https://www.booking.com/hotel/at/aparthotel-waidmansheil.ar.html?aid=1300939
سكنا فيها جدا رائعه وتعاملهم رائع
وفيها شقق لحد 6 اشخاص 3 غرف نوم

احذري تقعين في خطأي وتسكنين في شقق بدون استشارة خصوصاً في كابرون ..انا سكنت في شقق ديميتسيل وكرهت الديرة

عودة سدير
ممكن تعلمنا وش السبب

tofa7h222
وعليكم السلام
اختي الكريمه
عند بحثك للسكن في موقع بوكينج اختاري العدد وبعدها نوع الفندق واختاري شقة وبعدها يطلع لك المتوفر في كابرون او حولها
هذا بحثي المبدئي
https://www.booking.com/hotel/at/apartments-sonnenheim.ar.html?aid=1300939
تحياتي

حبْر
ياهلا بمشرفنا حبر ..
والله يالغالي مدري شلون اشرح لك رداءة المكان ! في البداية وصلنا ولم يستقبلنا أحد ! لا استقبال ولا غيره , وبعد الاتصالات المتكررة رد علينا صاحب الشقق وبلغنا انه ترك المفتاح بالشقه !
الشقة بالدور الرابع وبدون مصعد ( المصعد يخدم دوري فقط ) وعند دخول الشقه الله وكيلك شمينا ريحة جيفه ميته بدون مبالغة !
الشقة مستواها اذا بقيمها من ( 10 ) اعطيها ( 0.1 ) لا من ناحية أثاث ولا فراش مريح تنام فيه ولا حمام وصيانة للمرفق لأن اغلب الأشياء مكسورة .. الشيء الوحيد المميز تعامل زوجة صاحب الحلال الي زارتنا من بكره و الواي فاي..
عموماً راجعت بوكينج وانصدمت من التقييم ! اغلب الزوار عاجبهم المكان وبعض الزوار يعانون من نفس مشكلتي فاستنتجت أن المكان نفسه فيه الهاي كلاس وفيه اللو كلاس ..
والله المستعان

عزيزي عوده سدير
اشكر لك تجاوبك
بالنسبه للإستقبال اغلب الشقق مافيها استقبال لان اهلها يكونون ساكنين فيها
المفروض انك تتصل قبل الوصول والافضل قبل الساعه الواحده ظهراً بتوقيت النمسا وتخبرهم انك جاي بالطريق وتخبرهم بوقت وصولك التقريبي
اما ع النظافه فهذي مشكله بحد ذاتها
هل اخبرتهم بالرائحه ونظافة الشقه وهل تم التعامل مع مشكلتك ؟
رابط الشقة لو سمحت حتى يبعد عنها العرب المسافرون
تقبل تحياتي

مرحبا بمشرفنا الغالي ,,صدقت في مسألة الاتصال المسبق , وهذي ماتشكل لنا مشكلة حقيقية ..
المشكلة في رداءة المكان نفسه والرائحة .. والأكثر ازعاج أنهم يأخذون 40 يورو على تنظيف الشقة
ولا ينظفونها الا بعد التشيك اوت حسب كلام زوجة صاحب الحلال الي استقبلتنا استقبال لابأس فيه..
عموماً .. الاجراء الي سويته كلمت صاحب الحلال , ورفض يرجع لي المبلغ , حتى بمحاولات سحب قيمة ليلة واحدة .. فاضطريت أكلم الوسيط ( بوكينق ) الي تجاوب معي وضغط على المالك واعاد اليوم باقي المبلغ بعد خصم 80 يورو ( 50 قيمة الليلة الاولى و 30 غرامة ! )
https://www.booking.com/hotel/at/appartements-domizil.ar.html?aid=1300939

جميل تعاون معاك بوكينج
وسعر التنظيف في اغلب الشقق في اوربا يكون بعد خروجك
وليس اثناء فترت اقامتك
اعلمك بشي
فيه شقة في بلدة غريندلوالد في انترلاكن سعر التنظيف النهائي 420 فرنك مايعادل 1691 ريال وهذا بعد خروجك منها وهذا غير مقبول
وليش غير مقبول لان اغلب المقيمين في الشقق يتركونها نظيفة او شبه نظيفه
لكن مشكلتنا ان بعض المسافرين وخاصه العرب يتركون بقايا الاكل و هذا ما يقبلونه ولا نقبله نحن وهذا سبب رفع التنظيف النهائي

tofa7h222
عذرا منك اشغلنا استفسارك
مدري انتهيتي من السكن ولا باقي