m03ath
28-02-2022 - 11:10 am
السلام عليكم ورحمة الله
انا طالع كاليفورنيا ان شاء الله بعد العيد
وراح اكون في كاليفورنيا 10 ايام تقريبا
ف احتاج مساعدتكم ب عمل جدول لو سمحتم
من ناحيه هل اقضي ال 10 ايام كلها ب لوس انجلس او اروح كم يوم ل ساندييقو او سان فرانسيسكو ... .
وايش الاماكن اللي نروح لها
مع العلم ان السفره عائليه
ف احتاج مساعدتكم ب عمل جدول للرحله ل قلة خبرتي في كاليفورنيا
وايضا من ناحيه السكن افضل السكن في شقق لان في السفر الشقه للنوم فقط ف ما نحتاج فندق 5 او 4 نجوم
الله يعطيكم الصحه ان شاء الله
واللي بيساعدني راح اكون شاكر له
تحياتي لك اخي الكريم ورحلة مو فقة ان شاء لله
عشرة ايام بس؟؟؟؟ زدها شوي .
على العموم شوف سانفرانسيسكو تبعد عن لوس انجلوس تقريبا 5-7 ساعات بالسياره فاذا بتروح بالطياره ممتاز ولا بتضيع نص يوم في طريق هذا اول شي ن سانفرانسيسكو حليوه تقدر تقضي فيها ليلتين
ساندييقو تبعد عن لوس انجلوس تقريبا ساعتين، سانديقو حلو بس مايحتاج تبات فيها يعني تروح الصباح وترجع باليل.
لوس انجلوس افضل مكان تسكن فيه ولا تسكن قريب الداون تاون بتجي لك الغتته في قلبك فاسكن بعيد شوي عنه واقترح عليك تسكن في مكان قريب من سوق The Grove سوق مفتوح وحلو وخل هذا المكان يكون نقطة محورك
سانتا مونيكا تبعد عن لوس انجلوس نص ساعه تروح تتمشى على الثرد ستريت شي جميل وتروح سنتامونيكا بيتش وماليبو بيتش وانت راجع تمر على فنس بيتش بعدين ترجع لوس انجلوس ومايحتاج تبات في سانتا مونيكا يعني هذا يوم
تروح مدينة انهايم تبعد عن لوس انجلوس من نص ساعه الى 45 دقيقة في هناك دزني ورلد ومكان يكثر فيه المطاعم العربية ، تروح الصباح وترجع اخر الليل واذا ماخصلت العاب دزني ارجع يوم ثاني كمل الالعاب واكل لك شي عربي وارجع هذا يومين
قضي وقتك في لوس انجلوس في the grove شاهد لك فلم وتسوق هذا راح يوم
وحولين ينفرسال ستديو محل سينما ومحلات تجارية يبغالك يوم
تقدر تاخذ السب وي وتروح الداون تاون يوقفك في شارع ستة تتمشى هناك نص يوم في محلات وحركات وتاخذ لك ستار بوكس وترجع،
طبعا هذا انت ماسويت شي ، عشر ايام ماتكفي بس نعطيك الخيارات
طيب اختمها بتسوق في مجمع اسمه
South Coast Plaza, Costa Mesa
وفي مجمعات كثيره وشواطئ ما ذكرناها ومدن ايضا لم نتطرق لها وكل مكان في كاليفورنيا حلو
اذا عندك وقت تقدر تروح long beatch و Irvin و هنقتون بيتش
ورحلة موفقة اخير الكريم واي سؤال انا حاضر