شوف اخي لو رحت لبنان انشالله رح تنبسط كتير وما رح تندم لان لبنان بتجمع ما بين العالم الغربي والشرقي التقاليد المسلمة والمسيحية التقاء اعداد كبيرة من السواح من كل دول العالم فلا تتردد لان بكل بساطة لبنان يستحق الزيارة
بالنسبة لاهدن هي منطقة جبلية موقعها شمال لبنان بتبعد عن بيروت حدود الساعتين او اكتر شوي على حسب الزحمة وحسب انت من وين بتطلعلها لان الها اكتر من طريق للوصول الها بس اهم شي لازم يكون معك حدا تتسلى معه صاحبك او زوجتك اهدن منطقة كل سكانها مسيحين جوها بارد وجاف لانها قريبة من منطقة الأرز العريقة لو بدك تنبسط لازم يكون معك سيارة حتى تقدر تتعرف على كل قراها المجاورة لان اهدن منطقة مش كبيرة كتير بس لو اقمت باحد فنادقها معناها بيصير اسهل عليك انك تطلع على منطقة بشري وهي اعلى منها بشوي وفيك تطلع على الأرز وعلى عيون أرغش الرائعة ورح توصل للقرنة السوداء وهي اعلى قمة بلبنان وفنادقها مش غالية كتير يعني ب60 دولا بتلاقي فندق مرتب وفنادقها قليلة ولو حبيت تقعد في منتجع قريب على اهدن اسمه الكونتري كليب منتجع فيه مسابح يعني بتضرب عصفورين بحجر منها تصيف بجو بارد وتمارس هواية السباحة لو بدك واحلى ما باهدن مطاعمها اكلهم كتيير طيب وخصوصا مطعم الفردوس ومطعم ام محرز وبالصيف كل المطاعم يوم السبت ليلة الأحد بيكون في حفلات طرب متل كاظم الساهر او نجوى كرم الخ.............. اذا كنت من محبين السهرات الفنية وباهدن رح تتمتع بالفاكهة الطازجة اللذيذة وممكن تقتني هدايا تذكارية صنعت من خشب الأرز قبل العودة
لو بدك تطلع من اهدن لبيروت او العكس لازم تاخد تاكسي من بيروت لمدينة طرابلس او ممكن تطلع بالباص تكلفة الشخص بالباص ب2000 ليرة يعني 5 ريالات سعودي وبالتاكسي اغلى بكتير وبس توصل طرابلس بتاخد تاكسي من طرابلس لاهدن لو معك ركاب رح تدفع 2000 ليرة لو وحدك ممن 10000 ليرة اي 25 ريال يعني من بيروت لطرابلس بتروح بالباص ومن طرابلس لاهدن بتروح بسيارة وفيك تسال اهل المنطقة وين مواقف اهدن رح يدلوك بسهولة على سيارات الخط العمومية الخاصة بالمناطق
ورحلة موفقة انشالله

جزاك الله ألف خير
اللي فهمت من كلامك ان اقرب مدينة لإهدن هي طرابلس وكم كيلومتر بيتهم
بتكون معاي زوجتي وهذي اول مره اروح للبنان
هل اقدر اكتفي في اهدن - يعني فيها كل مايلزم السائح - تعرف الزوجات يحبون دائما يتسوقون
هل فيها مجمعات تجارية
او لازم اروح لبيروت
وهل اهدن بارده - يعني آخذ معاي ملابس ثقيلة للتمشي بالليل
وهل لما اتمشى بالليل هي امان
كم تكلفة المطاعم وعلى سبيل المثال مطعم الفردوس
واذا امكن ان وجد صور لديك عن اهدن
ومشكور على كل شيء

البرنس بالنسبة للتسوق ف طبعا بنصحك ببيروت السوليدر والفردان
اما بالنسبة لجمال الطبيعة وروعة الجبال والطقس البارد ف أهدن هي المطلوب وبتطلع الا من طرابلس
ورح تلاقي الطريق رائعة الجمال محيط فيا جبال عالية وينابيع والضيعة باردة خاصة بالليل بس تستحق الزيارة

catee
ألف ألف شكرا بصراحة انتم تشجعون والواحد يفتخر انه انضم معاكم
وياليت اذا في احد الاخوان عنده اي معلومه لايتأخر علينا
انا حجزت في Ehden Country Club
وهل احد من الاعضاء زار او صيف في اهدن
وكم من الزمن من اهدن الى وسط بيروت وهل الطريق آمن بالليل للعوده الى اهدن
وألف شكرا للردود
وألف شكرا للمنتدى