بسالكم انا شفت في فندق رخيص وكويس حسب اللي شفته من صور فندق نابليون !! كم يبعد عن السوليدير وش رايكم فيه؟

هلابك اخوي ومبروك الزواج مقدماً
منك المال ومنها العيال أن شاء الله
وفقكم الله وجمع بينكما بكل خير ومحبه
من ناحيه الفنادق فأفضل منطقة تسكن فيها
هي جونيه أو برناما بحكم انك متأهل ( عائله )
اما المقاهي فعندك السوليدير .. مع أني ما افضلها
اذا كانت زوجتك معاك زحمه وعالم وأنوواع القز هناك
من ربعك وانت عارف زين .. ههه
ما علينا وعندك مقاهي الفردان حلوه ..
اتمنى ان اكون افدتك ولو بالشيء البسيط
والاخوان ان شاء الله ما راح يقصرون معاك ..
والف مبروك مره اخرى على الزواج .. الله يرزقك
الذرية الصالحة ..

مشكور على الافاده .. والله يجزاك خير على الدعوه الطيبه .
بس انا ودي اسكن ف بيروت بحكم اني اول مره ازورها وجونيه وبرناما من ناحية الامان والوضوع فيها كيف؟ وايش هي الفنادق اللي ترشحها ؟
وكم المسافه بينهم وبين السوليدير والاماكن السياحيه؟

معرس
الله يعافيك اخوي ..
بيروت حلووه بس زحمه .. ومن ناحيه الامان ارقد وآمن ان شاء الله مافيه اي خوف طبعاً
بعد اخذ كافة الاحتياطات من قِبلك ..
يوجد فندق رائع جدا يقع علي الطريق السريع بين بيروت وجونيه أسمه (رويال)
وافضل فنادق الجبل فندق جراند هيلز فيليج في برمانا .. أتمنى أن اكون افدتك
أما من ناحيه المسافه فهي تقريبا حوالي 30 كيلو بس الله يعينك اذا كان فيه زحمه
لانك ممكن تجلس ساعتين لين توصل بيروت أو برمانا .. لان طرقاتهم ضيقه مرره
تقبل تحياتي أخوك / عماد

اخوي عماد طيب وش رايك في بحمدون ؟. خاصة فترتي بتكون امتحانات ومافيها زحمه

معرس خليك معي ، انا عايش في بيروت بس للاسف انا راح اسافر يوم 6 - 6 للرياض وبرجع يوم 22 6 علشان عندي صيفي..
عطيني سعر للغرفه وانا ادلك لاي فندق والسيارات تختلف اسعاراها بالصيف بس ماافي احد يااخذ اقل من 100 دولار باليوم من غير بنزيم وان شاء الله انا اشوفلك سياره اذا جيت ، اذا تبي سياره اجار يكون احسن اوفر لك بس راح تضيع كثير وما دري ايش بس الوقت الي انت جاي فيه ماافي زحمه بيكون اختبارات العالم يعني ماافي احد راح يكون فاضي فااكيد الفنادق مااهي مليناه ومكاتب اجار السيارات فيها سيارات كثير..
القهاو والفنادق كثير ماا ادري ايش اقولك بس انا ارجح لك مطاعم الحمرا ..

بحمدون بها الوقت تكون فاضيه .. بس الاجواء فيها احلى بكثير من بيروت
والاخ ابو عزيز ما قصر كفى ووفى ..