوفين موضوعي هذا
https://artravelers.com/p/re/325013
طبعا بما انه زوجك بدورة فصعب تخلصوا الاماكن بيوم واحد وممكن تقسموها
وما انصحج تروحين صلالة لأنه مافي وقت (يحتاج لها طيارة) وايضا لأنه موسمها يخلص على اوائل سبتمبر وبالايام الي الجو فيها عادي ما فيه اشياء يونس
المولات الكبيرة: مركز البهجة - سيتي سنتر
المجمعات الصغيرة: العريمي - سابكو - مركز السلام - العصفور بلازا ، وكلها يم بعض تطلعين مني وادشين هني مشي
اما الأسواق الرخيصة هي عبارة عن شارع ومحلات عالصوبين واشهرهم سوق السيب وسوق الخوض
ولا تفوتين سوق مطرح الي بتشوفين موضوعه في الرابط الي عطيتج اياه
وبالنسبة للأمان ضحكتيني، وين انتي بلوس انجلوس؟ ههه لا يا حبيبتي السلطنة اكثر دول الخليج امان والكل يحب يخدم انتي بس اشري

تسلمي ربي يسعدك ماقصرتي ياقمر
سوري مااقصد مافي امان بس انا مره خوافه وكمان مو عارفه فين الشركة حاتحجزلنا فندق
ازا عرفت الفندق اقولك عشان تقوليلي كيف وايش الاشياء القريبه منو والي ممكن اروحها وزوجي في العمل