السلام عليكم ورحمة الله وبركاته
مراحب اعضاء وعضوات بوابة سويسرا
حابه استشاره وخاصه من الخبير ابو عزيز ولا يهونون الباقين
الاجازه من 1 جولاي الى 12 جولاي
الوجهه : كانت فرنسا بس انا رغبتي في الارياف والمناطق الحلوه وكلها بعيده في الجنوب فهي قريبه من سويسرا اقترحت على زوجي تغيير الوجهه لسويسرا ومنها لاانيسي وشامونيه
الميزانيه :25000 الى 30000 الاشخاص انا وزوجي وبنتي
اول شي هل الفتره كافيه لزياره افضل الاماكن ؟
وهل الميزانيه كافيه؟
اخيرا ابو عزيز ابي برنامج وين اروح وكيف اروح تعبت واحولت عيوني وان اقراء واقراء واقراء:112: ابو الشباب يقول شكلنا بنحط ميزانية السفر في عملية لايزك ثانيه لعيونك ومب لازم سفر
بتقول لي اقري
https://artravelers.com/p/re/55133
قرييته وحافظته عندي بس ودي ببرنامج يشمل انترلاكن الاقامه فيها يومين
وممكن بيرن وجنيف طبعا ومنها لانسي وشامونيه ومادري هل فيه امكانيه ادخل شي ثاني ؟؟
تحياتي لكم ولاهنتو
اختي اولا : ما دام تحبين الارياف والمناطق الحلوه وش جاب طاري بيرن مدينه صاخبه وزحمه 0
ثانيا : الميزانيه (30000 ) لمدة 12 يوم جيده
ثالثا : اذا تحبين الارياف وهي الهدف الاساسي من الرحله هذا يتطلب وجود سياره معكم تقلون وتسكنون في اي مكان جميل
ولو بعيدا عن النقل العام (قطارات وباصات )
رابعا : اذا الارياف مهمه لابد ان تكون زيرمات ضمن البرنامج ولو ليله 0