أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
لو ست ايام ماعندي مشكله الصراحه حلم بالنسبه لي
بس تسوق ماافكر الصراحه لاني لمن اسافر احب اروح متاحف وطبيعه مااشتري الا التدكارات بس
بس الجو اكيد بيكون برد رايحه
صدقيني 15 ألف سكن وتذاكر تكفي بالراحة أسبوع
وزودي سبعه أو ستة آلاف للمصاريف اليومية بحيث تركبو مترو وتاكلوا طعمية خ لا بس أكل خفيف
باذن الله تكفيكم والله ييسر لك ويبارك لك
عني زرت باريس قبل 5 سنوات, وكانت باريس أيامها مو ذاك الغلاء, كنا ساكنين بوسط باريس قرب محطة تروكديرو , وكنا نروح لبرج ايفل مشي وشارع الشانز مشي مو بعيد, والمطاعم قريبه مننا, فما كنا نستخدم الميترو الا لزيارة الاماكن السياحيه في باريس وخارجها وماخلينا مكان في باريس الا وزرناه , مثل قصر فرساي واللوفر ودار الاوبرا وحديقة الحيوانات (وايد حلوه ومرتبه) وحديقة العاب كبيره , وقصر نابليون (كان مغلق يومها:112: وحتى في متحف اللوفر قسم نابليون كان مغلق مدري وش قصة نابليون معنا كل ما نقول نبي نشوف شيئ عنه يطلع مغلق ) وكنيسة نوتردام( وايضا كانت مغلقه يوم اللي رحناها) لكن زناها مره ثانيه وكانت مفتوحه يومها ودخلناها , ودزني لاند زرناها مرتين المره الاولى كان يوم أحد والالعاب زحمه:bounce8: وماقدرنا نركب كل الالعاب ,ولهذا زرناها يوم اخر , وحتى الاسواق زرناها وغيرها من الاماكن اللي لا أذكرها, وعلى فكره ايام الاحاد عندهم تخفيض على دخول بعض الاماكن مثل"دزني لاند" و "اللوفر" زرناه أول يوم أحد من شهر ابريل فكان الدخول(( مجانا )) ما أدري ليه!! واذا مازال هذا الشيئ أو لا!! وكل هذي الاماكن ما كلفتنا أكثر من 1500 دينار بحريني!!! مع العلم كنا2 كبار وطفله وكان صرف اليورو 400 فلس والفيزا ب20 دينار , والتذاكر أخذناهم مخفضين مرره , وفندقنا كان نجمتين لكن نظيف مره ومرتب ,و(البنت تركب الميترو مجانا يدخلوها من اسفل الحاجز) وكانت سفرتنا في أواخر شهرمارس وبداية شهر ابريل ولمدة 15 ليله وكنا حاملين معنا بعض المأكولات من معلبات وجبن وشوربات نودلز وأشياء خفيفه لكن كنا ناكل بعد في بعض الاحيان في مطاعم ,و الان ما أظن ان بهذا المبلغ ممكن تكفي, وعلى فكره احنا تسوقنا على خفيف والمحلات طلبوا يشوفون جوازاتنا وعطونا رصيد نوديه جمارك المطار ويردون لنا قيمة ضرايب مشترياتنا وما أدري اذا مازال هذا الشيئ أو لا !! والله يوفقك وتكون سفرتك مثل سفرتي ومبروك عليكم العرس:50055: .. والسلام..
إذا الميزانية 15 ألف للتذاكر و السكن بس كافية بإذن الله على افتراض إنكم حجزتوا التذاكر من بدري يكون مجموعها 5 ألاف يبقى 10 ألاف تكفيكم سكن من 12 يوم لحد اسبوعين بس يعتمد على الأوتيل و موقعه و إذا عنده عروض أو لا
تحياتي
بس ترى نصيحة!! مافيه تسوق ابد ابد ابد!!
لكن تختلف من شخص لآخر.. بعضهم يحب يصرف والبعض مقتصد...
انا اقترح عليك.. تقرأين هذه المواضيع ممكن تفيدك
https://artravelers.com/p/re/25866
وهذا الموضوع
https://artravelers.com/p/re/70552