هلا أخوي الغالي .. تشرفنا بحضورك ..
والأماكن الي تستاهل الزيارة كثيرة جداً .. لكن محدوده في نفس الوقت !!!
لمحبي التسوق ..
1- سوق واقف (شعبي)
2- شارع النصر وشارع السد . (شارع تجاري)
3- مجمع اللاندمارك (مجمع ممتاز)
4- مجمع السيتي سنتر ( أكبر مجمع في الشرق الأوسط )
5- مجمع المول .
6- مجمع اللولو .
7- سوق الجبر وسوق الديرة وسوق فالح وسوق الأحمد (كلهم أحذى بعض بس ينفعون حق الحريم أكثر) ..
8- مجمع المركز أو كما يسمى (السنتر) صغير نوعاً ما . بس مايميزه العطورات
9- الصالون الأزرق (أحسن مكان لبيع العطورات الحديثة) ..
هذا الي أتذكره حالياً ..
أما عن الأماكن السياحية
فعليك بمطعم بلهمبار .. الموقع (منتصف كورنيش الدوحة) لايفوتك
القرية الشعبية أو المقهى الشعبي .. بالقرب من نادي الدوحة
شاطئ نادي الدوحة .. طبعاً هو خارج نادي الدوحة بس لقربة من نادي الدوحة سمي بهذا الأسم .
كورنيش الدوحة .. أحلى كورنيش في الخليج .. على حسب كلام الأخوان الي زاروا الكورنيش
عندك ياطويل العمر شاطئ الوكرة ..
وشاطئ سيلين .. بالقرب من منتجع سيلين ..
وشاطئ خور العديد .. لازم تروح في سيارة دفع رباعي علشان توصل ..
لكن الحين برد ما أنصح بالسباحة
المطاعم :
عندك مطاعم كثيرة ... أفضلها
مطعم السلطان إبراهيم في فندق الأنتركونتننتال ..للأكلات البحرية فقط
مطعم بخارا .. مطعم هندي بجوار مبنى التنس والاستكواش ..
مطعم نجمة الهند .. مطعم هندي جيد ..
مطاعم البندر .. في الكورنيش ..
مطعم السندباد .. إيراني ..
مطعم الشاطر عباس .. إيراني
مطعم شبستان .. أرقى مطعم إيراني في الدوحة ..
المطعم التركي المركزي .. في شارع النصر .. مطعم متميز جداً
فرغلي .. عصائر وسندويشات ..
مطعم الروشة .. مطعم متميز
مطعم الريف اللبناني .. معجناته عجيبه
مطعم السلطان .. مطعم جيد ..
مطعم المجلس .. جداً حلو وجلساته حلوه .. في شارع السد
مطعم فينيسيا .. شارع السد
مطعم الخيمة .. شارع السد
مطعم أبل بيز .. شارع النصر .
مطعم تشيليز .. شارع النصر .
مطعم فخر الدين .. شارع النصر
مطعم دجاج ناندوز .. دجاج عجيب
أم هذا الي أذكره حالياً
أما عن الفنادق .. فعدك الخيارات واسعة .. قولي أيش المستوى الي تبيه وأنا راح أدلك .. وحياك الله أخوي فيصل ..

شكرا بو محمد
من ناحيه الفنادق
اهم شي فندق يكون نظيف بمعنى الكلمه
وسعره معقول
واذا كان يطل على البحر يكون افضل

كم حدود السعر ؟؟

عندك الماريوت ... يطل على البحر
فندق رامادا ... في نص المدينة
فندق موفنبيك .. يطل على البحر (بس ماله شاطئ)
فندق ريدجز .. نفس فندق موفنبيك
فندق مروب .. فندق جديد في شارع السد
فندق أنتركونتننتال .. أعتقد مسويين عرض عليه ..
فندق شيراتون .. أكبر لوبي في الشرق الأوسط .. وفندق ممتاز .. له شاطئ وعلى البحر . ومكانه مميز .
فندق الريتز كالرتون .. فندق متميز قابع كالجزيرة في بحيرة الخليج الغربي .. يطل على الخليج العربي ... لكنه غالي شوي
تحياتي لك
وأنصحك ب ال5 الفنادق الأولى الي ذكرتهم .. لأن أسعارهم متوسطه ..
وفندق الأنتركونتننتال جيد .. ويمكن مسويين عروض عليه
وألحق ماتلحق ..

في بعض الاشياء اللي نسيتها يابومحمد..
اولا المجمعات في مجمع الحياة بلازا بس هذا ينفع للعائلة لان كله ملابس اطفال وحريم وفي منطقة للالعاب وبعد المخازن الكبرى
الاسواق( الجبر وواقف وفالح والديرة) تصلح للحريم
وعندك السلام بلازا والصالون الازرق يبيعون العطورات والملابس والشنط واغراض البيت بس كلها ماركات عالمية وغالية
بالنسبة للمطاعم: عندك الجولف حلو ومكانه شرح خصوصا هالفترة لان الجو حلو وهم عندهم قعدات على التيراس..
فندق الماريوت اكله عجيب
البتيل
سبورت كافيه في السيتي سنتر بس مانصحك باكلهم يعني بس تتقهوى
فرغلي اذا كان خاطرك تشرب عصير المنجا اللي في مصر وسندويشات مصر( بس هو معصرة يعني مافيه قعدات)
ان شاء الله لما اتذكر شي راح ارجع اكتب

شكراً على الإضافة يا أم ياسمينا